Ibriko 9:15 - সান্তালী বাইবেল

¹⁵ Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭecʼ nãwã bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoyakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

Santali Common Language New Testament

¹⁵ Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭen nawa bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoeakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

Ibriko 9:15 Referans Kwoze

Romiko lạgitʼ Pạul Apostolakʼ ciṭhi 8:30

Okoe laha khone ṭhik dohoakatʼko tahẽkan onko do hoho hõe hohowatʼkoa; ar okoeye hohowatʼko onko do dhorom mente ataṅ hõe ataṅketʼkoa; ar okoeko dhorom menteye ataṅketʼko onko do acʼakʼ ṭhonok hõe danatʼkoa.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Ibriko 9:12

Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.

Ibriko 10:36

Ape do sombhuri reakʼ jạruṛ menakʼtapea, jemon Isorakʼ sana leka kạmi purạukate okae gokʼ akawatʼpe ona jemonpe ńam;

1Timothi 2:5

Isor doe mitʼ goṭengea ar mitʼ goṭengeae Isor ar manwakoren dene banar renicʼ hõ. Uni doe hoyokʼ kana Jisu Mạsige.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

Ibriko 7:22

Noa khon bon bujhạu daṛeakʼ kana je, Jisu do arhõ maraṅ mitʼṭecʼ bondobosren jạmine hoyakana.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Romiko lạgitʼ Pạul Apostolakʼ ciṭhi 5:6

Nijor bon tahẽkanre Mạsi do ṭhik okterege bedhorom manwako lạgitʼ, metakʼme abon lạgitʼgeye gocʼlena. Jãhãe dhorom hoṛ lạgitʼ okoehõ jiwi do bako em lạgidokʼa.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

Ibriko 6:13

Isor do Abrahame gokʼade tahẽkanre acʼakʼ ńutumteye kiriạlena, ente acʼ khon maraṅ okoe hõ bạnukʼkoa one uni ńutumteye kiriạ daṛekokʼ.

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Ibriko 8:13

Isor do noa bondobos nãwãteye lại sodorketʼte lahateakʼ bondobos do mareakʼ menteye okoḍa ocokeda. Ar okaṭakʼ marege ar sedae reakʼ kana mente nosṭo cabakʼkan ona do usạrage danaṅokʼa.

Titus lạgitʼ Pạul Apostolakʼ ciṭhi 3:7

Jemon jaejug jion reakʼ aste Isorakʼ sanamakʼren ạidạriko bon hoyokʼ. Noa do eken Isorakʼ dayate dhorom mentebon lekha ocoakana.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

2Timothi 2:10

Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭjoṅ.

Johan 10:28

Iń do jaejug jioniń emakokana. Onko do tishõ ohoko nosṭolena ar okoe hõ iń khon ohoko recʼidi daṛelekoa.

Mathae 19:29

Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Ibriko 11:13

Noko hoṛko do pạtiạu talate jion khemaokateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

2 Thessalonikiko 2:14

Ale oka bhage sombatle porcaretʼkan ona hotete bańcao ńam lạgitʼ uni doe hohoakatʼpea, jemon ape do aboren Probhu Jisu Mạsiyakʼ ṭhonok reakʼ bhạgiyạdarkope hoyokʼ.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Ibriko 9:16

Ạidạri oṭo akatʼ dolel kạmire lagao ocoy khan ạidạri dolel akatʼicʼakʼ gujukʼ reakʼ sạbudokʼ jạruṛa,

2 Korinthiko 3:6

Mitʼṭecʼ nãwã bondobos reakʼ katha baḍae ocole lạgitʼ uni doe lek ocoketʼlea. Noa bondobos do eken ạn-ạriko manao reaṅ do baṅ, menkhan sonot Jiuakʼ ạyurte ontorre gobolokʼ reaṅ kana; ente ạn-ạrikote do gogocʼgea menkhan sonot Jiu do jione emokʼa.

Romiko lạgitʼ Pạul Apostolakʼ ciṭhi 9:24

Abo kangea bon ona dayaren hoṛ do. Uni do Jihudiko mod khon eken abo eskar do bae hohoakatʼ bona, menkhan boṅgan hoṛ jạtrenko mod khon hõe hohoakatʼkoa.

Romiko lạgitʼ Pạul Apostolakʼ ciṭhi 5:10

Abo do Isorren bạiri bon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiyakʼ jionte khạṭige kại khon bańcao bon ńama.

Romiko lạgitʼ Pạul Apostolakʼ ciṭhi 5:8

Menkhan Isor aboe dulạṛetʼ bon ona reakʼ cinhạ do noage, kại hoṛ bon tahẽkanrege Mạsi do abo lạgitʼ jiwiye emkeda.

Luk 18:18

Mitʼṭen mukhiyạ hoṛ do Jisui kulikedea, “E Guru, am do mitʼṭen bhage hoṛ kanam. Lạiạńme, cetʼ iń cekalere jaejug jioniń ńamkea?”

Mark 10:17

Jisu do arhõ horteye oḍok calakʼkan tahẽkanre mitʼṭen hoṛ do uni ṭhene ńir hecʼena ar ikhuṛumenteye menkeda, “E Guru, am do mitʼṭen bhage hoṛ kanam. Lạiyạńme, jaejug jion ńam lạgitʼ iń do cetʼiń cekaea?”

Mathae 25:36

laṅgaṭiń tahẽkana arpe kicricʼledińa; ruạreń paṛaolena arpe jotonledińa; ar hajotreń tahẽkana arpe hiriledińa.’

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Sereńko 37:18

Sạbit hoṛkoakʼ din hilokʼ reakʼ jion do Probhu Isore baḍaegea; onkoakʼ paona somppoti do jaejug hạbicʼ tahẽ akae tahena.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Mathae 22:3

Ado ona bhojre neota ocoakanko hoho ạguko lạgitʼ acʼren gutikoe kolketʼkoa, menkhan neota akan hoṛko do hijukʼ bako rebenlena.

Luk 22:20

Ado jom tayom onkage bạṭi hõ ataṅkateye metatʼkoa, “Ińakʼ mãyãm hotete Isorakʼ oka nãwã bondobos bahalokʼkan, ona bondobos reakʼ cinhạ do noa bạṭi kana. Ińakʼ noa mãyãm do apeko lạgitʼ emogokʼa.

Aposkạmi 20:32

“Menkhan ńitokʼ do Isor ar uniyakʼ kathareń jimạkape kana. Isorakʼ katha do uniyakʼ daya reaṅe roṛa, ar apeko benao rakapʼpe reakʼ daṛe hõ ona katharege menakʼa. Ona chaḍa Isor do acʼren hoṛko lạgitʼ okae dohoakatʼ ona katha do apeko hõe em daṛeapea.

Galathiko lạgitʼ Pạul Apostolakʼ ciṭhi 3:20

Menkhan eken mitʼ hoṛe tahẽlen khan dene banarrenicʼakʼ jạruṛ do bạnukʼa; ar Isor doe mitʼgoṭengea.

Ibriko 6:15

Noa iạte Abraham doe sombhuriketʼ khan Isor oka emae lạgitʼe gokʼade tahẽkan onae ńamkeda.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.