Ibriko 8:13 - সান্তালী বাইবেল

¹³ Isor do noa bondobos nãwãteye lại sodorketʼte lahateakʼ bondobos do mareakʼ menteye okoḍa ocokeda. Ar okaṭakʼ marege ar sedae reakʼ kana mente nosṭo cabakʼkan ona do usạrage danaṅokʼa.

Santali Common Language New Testament

¹³ Isor do noa bondobos nawateye lại sodorketʼte lahateakʼ bondobos do mareakʼ menteye okoḍa ocokeda. Ar okaṭakʼ marege ar sedae reakʼ kana mente nosṭo cabakʼkan ona do usạrage danaṅokʼa.

Ibriko 8:13 Referans Kwoze

2 Korinthiko 5:17

Jãhãege Mạsi tulucʼ mitʼakae menae khan enḍekhan uni do nãwãteye sirjạu akana. Ar mareakʼ sanamakʼ do parom calaoena ar jotowakʼ do nãwã akana.

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭecʼ nãwã bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoyakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

1 Korinthiko 13:8

Dulạṛ do tisge baṅ mucạdokʼa. Nạbi lekate roṛ reakʼ ektiạri cabakʼa, ar eṭakʼ pạrsite roṛ reakʼ ektiạri menakʼtae khan ona do adokʼa; ar baḍaeakʼ menakʼ khan ona hõ mạutạkʼa;

Jesaea 51:6

Serma secʼ beṅgetʼ rakabpe ar ot secʼ beṅgetʼ pheḍpe. Serma do dhũạ leka oṭaṅokʼa, ar ot do kicricʼ leka marekʼa ar onare girobasokʼ kan hoṛ doko gujukʼa. Menkhan ińakʼ babańcao do jaejug hạbicʼ tahẽakan tahena ar ińakʼ dhorom do tishõ baṅ mạutạkʼa.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Luk 22:20

Ado jom tayom onkage bạṭi hõ ataṅkateye metatʼkoa, “Ińakʼ mãyãm hotete Isorakʼ oka nãwã bondobos bahalokʼkan, ona bondobos reakʼ cinhạ do noa bạṭi kana. Ińakʼ noa mãyãm do apeko lạgitʼ emogokʼa.

2 Korinthiko 3:6

Mitʼṭecʼ nãwã bondobos reakʼ katha baḍae ocole lạgitʼ uni doe lek ocoketʼlea. Noa bondobos do eken ạn-ạriko manao reaṅ do baṅ, menkhan sonot Jiuakʼ ạyurte ontorre gobolokʼ reaṅ kana; ente ạn-ạrikote do gogocʼgea menkhan sonot Jiu do jione emokʼa.

Ibriko 1:11

Onako do marao cabakʼa, menkhan am do jaejug hạbicʼem tahena. Kicricʼ lekage onako do mare cabakʼa.

Ibriko 7:22

Noa khon bon bujhạu daṛeakʼ kana je, Jisu do arhõ maraṅ mitʼṭecʼ bondobosren jạmine hoyakana.

Ibriko 8:6

Menkhan ńitokʼ bon ńeletʼkana, Jisu oka naeke reakʼ kạmiye ńamakatʼ ona do onko naekekoakʼ kạmi khon hõ bạ̃ṛti sorosgetaea, cetʼleka uni do bondoboste denebanar secʼe hoyakan ona bondobos do lahateakʼ khon hõ sorosgea, ente noa bondobos do arhõ bhage gokʼakʼkore ṭẽhaḍokʼ kana.

Ibriko 8:8

Menkhan Isor do acʼren hoṛkoakʼ dos udukʼako lạgitʼ sonot sostorreye menakada: Probhu Isore meneda, “Okte hijukʼ kana, iń do Israel ar Jihudạren hoṛko lạgitʼ mitʼṭecʼ nãwã bondobosiń dohoya.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.