Ibriko 7:25 - সান্তালী বাইবেল

²⁵ Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Santali Common Language New Testament

²⁵ Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Ibriko 7:25 Referans Kwoze

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

1Timothi 2:5

Isor doe mitʼ goṭengea ar mitʼ goṭengeae Isor ar manwakoren dene banar renicʼ hõ. Uni doe hoyokʼ kana Jisu Mạsige.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniyakʼ katha leka calakʼko do uniyakʼ ti khon kuṛạiko ńama.

Ephesiko lạgitʼ Pạul Apostolakʼ ciṭhi 3:20

Aboakʼ ontorre Isorakʼ oka daṛeye kạmiyetʼkan ona daṛe lekate uni do aboakʼ koejoṅ ar hudis khon hõ ḍher bạ̃ṛtiye kạmiyeda.

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Jesaea 59:16

Uni doe ńelkeda are bhaṛoyena, ente hok reakʼ bicạr secʼ teṅgokʼ lạgitʼ do okoe hõ bạnukʼkoa; ar onatege uni do acʼakʼ daṛeanakʼ tite babańcao reakʼe kạmikeda ar uniyakʼ dhoromgeye teṅgo ṭarhaoadea.

Johan 14:13

Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

Daniel 6:20

Ar ona khandṛaṅ ṭhen senkate botorokʼ salakʼ Daniele hohoadea, “E jiwetʼ Isorren guti Daniel, jao okte okoeyem sewawae kan uni amren Isor do cetʼ dhạcri kulkoakʼ moca khone rukhiyạ akatʼmea?”

Daniel 3:17

Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea.

Jobakʼ 23:3

Ekeniń baḍae khan okare uniye ńamokʼa, ar uniyakʼ tahen ṭhạ̃iteń sen daṛeakʼ khan,

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Jesaea 63:1

Edom reakʼ Bosra khon jeṅgetʼ arakʼ kicricʼ horokʼkate uniye hijukʼkạnicʼ, doe okoe kana? Ṭhonokte perecʼ kicricʼ horokʼkate maraṅ daṛe salakʼ daraekạnicʼ, doe okoe kana? “Iń kangeạń uni do, ińge hok reakʼ kathań roṛeda, ińge maraṅ daṛeteń babańcao kana.”

Ibriko 7:16

Uniyakʼ naeke hoyokʼ babotre bõs reaṅ do jãhãn ạnre baṅ ṭẽhaḍokʼ kana, ona do uniyakʼ baṅ maraokʼ jion reakʼ daṛe cetanrege ṭehãḍokʼkana.

Ibriko 2:18

Ar acʼge biḍạu sahaokate sasete jomletʼte uni do biḍạu ocokʼkankoe goṛo daṛeakoa.

Philipiko lạgitʼ Pạul apostolakʼ ciṭhi 3:21

Uni do aboakʼ nijorte perecʼ hoṛmoe pherao tabona ar acʼakʼ ṭhonokanakʼ hoṛmo lekae hoeocoya. Ar oka daṛete jotowakʼko acʼakʼ gobolreye ạguiyetʼkan ona daṛetege uni do noae kạmiya.

Johan 14:16

Iń do Baba ṭheniń koeapea, ar uni do jaejug hạbicʼ mitʼṭen sohotʼicʼe kolapea.

Jirimiạ 3:22

Probhu Isore meneda, “E bạṛicʼ horte sen akan hoponko, dela ruạṛ hijukʼpe; apeakʼ peṛta horte ghańjeṛ akan reakʼ ruạń cabaetapea.” Unre Israelkoko mena, “Hẽ, ale do am ṭhengele ruạṛ hijukʼa, ente am kangeam aleren Probhu Isor do.

Jesaea 45:24

Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Daniel 3:29

Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”

Ibriko 7:24

Menkhan Jisu do jaejug jiwetʼ menaete uniyakʼ naeke giri do tishõ baṅ pheraokʼtaea.

Daniel 9:16

E Probhu Isor, amakʼ dhorom lekate amakʼ nagraha, metakʼme amakʼ sonot buru Jerusalem khon amakʼ edre ar khĩs baṛe sạṅgiń giḍikakʼme. Ente aleakʼ kại ar aleren hapṛamkoakʼ ghạṭ gunạkʼte Jerusalem ar ale amren hoṛko do ale beṛhaete menakʼko sanamko ṭhen henostagele hoyakana.

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

Ibriko 7:8

Nonḍema gujukʼ gobolren Lewikoge gel hạṭiń reakʼ mitʼ hạṭińko hataoetʼkan; menkhan, okoe do jiwetʼge menaea mente goha emakan uni, metakʼme Melkisedek do gel hạṭiń reakʼ mitʼ hạṭińe hataoakada.

Jobakʼ 22:17

Uni do bhage bhage jiniskote onkoakʼ oṛakʼe perecʼletʼ takoa ar enhõ onko do Isorko metade tahẽkana, ‘am do pharakokʼme. Sanam daṛeanicʼ do cetʼe ceka daṛeabona? Menkhan bedhoromkoakʼ sopolha khon iń do sạṅgińreń tahenkana.

Romiko lạgitʼ Pạul Apostolakʼ ciṭhi 5:10

Abo do Isorren bạiri bon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiyakʼ jionte khạṭige kại khon bańcao bon ńama.

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.