Ibriko 9:14 - সান্তালী বাইবেল

¹⁴ Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Santali Common Language New Testament

¹⁴ Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Ibriko 9:14 Referans Kwoze

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Ibriko 9:12

Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Ibriko 7:27

Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ do baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Ibriko 6:1

Noa iạte etohopʼre Mạsi reaṅ oka cecetʼakʼ bon ńamakatʼ, ona bon parom idite sạbitokʼ secʼ bon laha idikʼma. Bin joanakʼ kạmiko khon mon ạcurkate, Isorre pạtiạukʼte,

Romiko lạgitʼ Pạul Apostolakʼ ciṭhi 6:13

Hoṛmo reakʼ oka hạṭiń hõ behokakʼ kạmi reakʼ hạtiạr lekate kại reakʼ tire alope jimạkakʼa. Gocʼko khon jiwetʼ akan hoṛko lekate ape do Isor ṭhen gobolokʼpe ar dhorom kạmi reakʼ hạtiạr lekate apeakʼ goṭa hoṛmoge Isor emaepe.

1 Johan 3:5

Baḍaegeape, aboakʼ kạiko meṭao giḍikakʼ lạgitʼge Mạsi doe sodorlena. Mạsire do jãhãn kại bạnukʼ anaṅ. Okoe Mạsireko tahenkan onko do kạire bako tahenkana.

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoyakana. Onate porho do noage hoyakana, ape dope sonot ocokʼa, ar ona reakʼ mucạtʼ jo do hoyokʼkana jaejug jion.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Ibriko 10:2

Ạn-ạriteko sạbit oco daṛelen khan, enḍekhan janwar dãṛẽge cabakokʼa honaṅ, ente dewa sewayetʼko do mitʼ dhaoregeko saphalen khan kại lạgitʼ apnar do dusi mente ohoko bujhạukokʼa.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Ephesiko lạgitʼ Pạul Apostolakʼ ciṭhi 2:5

Ar bebatao iạte tinre gocʼge bon tahẽkana unre Mạsi sãote uni doe jiwetʼketʼ bona. Isorakʼ dayate ape do kại khon bańcaope ńamakada.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Romiko lạgitʼ Pạul Apostolakʼ ciṭhi 11:12

Enḍekhan ńelokʼ kana, Jihudikoakʼ kại gunạkʼte dhạrtiren hoṛkoakʼ ḍher lab hoyakana, ar onkoakʼ loksan iạte boṅgan hoṛ jạtrenko do Isorakʼ bhorko ńamkeda. Onate Jihudiko cetanre Isorakʼ purạ bhor hijukʼre boṅgan hoṛ jạtrenko hõ artetʼ bạ̃ṛti bhor hecʼakoa!

Luk 1:74

Uni do bạirikoakʼ ti khon aboe bańcaoketʼbona jemon tinạkʼ din jiwetʼbon tahen sonot ar dhoromre acʼ samaṅre teṅgo akan begor botor salakʼ bon sewa daṛeae.

1 Patras 2:22

Uni do bae kại akada uniyakʼ mocare jãhãn phorphundi hõ baṅ tahẽkana.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Galathiko lạgitʼ Pạul Apostolakʼ ciṭhi 2:19

Ar ạn-ạriko hotete iń do ạn secʼteń gocʼena jemon Isor lạgitʼ jiwetʼ iń tahẽ daṛeakʼ.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Romiko lạgitʼ Pạul Apostolakʼ ciṭhi 11:24

Am do mitʼṭecʼ bir jạitun dare reakʼ ḍạrem tahẽkana, ar ona dare khonem makʼ ạgu ocoyente bagwan reakʼ jạitun darerem kolom mitʼ ocoakana. Enḍekhan okoe ona dareren asol ḍạrkoko tahẽkan, onko do tinạkʼ algatege arhõ akoakʼ darereko kolom mitʼ ocokʼa!

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Levitikus 22:20

Dos menakʼtae nonkan jãhãnicʼge jemon aloe ạguiye, ente onate jãhãn bhạlạiy do baṅ hoyokʼtaea.

