Ibriko 3:19 - সান্তালী বাইবেল

¹⁹ Arbon ńeleda, bepạtiạu iạte onko do Isorakʼ jirạukʼ jaegate bako bolo daṛeada.

Santali Common Language New Testament

¹⁹ Arbon ńeleda, bepạtiạu iạte onko do Isorakʼ jirạukʼ jaegate bako bolo daṛeada.

Ibriko 3:19 Referans Kwoze

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Johan 3:18

Okoe uni Hoponreye pạtiạukʼ uniyakʼ do jãhãn bicạr baṅ hoyokʼtaea, menkhan okoe bae pạtiạukʼ uni do dusi kanae mente laharegeye lekha ocoakana, ente uni do Isorren eskar janam Hoponre bae pạtiạu akana.

Mark 16:16

Ar jãhãegeye pạtiạukʼ are bạptis ocokʼ unige kại khon bańcaoe ńama; menkhan okoe bae pạtiạukʼ uni do sạjạiyokʼ lạgitʼe bicạr ocokʼa.

1 Johan 5:10

Isorren Hopon cetanre okoeye pạtiạukʼkan uniyakʼ ontorre ona goha do menakʼa. Ar Isorre okoe bako pạtiạukʼkan onko do eṛeyicʼko benao akadea, ente Isor acʼren Hopon reaṅ oka gohae emakatʼ onare onko do bako pạtiạu akana.

2 Thessalonikiko 2:12

Ar okoe sạriyakʼre pạtiạukʼ baṅkate behokakʼ kạmire rạskạko ńametʼkan onko sanamko uni doe bicạr dusikoa.

Dosar Biboron 1:32

Enhõ ape do aperen Probhu Isor cetanre bape bhorsalena.

Sereńko 106:24

Tayomte onko do ona mońj disạmko nihạ̃tkeda; onko do Probhu Isorakʼ katha bako pạtiạuada.

Romiko lạgitʼ Pạul Apostolakʼ ciṭhi 11:23

Onko do bepạtiạu khonko ạcur ruạṛlen khan enḍekhan akoakʼ dare sãote arhõko kolom mitʼ ocokʼa, ente noa kolom mitʼ reakʼ kạmi do Isorgeye daṛeakʼa.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.