Ibriko 6:19 - সান্তালী বাইবেল

¹⁹ Noa as do aboakʼ jionre loṅgor leka khạṭi ar kajakgea, ar ona do sonot jaega reakʼ orwal tayomre, metakʼme Isor samaṅre seṭerokʼa.

Santali Common Language New Testament

¹⁹ Noa as do aboakʼ jionre loṅgor leka khạṭi ar kajakgea, ar ona do sonot jaega reakʼ orwal tayomre, metakʼme Isor samaṅre seṭerokʼa.

Ibriko 6:19 Referans Kwoze

Sereńko 43:5

E ińakʼ jiwi, cedakʼ am dom be as akana? Cedakʼ nunạkʼ dom cońcol akana? Isor cetanre bhorsa dohoyme, ente iń do arhõń sarhaoea; unige ińren babańcaoicʼ ar ińren Isor kanae.

Levitikus 16:15

“Ar ona tayom uni do hoṛkoakʼ kại ńutumte samaṅ akade merom bodae gurea ar uniyakʼ mãyãm do orwal bhitri secʼe adera ar ḍaṅgra mãyãmte okae cekaletʼ onkage nui bodawakʼ mãyãmte hõe onkaea. Ar sinduk reakʼ daya duṛupʼakʼre ar samaṅ secʼre ona mãyãme irciyakʼa.

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

Ibriko 9:3

Dosarakʼ orwal tayomre tạmbu reakʼ ar mitʼ hạṭiń tahẽkana; ona reakʼ ńutum do sonot utạrakʼ jaega.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

Kolossiko lạgitʼ Pạul Apostolakʼ ciṭhi 3:1

Mạsi tulucʼ gocʼko khonpe jiwetʼ beretʼ ocoyen khan, enḍekhan Mạsi one sermare Isorakʼ jojomsa aṛereye duṛupʼ akan ona coṭ reakʼakʼko baṛe ńam baṛaepe.

Sereńko 42:11

E ińakʼ jiwi, cedakʼ am dom be asokʼkana? Cedakʼ nunạkʼ dom cońcol akana? Isorre bhorsa dohoyme, ente uni do arhõń sarhaoea; uni do ińren babańcaoicʼ ar ińren Isor kanae.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Aposkạmi 27:29

Ado dhirire bajaokʼ botorte jahaj reakʼ tayom secʼ khon ponea loṅgorko caḍokeda ar siń marsal lạgitʼ koejoṅko ehopʼena.

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạuakana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Aposkạmi 27:40

Onate onko do jahaj reakʼ loṅgorko samakʼ topakʼkate jalapurireko giḍikada ar hạl reakʼ tonol doko raṛakada. Inạ tayom hoe ńam lạgitʼ laha reakʼ badomko rakapʼkeda ar aṛe secʼ laha idiyente ona do gitilre ḍhaṅena.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

Ephesiko lạgitʼ Pạul Apostolakʼ ciṭhi 2:6

Abo do Jisu Mạsire bon kolom mitʼ akante Isor do Mạsi tulucʼe jiwetʼketʼbona ar Mạsi sãotege sermareye duṛupʼ akatʼbona.

Sereńko 42:5

E ińakʼ jiwi, cedakʼem as chuṭạukʼkana? Cedakʼ nunạkʼ dom cońcol akana? Isorre bhorsa akae tahenme, ente unige ińe bańcaoińạ; onate iń do arhõ uniń sarhaoea.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Sereńko 39:7

“E Probhu Isor, enḍekhan iń do ar cetʼ reakʼ asteń tahena? Ińakʼ as joṅakʼ ma jotoge coṅ amrege.

Sakariạ 9:12

E aste perecʼ bondi akanko, ape do apeakʼ gaṛte ruạṛ calakʼpe; teheń iń doń kiriạkʼkana, ape do bar doboṛiń bhorapea.

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr do hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

Romiko lạgitʼ Pạul Apostolakʼ ciṭhi 4:18

Abraham do baba hoyokʼ reakʼ jãhãn asge baṅ tahẽkantaere hõ uni do Isorre askate pạtiạu akane tahẽkana. Isor do uniye metade tahẽkana, “Amren bõsko do sermaren ipil leka saṅgeko hoyokʼa.” Ar ona katha lekage Abraham do ạḍi utạr jạtkoren babageye hoylena.

Romiko lạgitʼ Pạul Apostolakʼ ciṭhi 5:4

ar sobori reakʼ jo do bhage colon ar bhage colon reakʼ jo do asge.

1 Korinthiko 13:13

Menkhan ńitokʼ do biswạs, as, ar dulạṛ noako penege tahenkana; menkhan noako modre joto khon soros utạrakʼ do dulạṛkangea.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,