Jakob 1:27 - সান্তালী বাইবেল

²⁷ Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Santali Common Language New Testament

²⁷ Rạnḍi maejiu ar tũạr amarko dukokʼre hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼ kana Isorakʼ mẽtʼre sạri dhorom ar khạṭitetʼ.

Jakob 1:27 Referans Kwoze

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

1Timothi 5:4

Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noate Isor doe kusikʼa.

Sereńko 119:1

Bhạgangeako onko do, okoe sạbitko colonetʼkan ar Probhu Isorakʼ hukum lekako calakʼkan.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Sereńko 68:5

Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Mathae 5:8

Okoeyakʼ ontor khạṭigetako onkogeko bhạgana, ente onko do Isorko ńelea.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

1 Johan 5:18

Baḍaea bon, Isor khon janamicʼ do kạire bae tahena. Ar okoe Isor khone janam akan unige uni doe rukhiyạyea, ar Soetan do bae joṭetʼ daṛeaea.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Galathiko lạgitʼ Pạul Apostolakʼ ciṭhi 6:14

Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwigeye emkeda, jemon noa bạṛicʼ piṛhirenko khone rukhiyạ bon.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

Sereńko 146:9

Probhu Isor do upriạ hoṛko hõe beṅgetʼako kana uni do ṭuạ̃r amar ar rạndikoe ńel todarotetʼkoa, menkhan bạṛicʼkoakʼ hor doe konḍeayetʼtakoa.

Mathae 12:32

Manwa Hopon upạrte jãhãege jãhãnakʼe roṛ ona do ikạkʼtaea, menkhan sonot Jiu upạrte kathae roṛlekhan baṅ ikạkʼtaea, niạ jugre hõ baṅ ar darakan jugre hõ baṅ.

Romiko lạgitʼ Pạul Apostolakʼ ciṭhi 2:13

Okoe eken ạn reakʼ kathako ańjometʼkan onko do Isor samaṅre dhorom doko baṅkana, menkhan ạn lekate calakʼkankoge Isor do dhorom menteye ataṅkoa.

Galathiko lạgitʼ Pạul Apostolakʼ ciṭhi 3:11

Ona chaḍa noa hõ pusṭạugea je, ạn-ạri manaote Isor do okoe hõ dhorom mente bae ataṅkoa, ente sonot sostor reakʼ katha leka, “Okoe dhorom menteye ataṅ ocokʼ uni do biswạs hotetege jione ńama.” Ente pạtiạu tulucʼ ạn-ạri reakʼ jãhãn jopoṛao do bạnukʼ anaṅ.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoeṭakʼ jiu doe hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayede tahẽkana.

Titus lạgitʼ Pạul Apostolakʼ ciṭhi 2:12

Noa dayage aboye cetʼabon kana jemon Isor bebhokti ar dhạrti reakʼ lalocko bon baṅakʼte nahakʼ jugre apnar bon sambṛaokʼte Isor bhokti salakʼ dhorom jion bon khemao,

Jakob 3:9

Noa alaṅte aboren Probhu Isor, metakʼme Isor Baba bon sarhaoede kana, arhõ noa alaṅte uniyakʼ muṭhạnte benao akan hoṛ bon sarapako kana.

2 Patras 1:4

Uni do acʼakʼ ṭhonok ar soros gunte abo ṭhen ạḍi damanakʼ ar maraṅakʼe gokʼakada. Noa reakʼ monsubạ do hoyokʼkana, manwakoakʼ bạṛicʼ sana khạtirte dhạrtire okako bạṛicʼakʼ perecʼ akan ona khonpe ńir pharakokʼte Isorakʼ boge colonren bhạgiyạdarpe hoyokʼ.

2 Patras 2:20

Aboren Probhu ar babańcaoicʼ Jisu Mạsi reaṅ baḍae khạtirte dhạrti reakʼ bạṛicʼakʼ khonko ńir pharakokʼkanre hõ onko do inạ bạṛicʼakʼregeko jhạlikʼkante arhõko bhagao ocokʼkana, ar onkoakʼ mucạtʼ dosa do pạhilakʼ khon artetʼ bạṛicʼ hoyakantakoa.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.