Ibriko 6:10 - সান্তালী বাইবেল

¹⁰ Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Santali Common Language New Testament

¹⁰ Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Ibriko 6:10 Referans Kwoze

Mathae 10:42

Jãhãege noko kạṭicʼko modre mitʼ hoṛ ińren cela mente mitʼ bạṭi reaṛ dakʼe ńũ ocoye; sạrigeń metapekana, uni do oka lekate hõ acʼakʼ kuṛại do ohoe atʼletaea.”

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Aposkạmi 10:4

Kornelius doe botorente serma goḍet secʼ beṅgetʼkateye menkeda, “ Ma roṛme, E Probhu Isor.” Serma goḍete menkeda, “Amakʼ koejoṅ ar reṅgecʼ orecʼkom dan akokan reakʼ katha do sermate seṭer akana ar Isor do onae disạ dohoakada.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼkan, ona katha do jaoge aboren Isor Baba samaṅre koejoṅrele disạyeda.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

1Timothi 6:18

Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

Mark 9:41

Sạrigeń metapekana, Mạsiren hoṛpe hoyakante jãhãege iń ńutumte mitʼ bạṭi dakʼe ńũ ocope, enḍekhan uni do oka lekate hõ acʼakʼ kuṛại do ohoe atʼletaea.

Romiko lạgitʼ Pạul Apostolakʼ ciṭhi 12:13

Isorren hoṛko reṅgejokʼ oktere goṛowakope. Ar peṛakʼ gun dohojoṅpe.

Aposkạmi 11:29

Unre celako doko goṭakeda, Jihudạ disạmren biswạsi boehako goṛowako lạgitʼ apan ạpin daṛe leka onko do jemon ṭakako kol. Arko onkaletʼgea.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

Johan 13:20

Sạrigeń metapekana, iń okoeyin kole, ar uni okoeye ataṅe, uni do ińgeye ataṅedińạ ar iń okoeye ataṅiń uni do kol akadińicʼgeye ataṅedekana.”

Nehemiạ 5:19

E ińren Isor, noko hoṛko lạgitʼ iń okakoń kạmi akatʼ ona iạte bhạlạyiń do alom hiṛińa.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.

2 Korinthiko 9:1

Isorren hoṛko lạgitʼ dan emokʼ reakʼ okaṭakʼ kạmi calakʼkan ona reaṅ olape reakʼ jãhãn jạruṛ do bạnukʼtińạ,

Jirimiạ 18:20

Bhageakʼ bodolte cetʼ bạṛicʼakʼko halaea? Menkhan onko do iń lạgitʼ ghaḍlakʼko la akada. Disạime, amakʼ edre onkore jemon ruạṛ calakʼ onate am samaṅre teṅgokate onkoakʼ kathań roṛetʼkana.

Nehemiạ 13:31

Ona chaḍa okte nạpitre kaṭko ar pạhilte rakabokʼ phosol ạgui reakʼ hõń bebostawatʼkoa. E ińren Isor, iń bhạlạyiń lạgitʼ disạyińme baṛe.

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

Sereńko 20:3

Amakʼ sanam dãṛẽ reakʼ katha uniyakʼ monre disạ tahentae ma, amakʼ jeredokʼakʼ dãṛẽko uni doe ataṅtam ma.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Exodus 1:20

Isor do unkin dhạ̃i buḍhikine bhạlạiyketʼkinạ. Ar Israelkoakʼ lekha do ḍher idikʼtege tahẽyena ar onko doko daṛe idiyena.”

Sosolhayic̕ 11:1

Amakʼ jomakʼ do dakʼ cetanre chiṭiạume, ente ḍher din tayom ona do arhõm ńam ruạṛa.

Jirimiạ 31:16

Thirokʼme alom raga ar mẽtʼ dakʼ jodtam, ente amakʼ kạmi reakʼ kuṛại dom ńamgea. Onko do bạirikoakʼ disom khonko ruạṛ hijukʼa.

Ibriko 10:32

Laha dinko reakʼ katha disạipe. Unre marsal ńamkate ape do duk jom talate hõ teṅgo ṭak akaepe tahẽkana.

Mathae 20:7

“Onko doko metadea, ‘okoe hõ kạmire bako lagaoletʼlea.’ “Uni doe metatʼkoa, ‘Do, ape hõ ińakʼ darkha bagwante senkate kạmipe.’

Mathae 25:17

Ar okoe bar hajar ṭakae ńamletʼ uni hõ onkakate arhõ bar hajar ṭakae labkeda.