Jakob 1:4 - সান্তালী বাইবেল

⁴ Ar ona soborige apeakʼ jionre purạte kạmire lagaope, jemon gạkhuṛ arpe niphuṭ utạr daṛeakʼ, metakʼme apeakʼ colonre okulạn alo tahen ma.

Santali Common Language New Testament

⁴ Ar ona soborige apeakʼ jionre purạte kạmire lagaope, jemon gạkhuṛ arpe niphuṭ utạr daṛeakʼ, metakʼme apeakʼ colonre okulạn alo tahen ma.

Jakob 1:4 Referans Kwoze

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Luk 21:19

Ape do ṭarhao akaepe tahente sạri jionpe labjoṅa.

Mathae 5:48

Onate aperen sermaren Baba cetʼlekae khạṭige, onkage ape hõ khạṭi hoyokʼpe.

2Timothi 3:17

jemon Isorren hoṛ purạte lek leka hoykate bhage kạmi lạgitʼ sajakanicʼe hoydaṛeakʼ.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Galathiko lạgitʼ Pạul Apostolakʼ ciṭhi 6:9

Bhageakʼ kạmi kạmite alo bon mokońokʼma, ente babon loraolen khan okte nạpitre phosol bon ńama.

Sereńko 40:1

Iń do Probhu Isor lạgitʼgeń koyokʼ horakatʼ tahẽkana. Uni do ińakʼe luturada, ar koejoṅe ańjomketʼtińạ.

Sereńko 37:7

Probhu Isor samaṅre thir hape akan tahenme; ar uni ńel horre tahenme. Apnarakʼ kạmi purạu lạgitʼ okoe do bạṛicʼakʼko kạmire acʼakʼ mone lagaoetʼ, uni iạte am do alom jal jalaokʼa.

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

1 Korinthiko 2:6

Okoeko Mạsiyakʼ Jionreko hara sạbit akan onko ṭhen do akel reakʼ kathagele roṛeda; menkhan ona akel do noa dhạrti reakʼ baṅkana, se noa jugren mukhiyạkoakʼ hõ baṅkana one okoe doko parom calakʼko kan;

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Mathae 10:22

Iń khạtirte sanam hoṛko hirkhạwapea, menkhan okoe mucạtʼ hạbicʼ ṭarhaoe tahen unigeye bańcaokʼa.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Kạhtukko 4:8

Ạkil dulạṛme, onage am doe usulmea; ona sapʼ dohoyeme, onage am doe manotmea.

2 Patras 1:9

Okoe hoṛre noako gun bạnukʼ, uni do ḍher sạṅgiń bae ńel ńameda, ente uni doe kãṛãgea. Ar acʼakʼ lahateakʼ kại khone sapha ocoakan ona doe hiṛiń akada.

Johan 17:23

Metakʼme iń do onkore, ar am do ińre, jemon nonkate onko do mitʼko hoyokʼ. Onate dhạrtiren hoṛko baḍae daṛeakʼa, amge ińem kol akadińa ar cetʼleka ińem dulạṛedeń kan onkage onko hõm dulạṛetʼkoa.

Luk 18:22

Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.”

Mark 10:21

Jisu do uniye beṅgetʼadea ar dulạṛ salakʼe metadea, “Mitʼṭecʼ jinis dom bạki oṭo akawada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mathae 19:20

Uni juạn koṛa doe menkeda, “Noako joto doń manao ạguakada, ado ar cetʼko cekae hoyokʼtińạ?

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu do purạ puri bin dusạn baṛe dohoytape.