Ibriko 6:8 - সান্তালী বাইবেল

⁸ Menkhan okaṭakʼ ot do jạnum ar rạṅgạinikoe omon ocoyetʼ ona ot do okoḍagea ar onare sarapokʼ reakʼ botor tahena. Ar mucạtʼre hoṛ do onako atar giḍikakʼa.

Santali Common Language New Testament

⁸ Menkhan okaṭakʼ ot do jạnum ar rạṅgạinikoe omon ocoyetʼ ona ot do okoḍagea ar onare sarapokʼ reakʼ botor tahena. Ar mucạtʼre hoṛ do onako atar giḍikakʼa.

Ibriko 6:8 Referans Kwoze

Johan 15:6

Jãhãege ińre bae tahen khan uni do getʼ giḍiakatʼ ḍạr leka bahreteye giḍi ocokʼa ar ona do rohoṛokʼa. Unre ona ḍạr jarwakate seṅgelreko khadlekakʼa ar ona do lokʼa.

Dosar Biboron 29:28

Uniyakʼ raṅgao ar botoranakʼ jolokʼkan edre iạte onko do disạm khone or totʼ akatʼkoa ar eṭakʼ disạmreye giḍiakatʼkoa, ar teheń hạbicʼ hõ onḍege menakʼkoa.’

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Ibriko 12:17

Baḍaegeape, tayomte rakʼ rakʼte ạsirbade koeletʼre hõ enhõ uni doe nihạ̃t giḍi ocoyena, ente mon ạcur reakʼ ạt unre baṅ tahẽkana.

Ibriko 10:27

bickom eken bicạr reakʼ botoranakʼ ghuṛi ar Isorren bạiriko lo torocʼko leka jolokʼkan edrege ńelhor akae tahen hoyokʼa.

Mark 11:21

Patras do Jisuakʼ katha disạketʼteye menkeda, “E Guru, ńelme okaṭakʼ darem sarapatʼ tahẽkan ona do rohoṛ akana.”

Mark 11:14

Onate dareye metatʼa, “Okoege tishõ amakʼ jo aloko jom ńamma.” Celako do Jisuakʼ noa kathako ańjom tiyokʼkeda.

Mathae 7:19

Okaṭakʼ darere bhage baṅ jokʼ ona do makʼ giḍikʼte sengelre khadle ocokʼa.

Mathae 3:10

Dare gonḍarege ṭeṅgocʼ do ṭenḍar dohoakana. Oka dare bhage baṅ jokʼ ona do makʼ giḍikʼte seṅgelre khadle ocokʼa.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Jeheskel 20:47

Ar dạkhin reakʼ bir do ińakʼ katha ańjom lạgitʼ metaeme. Unim metaea, Probhu Isore meneda, ‘iń do amre seṅgeliń salgaoa ar ona do amakʼ sanam berel ar rohoṛ dare nạ̃ṛĩkoe joma. Ona jolokʼkan seṅgel do bạṅ ĩṛĩjokʼa ar dạkhin khon utạr hạbicʼ sanam hoṛ do ona reakʼ lepʼteko khạurạkʼa.

Jirimiạ 17:6

Uni do potit jumire mitʼṭecʼ jhạuạ lekanae; bhage okte hecʼlen khan ona do bae ńela. Uni do hahaṅkarre lolo ṭhạ̃ire, metakʼme okare celege bako girobasokʼ nonkan reḍha ṭhạ̃ireye girobasokʼa.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Jobakʼ 31:40

enḍekhan onḍe do guhum bodolte aṭkuṭi janamokʼma. Ar jao bodolte ghãs janamokʼma. Nonḍege jobakʼ katha do mucạtʼ akana.

Genesis 5:29

Uni doe menkeda, “Aboakʼ khaṭaoakʼko modre, bạ̃ṛtikaete Probhu Isor do ote sarapatʼ tayom aboakʼ oka khaṭao hoyokʼkan onate nui gidrạge abo do jiwiye raṛejtabona.” Noa menkate uni do Noha ńutume dohoketʼtaea.

Genesis 4:11

Ar ot hõ amren boehawakʼ mãyãm ataṅ lạgitʼ moca bae jhicʼetʼte jumi reakʼ sarap do amrege paṛaoena.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

2 Samuel 23:7

Okoe onko sapʼkoe men uni do mẽṛhẽtʼ reakʼ khanḍa bhanḍa se borlom beohar hoyokʼtaea; onate jãhãrege onkoko tahen onḍege seṅgelteko lo marao ocokʼa.”

Jesaea 27:4

Ona upạrte ińakʼ edre do bạnukʼtińạ. Aha, jạnum ar rạṅgạini upạrte lạṛhại tahentiń khan! Onako upạrte jhãpiń emkea ar seṅgelreń atar giḍikea.