Jakob 1:9 - সান্তালী বাইবেল

⁹ Okoeṭakʼ biswạsi boehae nindhạnge, ar Isor do uniye usulkedete apnarte bhạganicʼe hudisokʼma.

Santali Common Language New Testament

⁹ Okoeṭakʼ biswạsi boeha doe nindhạnge, Isor do uniye usulkedete apnarte bhạganicʼe hudisokʼma.

Jakob 1:9 Referans Kwoze

Kạhtukko 19:1

Okoe khaṭo hudisan hoṛ peṛta kathae roṛ uni khon uni reṅgecʼ hoṛgeye bhagea one okoe do sạriyakʼreye dãṛãnkan.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkan, menkhan Jihudiko baṅkan, bickom Soetanakʼ dolren kanko, onko do am upạrte okako roṛetʼkan ona doń baḍaegea.

Luk 1:52

Uni do siṅghạson khon rajkoe ńurhạketʼkoa, menkhan nindhạnko doe tul rakapʼ ketʼkoa.

Kạhtukko 17:5

Okoe hoṛ reṅgecʼkoe nisṛạuko uni do onkoren sisirjạuicʼe henostawae kana; Okoe eṭakʼkoakʼ muhinreye rạskạkʼkan uni do sạjạiye ńamgea.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

Dosar Biboron 15:11

Reṅgecʼ hoṛ do dhạrtireko tahengea. Onate noań hukumape kana, aperen boehako secʼ ar disạmren reṅgecʼ ar nacar hoṛko secʼ apeakʼ ti do khulạge tahentape ma.

Dosar Biboron 15:9

Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Dosar Biboron 15:7

“Aperen Probhu Isor okaṭakʼ disạme emape lạgidokʼkan ona disạmre aperen boehako modre jãhãege reṅgecʼreye paṛaokʼ, enḍekhan unire apeakʼ ontor do alope keṭejtapea, se uni reṅgecʼ boeha lạgitʼ apeakʼ ti do muṭ akae alope dohoytapea.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Romiko lạgitʼ Pạul Apostolakʼ ciṭhi 8:17

Ar gidrạko bon hoyakan khan, enḍekhan Isor acʼren gidrạko okaṭakʼ emokʼ reakʼe gokʼatʼko tahẽkan abo hõ ona bon ńama. Mạsige Isor ṭhen khon onae ńama ar abo hõ uni sãote ona bon ńama, ente Mạsi sãote bon harket sasetlen khan abo hõ uni sãote ṭhonokren bhạgiyạdar bon hoyokʼ.

Luk 10:20

Menkhan bhutko apeakʼ kathako ańjometʼkante alope rạskạkʼa, bickom sermare apeakʼ ńutum ol caṛhao akan iạte hulạsokʼpe.”

Luk 9:48

Ona tayome metatʼkoa, “Jãhãege iń ńutumte nui gidrại ataṅe, uni do ińgeye ataṅińạ. Ar okoe ińe ataṅiń, uni do kol akadińicʼgeye ataṅea. Apeko modre okoe sanamko khone huḍiń utạricʼkan, unigeye maraṅa.”

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Luk 14:11

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”