Jakob 1:26 - সান্তালী বাইবেল

²⁶ Okoe apnarte dhorome hudisokʼkan menkhan acʼakʼ alaṅ bae sambṛao daṛeakʼkan uni do apnargeye bulạukʼkana. Ar uniyakʼ dhorom korom do ạuṛiyakʼgetaea.

Santali Common Language New Testament

²⁶ Okoe apnarte dhorome hudisokʼkan menkhan acʼakʼ alaṅ bae sambṛao daṛeakʼ uni do apnargeye bulạukʼkana. Ar uniakʼ dhorom korom do ạuṛiakʼgetaea.

Jakob 1:26 Referans Kwoze

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Sereńko 141:3

E Probhu Isor, ińakʼ mẽtʼãhãre pharadarko dohokom, ar ińakʼ luṭi silpiń do horhoytińme.

1 Patras 3:10

Sonot sostorre olakana, Okoe sukte jion khemaoe menjoṅkan ar bhage din ńeljoṅ lạgitʼe asokʼkan, uni do bạṛicʼ kathako khon acʼakʼ alaṅ, ar eṛeakʼ kathako khon acʼakʼ luṭiye sambṛaotaema.

Ephesiko lạgitʼ Pạul Apostolakʼ ciṭhi 5:4

Ar sanam lekan lajao paṛaoakʼ colon se lelha roṛ ar bạṛicʼ umtạ umti katha hõ ape talare alo hoyokʼma, ente noako do baṅ sajaokʼa. Ona khon bickom ape do Isor sarhaoepe.

Kạhtukko 19:1

Okoe khaṭo hudisan hoṛ peṛta kathae roṛ uni khon uni reṅgecʼ hoṛgeye bhagea one okoe do sạriyakʼreye dãṛãnkan.

Sereńko 34:13

Enḍekhan uni do alaṅte bạṛicʼ katha aloe roṛma, ar luṭite eṛeakʼ kathako aloe oḍok ocoyma.

Kạhtukko 10:31

Dhorom hoṛkoakʼ moca khon do ạkil reakʼ katha oḍokokʼa, menkhan peṛta katha roroṛ alaṅ doe getʼ giḍi ocokʼa.

Kạhtukko 10:19

Ḍher kathare bedhorom do baṅ okulạnokʼa, menkhan okoe mocae ḍanṭaoetʼtae uni doe budangea.

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Jakob 1:22

Eken Isorakʼ katha ańjomkate do baṅ hoyokʼa, onaleka kạmi hõ lagaokʼa. Eken Isorakʼ kathagepe ańjom ar ona leka bape kạmi enḍekhan ape do apnartegepe ṭhokakʼ kana.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Kạhtukko 16:25

Mitʼṭecʼ hor menakʼa okaṭakʼ do manwakoakʼ mẽtʼre ṭhik bujhạukʼkan, menkhan ona reakʼ mucạtʼre do moron menakʼa.

Luk 8:18

Onate cetʼ lekape ańjometʼkan, ona reaṅ moneyakʼpe, ente okoeyakʼ menakʼtae uni do arhõe emocokʼa, menkhan okoeyakʼ bạnukʼtae uni do oka menakʼtae ona hõe recʼ ocokʼa,”

Galathiko lạgitʼ Pạul Apostolakʼ ciṭhi 6:3

Jãhãe jãhãnicʼe baṅkanre hõ apnartetʼ jãhãnicʼ menteye hudisokʼkan khan uni do apnartegeye bulạukʼ kana.

Kạhtukko 14:12

Mitʼṭecʼ hor menakʼa okaṭakʼ do manwakoakʼ mẽtʼre ṭhik bujhạukʼkan, menkhan ona hor mucạtʼre do gujukʼ menakʼa.

Dosar Biboron 11:16

“Menkhan sontor akae tahenpe, ar baṅ khan eṛeyakʼrepe paṛaokʼte Probhu Isor ṭhen khonpe pharakokʼa ar debotakope sewawakoa.

Galathiko lạgitʼ Pạul Apostolakʼ ciṭhi 2:6

Manḍerren manotanko bikạukʼkan hoṛko do bhage sombat reaṅ nãwãnakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Mark 7:7

Onko do ạuṛiyakʼgeko sewawạń kana, ar manwakoakʼ hukumkoge dhorom reakʼ sikhnạt menteko cetʼako kana.

