Ibriko 9:22 - সান্তালী বাইবেল

²² Moseyakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.

Santali Common Language New Testament

²² Moseakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.

Ibriko 9:22 Referans Kwoze

Levitikus 17:11

ente mãyãmrege jiwi do tahen kana. Onate apeakʼ jiwi bodolte iń do pinḍ cetanre apeakʼ kại reakʼ puruchun lạgitʼ iń bebosta akatʼpea. Ar mãyãmre jiwi menakʼte ona do kại reakʼe puruchuneda.

Levitikus 6:7

Ar naeke do Probhu Isor samaṅre kại reakʼ puruchun lạgitʼe kạmikataea. Ar noako reakʼ jãhãnakʼtegeye dusi akanʼ, uni doe ikạ ocokʼa.”

Levitikus 4:35

Ar sulukren samaṅokʼicʼ bhiḍiyakʼ itil oḍok lekage uni do uniyakʼ hõ sanam itilkoe oḍoka. Ar ona tayom Probhu Isor ńutumte seṅgelteakʼ samaṅokʼakʼ mente uni do ona itilko pinḍ cetanreye jereda. Nonkate naeke do uni hoṛakʼe puruchuna ar onate uniyakʼ kại do ikạkʼtaea.

Levitikus 5:18

Unre uni do acʼakʼ kại ńutumte samaṅokʼakʼ lạgitʼ oneye ṭhik dohoakatʼ damren mitʼṭen bhiḍi ạgukate naekeakʼ tireye jimạyea. Ar begor baḍaeteye kại akatʼ iạte naeke do puruchun reakʼe kạmikataea; ar onate uni do ikạye ńama.

Levitikus 14:14

Naeke do dos ńutumte samaṅ akade janwarakʼ mãyãm khon thoṛa hataokate uni hoṛakʼ lutur reakʼ gonḍare ar jojom ti ar jojom jaṅga reakʼ buḍhạ kạṭupʼreye jotʼaea.

Levitikus 14:6

Ar jiwetʼicʼ cẽṛẽ, debdạru kaṭ, jeṅgetʼ arakʼ sutạm ar husopʼ dạṛ do jharna dakʼ cetanre gocʼ akade cẽṛẽwakʼ mãyãmreye topoya.

Levitikus 5:10

Ar eṭakʼicʼ cẽṛẽte do niạm lekate jeredokʼ samaṅokʼakʼ samaṅkate naeke do uniyakʼ puruchun reakʼe bebostawaea; ar onate uniyakʼ kại do ikạkʼtaea.

Levitikus 4:26

Uni do sulukren samaṅokʼicʼ janwarakʼ itil lekage uniyakʼ sanam itilko do pinḍ cetanreye jereda. Ar nonkate naeke do mukhiyạ hoṛakʼ puruchun reakʼe kạmikataea ar nonkate uniyakʼ kại do ikạkʼtaea.

Levitikus 14:25

Uni dãṛẽ akade bheḍa khon thoṛa mãyãm hataokate naeke do uni hoṛakʼ jojom lutur reakʼ gonḍare ar jojom ti ar jojom jaṅga reakʼ buḍhạ kạṭupʼreye jotʼaea.

Levitikus 5:12

Uni do ona holoṅ naeke ṭhene idiya. Ar naeke do sanamakʼ samaṅ baṅkate ona khon mitʼ cuputʼ locakate Probhu Isor ńutumte seṅgelre samaṅokʼakʼ jinis cetanreye atar gidikakʼa; noa do kại ńutumte mitʼṭen samaṅokʼakʼ kana.

Levitikus 5:11

“Ar uni hoṛ barea potam se barea parwa hõ bae ạgu daṛeakin, enḍekhan kại ńutumte samaṅokʼ lạgitʼ uni do mitʼ keji irạlsae gram mĩhĩ holoṅ ạguiy hoyokʼtaea. Noa do kại ńutumte samaṅokʼakʼ kante onare sunum ar kunduru do baṅ mesalakʼ hoyokʼa.

Jeheskel 43:18

Ona tayom uni do ińe metadińạ, “E manwa hopon, Probhu Isore menetʼkana, pinḍ benao sạtlen khan ar oka hilokʼ Probhu Isor ńutumte ona samaṅokʼa ar ona cetanre jeredokʼ samaṅokʼakʼ reakʼ mãyãm ircikʼa enhilokʼ noa niạm do manao hoyokʼa;