Ibriko 9:7 - সান্তালী বাইবেল

⁷ Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

Santali Common Language New Testament

⁷ Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akan janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

Ibriko 9:7 Referans Kwoze

Levitikus 16:34

“Noa do ape lạgitʼ mitʼṭecʼ niạm kana. Uni do Israelkoakʼ sanam kại reakʼ puruchun lạgitʼ bochorre mitʼ dhao kạmi hoyokʼtaea.” Ar Mose do Probhu Isore hukum akawade leka jotowakʼgeye kạmikeda.

Levitikus 5:18

Unre uni do acʼakʼ kại ńutumte samaṅokʼakʼ lạgitʼ oneye ṭhik dohoakatʼ damren mitʼṭen bhiḍi ạgukate naekeakʼ tireye jimạyea. Ar begor baḍaeteye kại akatʼ iạte naeke do puruchun reakʼe kạmikataea; ar onate uni do ikạye ńama.

Ibriko 7:27

Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ do baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.

Exodus 30:10

Puruchun lạgitʼ kại ńutumte samaṅokʼakʼ mãyãm do pinḍ reakʼ dereńkorem ojokʼakʼa ar Aron do bochorre mitʼ dhao pinḍe saphaea. Ar nonkate maraṅ naeke do piṛhike piṛhi bochorre mitʼ dhao noa kạmi hoyokʼtaea. Noa do Probhu Isor ńutumte sonot utạrakʼ pinḍ kana.”

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Jesaea 9:16

Okoe onko jạtrenko horko udukʼako onko do bhul horteko idikoa; ar onko pańjakanko do bako bujhạu daṛeakʼa okateko calakʼ kana mente.

Jesaea 3:12

Okoe ińren hoṛko santaoetʼko onko do gidrạko leka, ar okoe onkoko ḍanṭaoetʼko onko do maejiuko leka. E ińren hoṛko, aperen hor udukʼ hoṛkoge bạṛicʼ secʼko idiyetʼpea; onko do ṭhik hor khon bhul horteko idiyetʼpea.

Ibriko 10:3

Menkhan noa janwar dãṛẽ do jao bochorge akoakʼ kại reakʼ kathakoe disạ ocokoa.

Amos 2:14

Okoe usạrako dạṛ daṛeakʼ onko do apnarte ohoko rukhiyạ daṛelena ar lạṛhại birko hõ akoakʼ jiwi do ohoko rukhiyạ daṛelea.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Sereńko 95:10

Pongel bochor hạbicʼ ona piṛhirenkote iń do ạḍiń ạṛis cabalena; ińiń menleda, ‘noko hoṛakʼ ontor do eṭakʼ secʼ ghańjeṛ akantakoa; ińakʼ hor do bako baḍaelakʼa.’

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

2 Bõsbudạ 33:9

Manase do Jihudạ ar Jerusalemren hoṛko bạṛicʼ horteye ạyurketʼkoa; ona iạte Probhu Isor do okoe jạtrenko Israel hoponko samaṅ khone marao giḍiletʼko onko khon hõ ḍher bạṛicʼakʼ kạmiko ehopʼena.

2 Samuel 6:7

Usakʼ niạ bebhukti kạmi ńelte Probhu Isorakʼ edre do uni cetanre paṛaoena. Ona iạte Probhu Isor do uniye ńẽtʼkedea, ar onate uni do Probhu Isorakʼ sinduk pheḍreye gocʼena.

Numeri 15:25

Naeke do goṭa Israel jạtrenko lạgitʼ ona behokakʼ reakʼe puruchuna. Onate onko do ikạko ńama, ente baḍaekate do bako onka akada ar onkoakʼ bhul iạte Probhu Isor ńutumte seṅgelteakʼ samaṅokʼakʼ ar kại ńutumte samaṅokʼakʼko samaṅa.

Ephesiko lạgitʼ Pạul Apostolakʼ ciṭhi 4:18

Onkoakʼ mon do ńutre menakʼtakoa. Ar ontor keṭecʼgetakote Isor reaṅ cetʼge bako baḍaekana, ar onate onko do Isorakʼ emakʼ jion khon ạḍi sạńgińre menakʼkoa.

Ibriko 6:19

Noa as do aboakʼ jionre loṅgor leka khạṭi ar kajakgea, ar ona do sonot jaega reakʼ orwal tayomre, metakʼme Isor samaṅre seṭerokʼa.

Ibriko 9:3

Dosarakʼ orwal tayomre tạmbu reakʼ ar mitʼ hạṭiń tahẽkana; ona reakʼ ńutum do sonot utạrakʼ jaega.