Jesaea 44:20

Uni do torocʼ jom lekae kạmiya ar uniyakʼ bạulạha akan mon do bạṛicʼ horteye idiyea. Apnarte uni do bae rukhiyạ daṛeakʼa se bae mena, “Ińakʼ jojomti reakʼ niạ jinis do cetʼ eṛeakʼ baṅkana?”

Kạhtukko 21:26

Nonkan hoṛ menakʼkoa okoe do sanam ghạṛicʼko laloc, menkhan dhorom hoṛ doe emokʼa ar bae cuputʼ ruạṛa.

1 Korinthiko 15:2

Okaṭakʼ kathań porcaratʼpe tahẽkan onage kajakte sapʼ akaepe tahen khan enḍekhan ona bhage sombat hotete kại khon bańcaope ńametʼa, khạjuk apeakʼ pạtiạu ạuṛiyakʼ alo hoyokʼ.

Mathae 15:9

Onko do ạuṛiyakʼgeko sewawạń kana, ar manwakoakʼ hukumkoge onko do dhorom reakʼ sikhnạt menteko cetʼako kana.

Malaki 3:14

Apepe meneda, ‘Isor sarhaoe do ạuṛiyakʼgea. Uniyakʼ ạn-ạri lekate kạmi ar homor halaṅ baṛakate phạdkoren Probhu Isor samaṅre dãṛãbaṛae do cetʼ aboakʼ jãhãn lab hoyena?

Jesaea 1:13

Ạuṛiyakʼ samaṅokʼakʼ jinis do ar alope ạguiya. Iń do apeakʼ dhup jeredokʼakʼ doń hirkhạwakʼ kana. Molokʼ cando, jirạukʼ mãhã, dhorom sabha ar porobko reakʼ bedhoromakʼ kheloḍko iń do ar bạń sahao daṛeakʼ kana.

1 Korinthiko 15:15

Ona chaḍa noa kathage sạbudokʼ kana je, Isor reaṅ abo do eṛe goha bon emeda, ente aboakʼ goha do noage je, Isor do Mạsi gocʼko khone jiwetʼ beretʼ akadea. Menkhan gocʼkoakʼ jiwetʼ beredokʼ bạnukʼ khan uni do Mạsi hõ bae jiwetʼ beretʼ akadea,

Kạhtukko 16:10

Rajakʼ luṭi reakʼ katha do jiu eserteakʼ katha kana; bicạrre uniyakʼ katha do bae kạiya.

Kạhtukko 15:2

Ạkilan hoṛkoakʼ alaṅ do bidiại hạṭińeda, menkhan bebujkoakʼ moca do lelhawakʼe oḍokeda.

Sereńko 32:9

Sadom se gadha leka do alope hoyokʼa one onko do bujhạu reakʼ daṛege bạnukʼtako; onko do mocare jhinkatege kạbuko hoyokʼa, ar baṅkhan ape ṭhen do bako sorokʼa.

Jakob 2:20

E lelha! Kạmi begor biswạs je gocʼgetam ona reakʼ do cetʼ cinhạm khojkana?

Galathiko lạgitʼ Pạul Apostolakʼ ciṭhi 3:4

Ape do cetʼ ạuṛiyakʼge dukpe jomleda? Asiń dohoyeda apeakʼ duk jom do baṅ ạuṛiyakʼ akantapea.

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

1 Korinthiko 3:18

Okoe hõ apnarte aloe bulạukʼ ma. Ape modren jãhãe niạ jugren akelanicʼ menteye hudisokʼkan khan, enḍekhan uni do lelhayicʼ lekae hoyokʼma, jemon sạri akelanicʼe hoydaṛeakʼ,

Jobakʼ 15:13

Nonkate am do Isor upạrtem raṅgaokʼkana onako katha do amakʼ moca khonem oḍoketʼa.

Jobakʼ 30:11

Isor doe nijor ocoakadińạ are kạbu akadińạ; iń samaṅrege onko do jhinko capatʼ giḍi akatʼtakoa.