Ibriko 6:7 - সান্তালী বাইবেল

⁷ Okaṭakʼ ot do ạḍi dhao jạṛi dakʼ ańjetʼkate cacasko lạgitʼ jạruṛakʼ aṛakʼ sakamkoe omon ocoyetʼ ona ot do Isorakʼ bhore ńameda.

Santali Common Language New Testament

⁷ Okaṭakʼ ot do ạḍi dhao jạ̃ṛĩ dakʼ ańjetʼkate casakoakʼ jạruṛakʼ aṛakʼ sakame omon ocoyetʼ ona ot do Isorakʼ bhore ńameda.

Ibriko 6:7 Referans Kwoze

Hosea 10:12

Ape do apnar lạgitʼ dhorom reakʼ itạ er joṅpe, ar pạtiạrteakʼ phosol irpe ar apere baṅ cas akan ontor rạpudtape, ente Probhu Isor secʼ ạcur ruạṛokʼ reakʼ okte do hecʼakana. Ar tinre onape onkaea unre uni do hecʼkate ape cetanre dhorom reakʼ jạṛi dakʼe emapea.

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Sereńko 126:6

Ar okoe hoṛ rakʼ rakʼte itạ erokʼe calakʼkan uni do phosol reakʼ binḍạwante hulạsate khạṭigeye ruạṛ hijukʼa.

Jakob 5:7

Onate E boehako, tin hạbicʼ Probhu Isor bae hijukʼ unhạbicʼ jiwi hataṛkate jotowakʼ sahaope. Cetʼleka casa do khet reakʼ damanakʼ phosol lạgitʼe ńel horetʼkan ar pạhil ar mucạtʼ dakʼ lạgitʼe sombhuriyetʼ, ona mape ńeletʼkange?

Jeheskel 34:26

Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.

Sereńko 24:5

Uni do Probhu Isor ṭhen khon bhore ńama; ente uni do uniyakʼ sana lekae calakʼ kana ar uniren babańcaoicʼ Isor do onae udukʼaea.

Levitikus 25:21

Enḍekhan turuiyakʼ bochorre iń do nonkań bhorapea jemon pe bochor hạbicʼ phosol calakʼtape.

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Genesis 27:27

Unre Jakob doe sen sorena are cokʼ ocoyena, ar Isahak do uniyakʼ kicricʼ reakʼ soe ńamketʼte noa menkateye bhoradea: “Nõkʼõe coṅ ińren hoponakʼ so, Probhu Isore bhor akawatʼ jumi reakʼ lekage noa so do.

Genesis 1:11

Ona tayom Isore menkeda, “Ot cetanre ghãsko janamokʼma; ar nonkan aṛakʼ sakam ar dareko hoyokʼma ar onako reakʼ itạko tahenma. Ot cetanre eṭakʼ eṭakʼ jo dareko janamokʼma ar onako hõ jo bahakʼma; ar onako reakʼ itạko tahenma.” Ar onkage hoyena.

Mathae 7:8

Ente mitʼke mitʼ kokoyicʼ do milạuaea; ar ńam baṛayicʼ doe ńama ar ṭhopʼ ṭhopʼetʼkạnicʼ do jhicʼaea.

2Timothi 2:6

Mehnotetʼkan cacas hoṛge pạhilre do phosol reakʼ bhag hatao lek kanae.