Biblia Todo Logo
Bib sou entènèt

- Piblisite -




Ibriko 9:26 - সান্তালী বাইবেল

26 Ar onkage hoyokʼ hoylentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoykokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

Gade chapit la Kopi

Santali Common Language New Testament

26 Ar onkage hoyokʼ hoelentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoekokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

Gade chapit la Kopi




Ibriko 9:26
36 Referans Kwoze  

Dhạrti ạuri sirjạurege Isor do noa lạgitʼe ṭhik doho akade tahẽkana, menkhan niạ mucạtʼ oktere uni do ape lạgitʼgeye sodorena.


Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.


“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.


Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.


Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.


Ente ḍaṅgra ar meromkoakʼ mãyãmte kại do tishõ baṅ meṭao daṛeakʼa.


Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ do baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.


Baḍaegeape, aboakʼ kạiko meṭao giḍikakʼ lạgitʼge Mạsi doe sodorlena. Mạsire do jãhãn kại bạnukʼ anaṅ. Okoe Mạsireko tahenkan onko do kạire bako tahenkana.


Menkhan Jisu do kại ńutumte jaejug lạgitʼ eken mitʼṭen dãṛẽye samaṅketʼte Isorakʼ jojomsa aṛereye duṛupʼena.


Isorakʼ sana lekage Jisu Mạsiyakʼ hoṛmo mitʼ dhao samaṅente abo dobon begar ocoakana.


Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.


Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.


Ar okoe janwarem ńellede uni do lahateye tahẽkana, menkhan ńitokʼ do bạnugicʼan. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu khon okoekoakʼ ńutum do jion reakʼ puthire ol bạnukʼ onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuiya, menkhan arhõe ńel ocokʼa.


Menkhan abo do bon pạtiạu akana ar uniyakʼ ona gokʼakʼ reakʼ jirạukʼ jaegare bon boloakana. Ar noa jirạukʼ reaṅ do Isore menakada, “Onate iń do edrete kiriạyenteń menleda, ‘onko do ińakʼ jirạukʼ jaegate ohoko bolo daṛelena.’ ” Menkhan noare jãhãn bhul bạnukʼa je, dhạrti sirjạu tayom Isorakʼ kạmi sạten khan jirạukʼ ehopʼena mente.


Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.


Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.


Uni doe niṭ akatʼ tahẽkana je, okte purạulen khan ona monsubạ purạu lạgitʼ serma ar dhạrti reakʼ jotowakʼ mitʼkate Mạsiyakʼ ḍanṭao gobolreye ạguiya.


Eṭakʼ hoṛko jemon ńelkateko cetʼ daṛeakʼ onate onko cetanre noako do hoylena. Okoe jug reakʼ mucạtʼre bon seṭerakan, abo cehao bon lạgitʼge noako do olakana.


Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.


Isorakʼ sạriyakʼtetʼ baḍaekate hõ dikhitege bon kại khan, enḍekhan kại ńutumte ar jãhãn dãṛẽ do bạnukʼ anaṅ;


Ińakʼ katha reakʼ mane do noage, apatakʼ jotowakʼre hoponakʼ ạidạri menakʼtaere hõ tinạkʼ din gidrại tahen unạkʼ din uni ar golam talare jãhãn begar do bạnukʼa.


“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.


Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.


Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.


Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”


“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.


Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.


Am do cedakʼ ińakʼ dos ar kại bam ikạyetʼtińạ? Iń ma usạrage coṅ dhuṛire gitijokʼ hoyokʼtiń; am dom sendrayińạ, menkhan iń do bạń tahena.”


Disạm hoṛe lekha ocoketʼko tayom Dạudakʼ mon do sobokʼentaea. Uni do Probhu Isor ṭhen koekateye menkeda, “Noa kạmikate iń doń ghạṭ akada. E Probhu Isor, ńitokʼ do am ṭheniń nehõrokʼ kana, amren gutiyakʼ ghạṭ baṛe ocokʼkakʼme. Iń do lelha hoṛ lekań kạmi akada.”


Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.


Pạchim khon purub tinạkʼ sạńgińakʼkan, onkage aboakʼ kại hõ sạṅgińteye ocokʼ giḍikakʼa.


Okoe bạiri onae er oṭoletʼ uni doe Soetan kana, ar phosol samṭao okte do jug reakʼ mucạtʼ kana, ar phosol samṭaoko do sermaren goḍetko kanako.


Sama ghãs jarwakate cetʼ leka seṅgelre atar giḍikʼ, onkage jug reakʼ mucạtʼre hõ hoyokʼa. Manwa Hopon do acʼren serma goḍetkoe kolkoa.


Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.


Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.


Swiv nou:

Piblisite


Piblisite