Ibriko 7:11 - সান্তালী বাইবেল

¹¹ Okoe naeke reakʼko kạmikan tahẽkan onko Lewi bõsrenkoakʼ kạmi cetanrege Isor do Israelko acʼakʼ ạn-ạriye ematʼko tahẽkana. Ar Lewi bõsren naekekoakʼ kạmi hotete sạbit utạrlen khan, enḍekhan pạhil Lewi naeke Aron bodolte Melkisedek leka eṭakʼ ar mitʼṭen naeke hijukʼ reakʼ cetʼ jạruṛ tahẽkana?

Santali Common Language New Testament

¹¹ Okoe naeke reakʼko kạmikan tahẽkan onko Lewi bõsrenkoakʼ kạmi cetanrege Isor do Israelko acʼakʼ ạn-ạriye ematʼko tahẽkana. Ar Lewi bõsren naekekoakʼ kạmi hotete sạbit utạrlen khan, enḍekhan pạhil Lewi naeke Aron bodolte Melkisedek leka eṭakʼ ar mitʼṭen naeke hijukʼ reakʼ cetʼ jạruṛ tahẽkana?

Ibriko 7:11 Referans Kwoze

Ibriko 8:7

Pạhil teakʼ bondobos niphuṭge tahẽlen khan honaṅ dosar bondobos reakʼ jãhãn jạruṛge oho hoylena.

Galathiko lạgitʼ Pạul Apostolakʼ ciṭhi 2:21

Isorakʼ noa daya do bạń ạuṛiyakʼ ocoya, ente ạn-ạri manaote manwa do Isor ṭhen dhorome hoyokʼ khan enḍekhan Mạsi do ạuṛiyakʼgeye gocʼlena.”

Ibriko 7:21

menkhan Jisuye maraṅ naekeye jokhecʼ doe kiriạlena. Sonot sostorre noa reaṅ ol akana, Probhu Isor doe kiriạyena, “Am do jaejug hạbicʼ naeke kanam.” Noa babotre uni do acʼakʼ mon bae pheraotaea.

Ibriko 7:15

Enḍekhan Melkisedek leka ar mitʼṭen naekeye teṅgo akanre abo oka bon menakatʼ ona do arhõ pusṭạute bujhạukʼ kana.

Ibriko 5:6

Onkage Isor do ar mitʼ jaegareye menakada, am do jaejug hạbicʼ naeke kanam, Melkisedek reakʼ dhara lekate.

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

Ibriko 6:20

Jisuge abo hũyạte abon lahate ona jaegateye calao akana. Uni do jaejug hạbicʼ Melkisedek leka maraṅ naekeye hoyakana.

Ibriko 5:10

Isor do Melkisedek leka maraṅ naeke menteye ńumkedea.

Galathiko lạgitʼ Pạul Apostolakʼ ciṭhi 4:3

Onka leka gidrạ bon tahẽkanre abo hõ dhạrti reakʼ ạḍi lekan ạri-cạliren golam bon tahẽkana.

Ibriko 7:12

Ar naeke giri pherao hoylen khan ạn-ạri hõ pherao reakʼ jạruṛ hoyokʼa.

Ibriko 7:13

Okoe reaṅ noako kathań roṛetʼkan Lewi bõs khon uni Jisu do bae hecʼlena, bickom eṭakʼ mitʼ bõs khone hecʼlena. Ona bõsren okoege tishõ naeke lekate pinḍre janwar dãṛẽ do bako samaṅ akatʼko tahẽkana.

Ibriko 9:6

Nonkate jotowakʼ benao sạtkate naekeko do jaoge tạmbu reakʼ pạhilakʼ jaegare bolokate Isorakʼko dewa sewayetʼkan tahẽkana.