Ibriko 11:21

Biswạs iạtege Jakob do gujukʼ jokhecʼ Josephren banar hopone bhoratʼkin tahẽkana ar ṭheṅgare tirupʼkate Isore sewawade tahẽkana.

Ibriko 9:9

Nahakʼ jug lạgitʼ noa do mitʼṭecʼ cinhạ kana one oka doe lại abonkan je, dãṛẽ samaṅ akade janwar ar eṭakʼ eṭakʼ jinisko do dewa sewakoakʼ bibek ohoe sạbit utạr daṛeletakoa.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Dosar Biboron 17:1

“Aperen Probhu Isor ńutumte nonkan ḍaṅgra se merom boda se bheḍa hõ alope samaṅkoa okoe do niphuṭ utạrko baṅkan, ente uni do onakoe hirkhạwakʼa.

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Luk 12:28

Ṭạnḍire okaṭakʼ ghãs teheń menakʼ ar gapa culhạre khadle ocokʼrehõ Isor do ona nonkae sajaoetʼ khan E nase pạtiạukʼko, uni do tinạkʼ artetʼ bae sajaopea!

Luk 12:24

Kạhũko beṅgetʼakope, onko do itạ hõ bako era ar phosol hõ bako ira. Ar kuṭhi se murại hõ bạnukʼtakoa, enrehõ Isor do onkoe jom ocoyetʼkoa. Menkhan ape do noko cẽṛẽko khon hõ artetʼ bạ̃ṛtipe damangea.

Mathae 12:28

Menkhan Isorren Jiu hotete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Mathae 7:11

Apepe bạṛicʼgere hõ aperen gidrạko bhage bhage jinisko emakope baḍaekan khan, enḍekhan sermare menae aperen Baba do tinạkʼ artetʼ acʼ koeye kanko bhageakʼkoe emakoa!

2 Samuel 4:11

Enḍekhan mitʼṭen bindusạn hoṛ okoe do uniyakʼ oṛakʼre bolokate aṭetʼreye khũn akade, uni bạṛicʼ hoṛ cetʼ artetʼge bạń sạjạiyea. Ona iạte iń do apeakʼ ti khon uniyakʼ mãyãm reakʼ iń hala hạliya ar dhạrti khon apeń meṭao cabapea.”

Dosar Biboron 33:27

Okoe doe jug hilokʼren Isorkan unige amren asarae do; acʼakʼ jaejug reakʼ tite uni do ame sapʼ dohokama. Am samaṅren sanam bạiriko uni doe laga ńirkoa; are mena, ‘noko mohor meṭaokom.’

Numeri 28:11

“Mimitʼ cando reakʼ pạhil dinre Probhu Isor ńutumte jeredokʼ samaṅokʼakʼ lạgitʼ barea ḍaṅgra, mitʼṭen bheḍa ar mitʼṭen mitʼ bochorren eae goṭen bheḍa hopon samaṅko hoyokʼa. Ar onko jotoge jemon niphuṭ utạrko hoyokʼ.

Romiko lạgitʼ Pạul Apostolakʼ ciṭhi 1:4

ar acʼren sonot Jiute uni do maraṅ daṛe salakʼ gocʼko khone jiwetʼ beretʼente Isorren Hopon menteye sodorlena.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Dosar Biboron 15:21

Menkhan onko janwarko modren jãhãeṭakʼge niphuṭ utạricʼ bae tahen, metakʼme leḍha se kãṛã se uniyakʼ hoṛmore jãhãn dos tahen, enḍekhan uni do aperen Probhu Isor ńutumte alope samaṅea.

Numeri 28:3

Uni do noako hukumako lạgitʼ hõe metadea, “Seṅgelteakʼ samaṅokʼakʼ lạgitʼ Probhu Isor samaṅre din hilokʼ reakʼ jeredokʼ samaṅokʼakʼ lạgitʼ aperen mitʼ bochor umerren barea niphuṭ utạr bheḍa hopon ạgukin hoyokʼtapea.

