Ibriko 8:10 - সান্তালী বাইবেল

¹⁰ Probhu Isor do arhõe meneda, “Iń do Israelko lạgitʼ noa bondobos iń bandhaoa. Ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa, ar onko do ińren hoṛgeko hoyokʼa.

Santali Common Language New Testament

¹⁰ Probhu do arhõe meneda, “Iń do Israelko lạgitʼ noa bondobos iń dohoea. Ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoea. Iń do onkoren Isoriń hoyokʼa, ar onko do ińren hoṛgeko hoyokʼa.

Ibriko 8:10 Referans Kwoze

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Romiko lạgitʼ Pạul Apostolakʼ ciṭhi 11:27

Iń do tinre onkoakʼ kạikoń meṭao giḍiytakoa unre onko tulucʼ noage ińakʼ bondobos do hoyokʼa.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janam akana, bickom okaṭakʼ itạ tis hõ baṅ maraokʼ ona khongepe janam akana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

Sakariạ 8:8

Jerusalemre girobasokʼ lạgitʼge onko doń ruạṛ ạgukoa. Onko do ińren hoṛko hoyokʼa ar iń do onkoren Isoriń hoyokʼa; ar onkore pạtiạr ar dhoromgeń tahena.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

Jeheskel 37:27

Ińakʼ tahen ṭhạ̃i do onko talarege hoyokʼa; iń do onkoren Isoriń hoyokʼa ar onko do ińren hoṛko hoyokʼa.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Jirimiạ 32:38

Onko do ińren hoṛko hoyokʼa, ar iń do onkoren Isoriń hoyokʼa.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Exodus 34:27

Ona tayom Probhu Iso do Moseye metadea, “Niạko katha ol dohokakʼme ente noako katha lekage am ar Israelko lạgitʼ bondobosiń dohoakada.”

Jeheskel 39:22

Enhilokʼ khon Israelko doko baḍae daṛeakʼa, ińkangeạń onkoren Probhu Isor do.

Soros sereń 2:16

Dulạṛiạtiń doe ińren kangea ar ińhõ unirenge; uni do sikiyạm baha bagwan talareye gukʼpikana.

Exodus 24:4

Ar Mose do Probhu Isor okako kathae menletʼ onako jotowakʼe ol dohokeda. Dosar hilokʼ Mose do ạḍi setakʼre buru latarre mitʼṭecʼ pinḍe benaokeda ar Israelkoren gelbar khũṭ reakʼ katha disạkate gelbar goṭecʼ khunṭiye benaokeda.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Jirimiạ 31:1

Probhu Isore meneda, “Un jokhecʼ iń do Israelkoren sanam gusṭiren Isoriń hoyokʼa, ar onko do ińren hoṛko hoyokʼa.”

Hosea 2:23

Iń lạgitʼge uni do disạmre itạ lekań ereya; ar okoeyiń metade tahẽkan, ‘ińren dayayicʼ hoṛ dom baṅkana’ unre unigeń dayawaea. Ar okoekoń metatʼko tahẽkan, ‘ińren hoṛ doko baṅkana,’ onko doń metakoa, ‘ape do ińren hoṛ kanape’ ar onko doko mena, ‘am kangeam aleren Isor do.’ ”

Exodus 24:7

Ona tayom uni do bondobos olakʼ puthi hataokate hoṛkoe paṛhao ańjomatʼkoa. Unre hoṛko doko roṛ ruạṛadea, “Ale dole bataoa ar Probhu Isor okakoe menakatʼ ona jotowakʼle palona.”

Exodus 34:1

Inạ tayom Probhu Isor do Moseye metadea, “Pạhilakʼ dhiri cạktikin leka arhõ benaome. Ar amakʼ rạputʼakʼ dhiri cạktikinre okako katha ol tahẽkan niạ nãwã dhiri cạktikinre hõ onkageń olama.

1 Korinthiko 6:16

Se bape baḍaea, kusmbire jamaṛ akanicʼ do uni tulucʼe mitʼ hoṛmokʼ kana mente? Ente sostorre olakana, “Unkin do mitʼ hoṛmokin hoyokʼa.”