Ibriko 7:27 - সান্তালী বাইবেল

²⁷ Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ do baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.

Santali Common Language New Testament

²⁷ Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.

Ibriko 7:27 Referans Kwoze

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

Ibriko 9:12

Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Ibriko 5:3

Uni do cetʼleka eṭakʼ hoṛkoakʼ kại lạgitʼ janware dãṛẽyedekan onkage acʼ apnartetʼ hõe nijorgete apnar lạgitʼ hõ ona dãṛẽ samaṅ hoyokʼtaea.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Romiko lạgitʼ Pạul Apostolakʼ ciṭhi 6:10

Uni tinreye gocʼlena unre uni do kại secʼteye gocʼlena; ar unire kại reakʼ jãhãnakʼ ar do baṅ tahẽlena. Ńitokʼ uni doe jewetʼ beretʼ akante Isor lạgitʼ bańcao menaea.

Ibriko 9:25

Maraṅ naeke do janwarkoakʼ mãyãmate cetʼleka jao bochor sonot utạrakʼ jaegareye bolokʼkan tahẽkan, Mạsi acʼhõ onkaleka bar bar dãṛẽ samaṅokʼ lạgitʼ sermate do bae boloakana.

Levitikus 16:11

“Aron do acʼ ar acʼ bõsrenkoakʼ kại ńutumte puruchun lạgitʼ ạguakade uni ḍaṅgrae gurea.

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

Ibriko 5:1

Hoṛko secʼ khon Isorakʼ dewa sewae lạgitʼ mimitʼ maraṅ naekeko do manwako tala khon bachaokateye bahalokʼ kana, jemon manwakoakʼ kại iạte janware dãṛẽye ar eṭakʼ danko hõe samaṅ daṛeakʼ.

Levitikus 16:15

“Ar ona tayom uni do hoṛkoakʼ kại ńutumte samaṅ akade merom bodae gurea ar uniyakʼ mãyãm do orwal bhitri secʼe adera ar ḍaṅgra mãyãmte okae cekaletʼ onkage nui bodawakʼ mãyãmte hõe onkaea. Ar sinduk reakʼ daya duṛupʼakʼre ar samaṅ secʼre ona mãyãme irciyakʼa.

Levitikus 16:6

Ar Aron do acʼ ar acʼ bõsrenkoakʼ puruchun lạgitʼ kại ńutumte samaṅokʼren ḍaṅgrae samaṅea.

Ephesiko lạgitʼ Pạul Apostolakʼ ciṭhi 2:22

Ape do uni tulucʼgepe kolom mitʼakana ar onate ape hõ mitʼ sãotepe gathao rakapʼ ocokʼkana, jemon sonot Jiu hotete Isorakʼ mundilpe hoydaṛeakʼ.

Jeheskel 43:19

Sadok bõsren naekeko okoe do ińakʼ sekʼwae lạgitʼ iń ṭhenko hijukʼ onko do mitʼṭen ạnḍiạ ḍaṅgra samaṅokʼ lạgitʼem emakoa.

Ibriko 8:4

Menkhan ńit noa dhạrtireye tahẽlen khan uni do maraṅ naeke ohoe hoydaṛelena, ente nonḍe do ạn-ạri lekate dãṛẽ samaṅ lạgitʼ naeke ma menakʼkoge.

Ibriko 9:26

Ar onkage hoyokʼ hoylentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoykokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.