Jesaea 53:9

Uni do jor julumakkoʼ bae kạmi akatʼre hõ se uniyakʼ mocare eṛeteakʼ baṅ tahẽkanre hõ, enhõ bedhoromko ṭhen uniyakʼ topako tearkeda ar gujukʼte uni do kisạ̃ṛ hoṛ tulucʼe soṅgeyena.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jobakʼ 15:16

enḍekhan manwa, okoe do bạṛicʼ are kharapge ar ghạṭko dakʼ lekae ńũiyetʼ, uni do khạṭi bae hoedaṛeakʼa.

2 Rapajko 19:16

E Probhu Isor, luturakʼ tińme; ar amakʼ mẽtʼ baṛe beṅgedtam, ńelme; jiwetʼ Isor henostawae lạgitʼ Senakerib do cetʼko kathae roṛetʼkana ona ańjomme.

1 Samuel 17:26

Okoeko hoṛ sorreko teṅgo akan tahẽkan Dạud do onkoe kuliketʼkoa, “Uni Philisṭi gocʼkate Israelko cetan khon niạ henostae ocokʼ lekhan uni do cetʼ cekawaea? Ar nui bin khanta akan Philisṭi doe cele kante jiwetʼ Isorren lạṛhại phạdkoe henostawako kana?”

Dosar Biboron 5:26

Manwako modre okoe menaea, abo leka seṅgel tala khon jiwetʼ Isorakʼ aṛaṅ ańjomkate hõ jiwetʼ menaegea mente?

Numeri 28:9

“Jirạukʼ mãhãre barea mitʼ bochor umerren niphuṭ utạr bheḍa hopon samaṅkin hoyokʼa. Ona sãote coḍor samaṅokʼakʼ jinis ar jomakʼ samaṅokʼakʼ lạgitʼ sunumre sipiyakʼ pe keji turui sae gram holoṅ hõ tahena.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Dosar Biboron 31:27

Ar cetʼ lekan keṭecʼ hoṭokʼan ar huhulko kanpe ona doń baḍaegea. Ape talare jiwetʼ iń tahenrege Probhu Isor upạrtepe huhulkan khan ińiń gujukʼ tayom do tinạkʼ artetʼpe onkaea!

Exodus 12:5

Uni hopon do merom boda se bhiḍi pal khon bachao akade mitʼ bochorren mitʼṭen bheḍa hoponge. Uniyakʼ hoṛmore jãhãn khũt alo baṛe tahentae ma.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

Jeheskel 45:18

“ ‘Iń Probhu Isor do arhõń menetʼkana, am do pạhil cando reakʼ pạhil hilokʼ mitʼṭen niphuṭ damkomem hataoea ar mundil oṛakʼem saphaea.

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

1 Korinthiko 15:45

Sostorre nonkage olakana, “Pạhil manwa Adam do jiwetʼ jiwiyanicʼe hoyena.” Ar sesicʼ Adam do jiwetʼ Jiugeye hoyena.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Ibriko 7:16

Uniyakʼ naeke hoyokʼ babotre bõs reaṅ do jãhãn ạnre baṅ ṭẽhaḍokʼ kana, ona do uniyakʼ baṅ maraokʼ jion reakʼ daṛe cetanrege ṭehãḍokʼkana.

Ibriko 9:26

Ar onkage hoyokʼ hoylentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoykokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

Ibriko 10:10

Isorakʼ sana lekage Jisu Mạsiyakʼ hoṛmo mitʼ dhao samaṅente abo dobon begar ocoakana.

Ibriko 10:12

Menkhan Jisu do kại ńutumte jaejug lạgitʼ eken mitʼṭen dãṛẽye samaṅketʼte Isorakʼ jojomsa aṛereye duṛupʼena.

Ibriko 13:12

Onkage Jisu hõ Jerusalem nagraha bahrere duk jomkateye gocʼlena, jemon acʼakʼ mãyãm hotete manwako kại khone chaḍaoko.