Jakob 1:5 - সান্তালী বাইবেল

⁵ Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Santali Common Language New Testament

⁵ Apeko modre jãhãe akel reakʼ okulan menakʼtae khan uni do Isor ṭhene koejoṅma, ar Isor do onae emaea, ente uni do begor ạṛiste mimitʼko asambheṛe dan akoa.

Jakob 1:5 Referans Kwoze

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

2 Bõsbudạ 1:10

Iń do bud ar ạkil imạńme jemon ińakʼ dạyikiń purạu daṛeakʼ, ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Johan 14:13

Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiyakʼ onako bon kạmi.

Exodus 31:3

Iń do Besalelge ińren Jiuteń perecʼ akadea. Uni do ạkilte, bujte, bidiạte ar sanam lekan kạrigol kạmi reakʼ daṛeń emakawadea.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Exodus 31:6

Ona chaḍa uni goṛowae lạgitʼ iń do Dan gusṭiren Ahisamak hopon Oholiab hõń bachao akawana. Ar okoe gạkhuṛ kạrigolko noako kạmi onko hõ nonkan ạkiliń emakawatʼkoa jemon amiń emakawatʼme hukum leka onko hõ sanamakʼko kạmi daṛeakʼ. Noako jinis do hoyokʼkana:

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

1 Bõsbudạ 22:12

Probhu Isor do Israelko ḍanṭaoko reakʼ bhar tinre am cetanreye emokʼa unre uni do bud ar ạkil hõe jimạwama jemon amren Probhu Isorakʼ ạn-ạrikom dohoytae.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Mathae 11:20

Ado Jisu okako ato ar nagrahakore ḍher hahaṛa kạmikoe kạmiletʼ onako jaegaren hoṛko do mon bako ạcurletʼtakoa. Onate uni do onako jaega nisṛạue ehopʼena,

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Kạhtukko 8:17

Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.