Biblia Todo Logo
Bib sou entènèt

- Piblisite -




Ibriko 9:10 - সান্তালী বাইবেল

10 Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

Gade chapit la Kopi

Santali Common Language New Testament

10 Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

Gade chapit la Kopi




Ibriko 9:10
32 Referans Kwoze  

Onate jom-ńũ se jãhãn dhorom porob babot reakʼ se ambas reakʼ se jirạukʼ mãhãko reakʼ okoe hõ aloko bicạrpe ma.


Uniyakʼ naeke hoyokʼ babotre bõs reaṅ do jãhãn ạnre baṅ ṭẽhaḍokʼ kana, ona do uniyakʼ baṅ maraokʼ jion reakʼ daṛe cetanrege ṭehãḍokʼkana.


Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”


Ar ạyubokʼ dela deli doe ḍạbrạ saphakʼa. Ar siń cando hạsur tayom do ḍerateye bolo daṛeakʼa.


Ona tayom uni do sonot tạmbu oṛakʼ reakʼ ṭhạ̃ire senkateye ḍạbrạkʼa ar acʼakʼ kicricʼe horoga. Ar oḍok hecʼkate acʼ ar acʼren hoṛkoakʼ kại ńutumte puruchun reakʼe kạmiya.


Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.


Isorakʼ dewa sewae lạgitʼ pạhilakʼ bondobosre mitʼ bar goṭecʼ ạn-ạriko em hoylena, ar noa dhạrtire sewae lạgitʼ mitʼṭecʼ jaega reakʼ katha hõ onare tahẽkana.


Isorakʼ mońj katha reakʼ sebelko ńamakada ar darakan jug reaṅ daṛe reakʼko baḍae akatʼa,


Darakan okaṭakʼ puri reakʼ kathale roṛetʼkan, Isor do ona serma goḍetkoakʼ gobolre bae dohoakada.


Ona tayom onko sor ato se nagraharen murubbiko do hoṭokʼ rạputʼ akatʼtae phẽṭaṛ cetanre akoakʼ tiko ạrupʼ saphaetakoa.


Uni do mĩhĩ musnạ kicricʼ reakʼ sonot kicricʼe horoga ar bhitrire hõ mĩhĩ musnạ kicricʼ reakʼ huḍiń kicricʼe horoga. Ar mĩhĩ musnạ reakʼ paṭheyakʼte ḍanḍae paṭhekʼa ar bohokʼ do mĩhĩ musnạ kicricʼteye dạhṛikʼa. Noa do sonotakʼ kicricʼko kana. Ar noa horog lahare uni doe ḍạbrạ saphakʼa.


“Ona tayom Aron ar uniren hoponkin do ńapamokʼ tạmbu reakʼ duạr samaṅre ạgukate dakʼtekin ạbuk saphakʼa.


Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.


eṭakʼakʼ bạptisma reaṅ cecetʼakʼ, capo reakʼ, gocʼko jiwetʼ beredokʼ ar jaejug reakʼ sạjại; noako etohopʼ reakʼ kathate arhõ nãwãte jemon rehetʼ alo bon bạisạu.


Uni doe niṭ akatʼ tahẽkana je, okte purạulen khan ona monsubạ purạu lạgitʼ serma ar dhạrti reakʼ jotowakʼ mitʼkate Mạsiyakʼ ḍanṭao gobolreye ạguiya.


Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?


Ar hạṭiạ bajar khon hecʼkate hõ begor umte cetʼge bako jometʼ tahẽkana. Ona chaḍa onko do arhõ aema lekan ạri-cạliko pańjayetʼ tahẽkana, jemon loṭa, bạṭi, thạri gasao mańjao ar emanteakʼko.


Ona tayom Aron ar uniren hoponko do ńapamokʼ tạmbu reakʼ duạr ṭhenem idikoa ar dakʼtem ạbuk saphakoa.


enḍekhan uni do darkha rasa se jãhãn bubulakʼ khon sahaṛ akane tahenma. Uni do darkha rasa se bubulakʼ khon benaoakʼ sirkạ hõ aloe ńũiyma. Uni do ṭaṭka darkha rasa, darkha jo se kismis hõ aloe ńũ-jom ma.


Ar naeke giri pherao hoylen khan ạn-ạri hõ pherao reakʼ jạruṛ hoyokʼa.


Ona jinis saphae tayom polso dag baṅ ńelokʼ khan ona do arhõ sapha doṛhae hoyokʼa, ar onate ona do saphakʼa.”


Swiv nou:

Piblisite


Piblisite