Ibriko 4:10 - সান্তালী বাইবেল

¹⁰ ente Isor do cetʼleka acʼakʼ sirjạu reakʼ kạmi sạtkateye jirạulena onkage okoe Isorakʼ jirạu joṅ jaegareye calakʼ, uni hõ uniyakʼ kạmi khon jirạue ńama.

Santali Common Language New Testament

¹⁰ ente Isor do cetʼleka acʼakʼ sirjạu reakʼ kạmi sạtkateye jirạulena onkage okoe Isorakʼ jirạu joṅ jaegareye calakʼ, uni hõ uniakʼ kạmi khon jirạue ńama.

Ibriko 4:10 Referans Kwoze

Johan sodor 14:13

Ona tayom iń do serma khon mitʼ hoṛ roroṛkaniń ańjomkedea, “Noa katha olme; ńit khon okoe do Probhu Isor tulucʼ kolom mitʼkateko gujukʼkan onko do bhạganko kanako.” Sonot Jiu do noa kathae meneda, “Hẽ, onko doko bhạgangea. Onkoakʼ mehnot khon onko do jirạuko ńama, ente onkoakʼ kạmi reakʼ kuṛại do ako soṅgere tahena.”

Ibriko 10:12

Menkhan Jisu do kại ńutumte jaejug lạgitʼ eken mitʼṭen dãṛẽye samaṅketʼte Isorakʼ jojomsa aṛereye duṛupʼena.

Johan 19:30

Jisu sirkại ńamketʼ khane menkeda, “Purạu akana.” Ar ona tayom do bohokʼe kuḍburketʼte jiwiye jimạketʼtaea.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Genesis 2:2

Nonkate Isor do eaeakʼ dinte acʼakʼ kạmiye sạtʼkeda; one okaṭakʼe kạmiketʼ; ar eaeakʼ din doe jirạuena acʼakʼ joto kạmiko khon; ar enhilokʼ uni do sirjạu reakʼ cetʼge bae kạmileda.

Ibriko 4:9

Enḍekhan ńelokʼkana, Isorren hoṛko lạgitʼ jirạukʼ reakʼ ạt do menakʼ hataṛgea,

Johan sodor 6:11

Unre onko mimitʼ hoṛ do mitʼṭecʼkate ponḍ oyon kicricʼko ematʼkoa arko metatʼkoa, onkoren são gutiko ar boehako, okoe do ako lekako gocʼ ocokʼ onkoakʼ lekha ạuri purạukʼ hạbicʼ jemon arhõ thoṛa ghạṛicʼ ńel hor akaereko tahen.