Jakob 2:13 - সান্তালী বাইবেল

¹³ ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Santali Common Language New Testament

¹³ ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Jakob 2:13 Referans Kwoze

Mathae 5:7

Mãyãkʼkogeko bhạgana, ente onko do mãyãko ńama.

Mathae 6:15

Menkhan eṭakʼko bape ikạleko khan aperen Baba hõ apeakʼ ghạṭko bae ikạitapea.

Kạhtukko 21:13

Okoe hoṛ reṅgecʼkoakʼ rakʼjoṅre luture tubetʼetʼtae, Uni do tinre acʼe rakʼ homora unre okoe hõ bako luturataea.

Luk 6:37

“Eṭakʼkoakʼ ghạṭko alope sapʼ baṛaetakoa, enḍekhan apeakʼ dos hõ baṅ sabokʼtapea. Eṭakʼko sạjại ńam lek kanako mente alope hudiskoa, onate ape hõ sạjại ńam lek mentepe menocokʼa. Eṭakʼko ikạkakope, enḍekhan ape hõpe ikạ ocokʼa.

Sereńko 18:25

E Probhu Isor, biswạsiko tulucʼ do biswạstegem beohareda ar dhoromko tulucʼ do dhoromem beohareda,

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Sereńko 85:10

Asambheṛ dulạṛ ar pạtiạr dokin ńapam midokʼa; dhorom ar suluk dokin cokʼ joṅa.

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Genesis 42:21

Ona tayom onko do ako akoreko mepenena, “Sạrige aboren uni boeha cetanre oka bon cekaletʼ onate abo dobon dusigea. Uni do abo ṭhene nehõrlena ar uniyakʼ mon reakʼ kosṭo ńeltehõ unre babo dayalena. Onatege noa kosṭo do abore hecʼpaṛao akana.”

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

2 Bõsbudạ 28:11

Ńitokʼ ape do ińakʼ katha ańjompe. Aperen jạt boehako tala khon okoe bondikatepe ạgu akatʼko onko do kol ruạṛkakope, ente Probhu Isorakʼ raṅgao do ape cetanre menakʼa.”

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Bikʼcạrko 5:27

Uniyakʼ jaṅga ṭhen Sisera doe bhindạṛena ar onḍege uni doe bhindạṛ tahẽyena; ar uniyakʼ jaṅga ṭhen okareye bhindạṛen onḍege uni doe gocʼena.