Ibriko 6:11 - সান্তালী বাইবেল

¹¹ Alele khojkana, ape mimitʼko jemon mucạtʼ hạbicʼ inạ jidge tahentape. Onate purạtepe khạṭi joṅa je, apeakʼ as do purạukʼtapea.

Santali Common Language New Testament

¹¹ Alele khojkana, ape mimitʼko jemon mucạtʼ hạbicʼ inạ jidge tahentape. Onate purạtepe khạṭi joṅa je, apeakʼ as do purạukʼtapea.

Ibriko 6:11 Referans Kwoze

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akae bon tahen, enḍekhan aboge Isorakʼ gharońjren hoṛ bon hoyokʼa.

2 Patras 1:10

Onate E boehako, sạrige Isor do apeye hohoakatʼpe are bachao akatʼpe ona khạṭi ocoy lạgitʼ arhõ bạ̃ṛti jid monanko hoyokʼpe. Ar noakope nonka lekhan tis hõ ohope tohotʼlena.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Johan sodor 2:26

Baba cetʼleka sanam jạtrenko cetanre ektiạriye emakawạdiń, onkage okoeye jitạukʼ ar mucạtʼ hạbicʼ ińakʼ sana lekae kạmi idi uni hõ ona ektiạriń emaea. Uni do mẽṛhẽtʼ ṭheṅgate onkoe ḍanṭaokoa ar hasa reakʼ bhajan lekae rạputʼ gejerkoa. Ar okoeye jitạukʼa unige iń do bhurkạ ipil hõń emaea.

1 Johan 3:14

Abo do boehako bon dulạṛetʼkote, moron khon jionte bon parom hecʼakana mente bon bujhạu daṛeakʼkana. Ar okoe bako dulạṛkan onko do gocʼko talareko tahenkana.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

2 Thessalonikiko 3:13

E boehako, bhageakʼ kạmi kạmite alope bhagaokʼa.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Jesaea 32:17

Ar dhorom do suluk reakʼ jo hoyokʼa, ar ona iạte jaejug lạgitʼ khạtirjoma ar bhorsage hijukʼa.

1 Thessalonikikko 4:10

Ape do sạrige Makedoniạ disạmren sanam boehakope dulạṛetʼkoa. Menkhan E boehako, ape ṭhen aleakʼ nehõr do noage, apeakʼ dulạṛ do arhõ sareṛokʼtape ma.

1 Thessalonikikko 1:5

ente alele porcar akatʼ bhage sombat do eken katha motote do baṅ seṭer akatʼpea, menkhan daṛete, sonot Jiute ar purạ khạṭi salakʼ hecʼatʼpe tahẽkana. Ape sãote tahẽkan jokhecʼ apeakʼ bhạlại lạgitʼ cetʼ lekale colonetʼkan tahẽkan ona mape baḍaege.

Kolossiko lạgitʼ Pạul Apostolakʼ ciṭhi 1:5

Sermare ape lạgitʼ okaṭakʼ jogao dohoakan ona ńam reakʼ as khonge ape talare noa pạtiạu ar dulạṛ do janam akana. Ar okaṭakʼ bhage sombat, metakʼme sạri katha ape ṭhen seṭer akan ona hotetege ape do noa as reakʼ kathape ańjom akada.

Philipiko lạgitʼ Pạul apostolakʼ ciṭhi 3:15

Ona iạte dhorom secʼte okoe bon laha idikʼkan abo do inạ mitʼ monejoṅakʼge tahen lek tabona. Ar jãhãnakʼ reaṅ eṭakʼ lekape moneyetʼ khan Isor do ona hõe udukʼapea.

Galathiko lạgitʼ Pạul Apostolakʼ ciṭhi 6:9

Bhageakʼ kạmi kạmite alo bon mokońokʼma, ente babon loraolen khan okte nạpitre phosol bon ńama.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

1 Korinthiko 13:13

Menkhan ńitokʼ do biswạs, as, ar dulạṛ noako penege tahenkana; menkhan noako modre joto khon soros utạrakʼ do dulạṛkangea.

Mathae 24:13

Menkhan mucạtʼ hạbicʼ okoeye ṭarhao tahen uni do bańcaoe ńama.

1 Johan 3:19

Khan noate bon baḍae daṛeakʼa, abo do sạriyakʼren kana bon mente. Ona chaḍa jãhãnakʼ babotre aboakʼ ontor aboe dusi bon khan, enḍekhan Isor samaṅre aboakʼ ontorre jiwi raṛecʼ bon em daṛeaea. Isor do aboakʼ ontor khone maraṅgea ar jotowakʼgeye baḍaea.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Romiko lạgitʼ Pạul Apostolakʼ ciṭhi 12:8

okoe sikhạu paṛhao reakʼ daṛeye ńamakatʼ uni doe sikhạu paṛhaokoma; okoe eṭakʼko danako reakʼ daṛeye ńamakatʼ, uni do soṛa monteye emokʼma; okoe mukhiyạ hoyokʼ reakʼ daṛeye ńamakatʼ uni do jidkateye calaoma; ar okoe eṭakʼko goṛowako lạgitʼ daṛeye ńamakatʼ uni do kharsala monteye goṛowakoma.

Galathiko lạgitʼ Pạul Apostolakʼ ciṭhi 5:5

Menkhan dhorom mente bon lekha ocokʼ, ona reakʼ khạṭitetʼ do biswạste sonot Jiu hotete bon ńel horeda;

Luk 1:1

Manotan Thiophil, aboko talare okako ghoṭna hoylen ar pạhil khon okoekoko ńelletʼ ar Isorakʼ bhage sombatko porcarletʼ, onko do ale sanamakʼko baḍae ocoakatʼlea, ar onkoakʼ katha lekage ḍher hoṛ do ona reaṅko ol akada.

Josuạ 7:3

Ona tayom onko do Josuạ ṭhen ruạṛ hecʼenteko menkeda, “Ae nagraha upạrte sanam hoṛ calakʼ reakʼ jạruṛ do bạnukʼa. Ona dokhol lạgitʼ do bar se pe hajar hoṛ kolkom. Noa iạte sanam hoṛ do alom haron ocokoa, ente onḍenko hoṛkoakʼ lekha do thoṛagea.”