Ibriko 9:20 - সান্তালী বাইবেল

²⁰ Uni do ona onkae jokhecʼe menleda, “Noa do ona bondobos reakʼ mãyãm kana, one okaṭakʼ bondobos lekate kạmi lạgitʼ Isore hukumakawatʼpe.”

Santali Common Language New Testament

²⁰ Uni do ona onkae jokhecʼe menleda, “Noa do ona bondobos reakʼ mãyãm kana, one okaṭakʼ bondobos lekate kạmi lạgitʼ Isore hukumakatʼpe.”

Ibriko 9:20 Referans Kwoze

Mathae 26:28

ente noa do bondobos reakʼ ińakʼ mãyãm kana, oka do ạḍi hoṛko ńutumte jorokʼkan kại ikạkʼ lạgitʼ.

Exodus 24:8

Noa katha ańjomkate Mose do hoṛko cetanre mãyãm chiṭiạukateye menkeda, “Noa do ona bondobos reakʼ mãyãm kana, one oka do Probhu Isor ape lạgitʼ noako katha lekageye niṭ dohoakatʼ.”

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Sakariạ 9:11

E Jerusalem, am lạgitʼ ińakʼ bondobos bạisạu reakʼ mãyãm iạte amren bondi akanko do ona rohoṛ khorloṅ khoniń chaḍaokoa.

Dosar Biboron 29:12

Aperen Probhu Isor teheń ape lạgitʼ oka khạṭiteakʼ gokʼakʼ ar bondobose dohoakatʼ ona gokʼakʼ ar bondobos manao lạgitʼge nonḍe hecʼkatepe teṅgo akana.

Josuạ 9:6

Nonkate onko do Gilgolre Israelkokʼ ḍerare Josuạ samaṅreko seṭerena. Onko do Josuạ ar Israelkoko metatʼkoa, “Ale do ạḍi sạṅgiń disạm khonle hecʼakana; onate ma bondobos baṛe bandhao alepe.”