Jakob 1:8 - সান্তালী বাইবেল

⁸ Uni doe bar monan hoṛkana ar joto kạmirege bae ṭarhaokʼa.

Santali Common Language New Testament

⁸ Uni doe bar monan hoṛ kana ar joto kạmirege bae ṭarhaokʼa.

Jakob 1:8 Referans Kwoze

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Mathae 6:24

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

2 Patras 2:14

Onkoakʼ mẽtʼ do loṭghuṭite perecʼgea ar tisge kạkại do bako bạgiya. Onko do dhoromre nijor monanko lalocko udukʼakote bhul horteko idikoa. Onkoakʼ ontor do eken lalocgeye cetʼakada. Onkore sarap menakʼa. Onko do sojhe hor bạgikate bhul hor secʼko ghańjeṛ akana.

2 Rapajko 17:41

Onko do Probhu Isorko sewawae kan tahẽkangea menkhan debotako hõko sewawako kan tahẽkana. Ar teheń hạbicʼ onkoren hoponko ar goṛom gidrạko hõ akoren hapṛamko lekageko taṛameda.

2 Patras 3:16

Uniyakʼ joto ciṭhirege noako reaṅ inạ mitʼ kathageye oletʼkana. Onako modre adomakʼko babotre menakʼakʼ as bujhạu do muskilgea. Onate baṅ cetʼakatʼ ar baṅ kajak hoṛko do eṭakʼ eṭakʼ sostorko leka noako reakʼ mane hõko pẽṛtayetʼte nijạte nosṭokʼko ạgujoṅ kana.

2 Rapajko 17:33

Onko do Probhu Isorko sewawae kan tahẽkana, menkhan ona sãote okako disạm khonko ạgu ocolen onako disạm reakʼ cạli leka onko do akoren debotako hõko sewawako kan tahẽkana.

Hosea 10:2

Uniren hoṛkoakʼ ontor do bepạtiạr getakoa; onate onko do ńitokʼ dos reakʼ bojha asen baṛae hoyokʼtakoa. Probhu Isor do onkoakʼ pinḍkoe rạputʼ giḍikatakoa ar onkoakʼ pujạ reakʼ dhirikoe marao cabaetakoa.

Mathae 6:22

“Mẽtʼ do hoṛmo reakʼ diuhe kana. Onate amakʼ mẽtʼ mońjgetam khan amakʼ goṭa hoṛmo hõ marsalte perejokʼa.

Sereńko 119:113

Bar monan hoṛko do bạń kusiyakoa, menkhan amakʼ hukum doń dulạṛeda.

Jakob 1:7

Nonkan hoṛ do Probhu Isor ṭhen khon jãhãnakʼe ńama mente aloe asokʼma.