Ibriko 6:16 - সান্তালী বাইবেল

¹⁶ Manwa do acʼ khon okoeye maraṅa uni ńutumtegeye kiriạkʼ kana. Onate ona kiriạ do noa khạṭitetʼe kajakaea, oka roṛakan ona do sạrigea mente, ar nonkate joto gulmal do cabakʼa.

Santali Common Language New Testament

¹⁶ Manwa do acʼ khon okoeye maraṅa uni ńutumtegeye kiriạkʼ kana. Onate ona kiriyạ do noa khạṭitetʼe kajakaea, oka roṛakan ona do sạrigea mente, ar nonkate joto gulmal do cabakʼa.

Ibriko 6:16 Referans Kwoze

Exodus 22:11

enḍekhan uni hoṛ ona bae ceka akatʼ ona do Probhu Isor samaṅre kiriạkate ona babotre miṭ maṭkakʼ hoyokʼtaea. Uni janwarren mạlik do ona manao hoyokʼtaea ar jãhãn khuti purun bae dạbi daṛeakʼa.

Ibriko 6:13

Isor do Abrahame gokʼade tahẽkanre acʼakʼ ńutumteye kiriạlena, ente acʼ khon maraṅ okoe hõ bạnukʼkoa one uni ńutumteye kiriạ daṛekokʼ.

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Genesis 21:23

Onate am do Isor ńutumte ńit iń ṭhen noa kiriạkʼme, iń ar ińren hoponko sãote se ińren bõsko sãote am do eṛe bam beohara. Cetʼ leka am tulucʼ pạtiạr salakʼ iń beohar akatʼ, ṭhik onkage amhõ iń sãote ar oka disạmre upriạ menam ona disạmren hoṛko sãote pạtiạr salakʼem beohara.”

Genesis 14:22

Abram do Sodomren raje metadea, “Serma ar ot okoeye sirjạu akatʼ uni maraṅ Probhu Isorakʼ ńutumte ti tulkań kiriạkʼ kana,

2 Samuel 21:2

Ona iạte raj do Gibeonrenkoe hohowatʼkote onko tulucʼe galmaraokeda. Gibeonren hoṛ do Israel hoponko talare bako tahẽkana. Onko do Amorikoren sarecʼko kanako. Onko alo maraoko lạgitʼge Israelko doko kiriạlena, menkhan Sạul do Israel ar Jihudạ lạgitʼe ãṭokʼkan tahẽkante onko sanamkoge gocʼko reakʼe kurumuṭuleda.

Galathiko lạgitʼ Pạul Apostolakʼ ciṭhi 3:15

E boehako, iń do ạḍi alga kathate noa reaṅ iń bujhạuape kana. Mitʼ dhao manwa talare jãhãnakʼ bondobos doholenre ona bondobos do okoe hõ bako bạtil daṛeakʼa se ona tulucʼ jãhãnakʼ hõ bako juṭucʼ daṛeakʼa.

Genesis 21:24

Abrahame menkeda, “Hẽ, iń doń kiriạkʼ kana.”