Ibriko 8:4 - সান্তালী বাইবেল

⁴ Menkhan ńit noa dhạrtireye tahẽlen khan uni do maraṅ naeke ohoe hoydaṛelena, ente nonḍe do ạn-ạri lekate dãṛẽ samaṅ lạgitʼ naeke ma menakʼkoge.

Santali Common Language New Testament

⁴ Menkhan ńit noa dhạrtireye tahẽlen khan uni do maraṅ naeke ohoe hoedaṛelena, ente nonḍe do ạn-ạri lekate dãṛẽ samaṅ lạgitʼ naeke ma menakʼkoge.

Ibriko 8:4 Referans Kwoze

Ibriko 5:1

Hoṛko secʼ khon Isorakʼ dewa sewae lạgitʼ mimitʼ maraṅ naekeko do manwako tala khon bachaokateye bahalokʼ kana, jemon manwakoakʼ kại iạte janware dãṛẽye ar eṭakʼ danko hõe samaṅ daṛeakʼ.

Numeri 18:5

Israelko cetanre ińakʼ edre jemon alo sodorokʼ ona lạgitʼ sonot tạmbu ar pinḍ ńel todarot reakʼ bhar do ape cetanrege tahena.

Numeri 16:40

Mose hotete Probhu Isor oka lekae hukumletʼ onkage uni do sanamakʼe kạmikeda. Noa do Israel hoponko ṭhen mitʼṭecʼ dikʼsạwakʼ leka hoyena, Aron bõsrenko chaḍa ar okoehõ dhup jered lạgitʼ Probhu Isor samaṅre bako sen daṛeakʼa; ar jãhãegeye calakʼ enḍekhan uni hõ Korah ar uniyakʼ dolrenko leka hoyokʼtaea.

Ibriko 11:4

Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniyakʼ dãṛẽ aṅgockate uni reaṅ noa gohae emleda je, uni doe dhoromgea mente. Habele gocʼ akanre hõ enhõ uniyakʼ biswạs hotetege uni do ńit hõ kathae roṛeda.

Ibriko 7:27

Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ do baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.

Ibriko 8:3

Mimitʼ maraṅ naekeko do janwar dãṛẽ ar eṭakʼ eṭakʼ jinisko samaṅ lạgitʼko bahal ocokʼkana, onate nui maraṅ naekeakʼ hõ jãhãn dãṛẽ samaṅ reakʼ jạruṛ menakʼtaea.

Ibriko 9:9

Nahakʼ jug lạgitʼ noa do mitʼṭecʼ cinhạ kana one oka doe lại abonkan je, dãṛẽ samaṅ akade janwar ar eṭakʼ eṭakʼ jinisko do dewa sewakoakʼ bibek ohoe sạbit utạr daṛeletakoa.

Ibriko 10:11

Mimitʼ naekeko do dinạmge teṅgokate Isorko sewawae kana ar mitʼ talao inạ mitʼlekage dãṛẽko samaṅeda, menkhan nonkan dãṛẽte kại do tishõ ohoko ocokʼ daṛelea.