Ibriko 2:1 - সান্তালী বাইবেল

¹ Onate oka bon ańjomakatʼ ona manao lạgitʼ arhõ moneyakʼ lek tabona, jemon ona khon alo bon pharakokʼ.

Santali Common Language New Testament

¹ Onate akabon ańjomakatʼ ona manao lạgitʼ arhõ moneakʼ lek tabona, jemon ona khon alo bon pharakokʼ.

Ibriko 2:1 Referans Kwoze

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

2 Patras 3:1

E dulạṛiạ boehako, ape ṭhen noa do ińakʼ dosar ciṭhi kana. Banar ciṭhirege iń do adomakʼko babotreń disạ ocoyetʼpete apeakʼ soṛa mon udgạu reakʼ iń kurumuṭuyeda.

2 Patras 1:15

Ińakʼ gujukʼ tayom hõ jemon noako reaṅ jaogepe disạ dohoy, onate iń do ona bondobos lạgitʼ ạḍiń kurumuṭuya.

Kạhtukko 3:21

E bạbu, bud ar ạkil dohojoṅme, ar onage moneyakʼme.

Sereńko 119:9

Juạn do cekate acʼakʼ jion khạṭiye doho daṛeketaea? Uni do eken amakʼ kathako leka senakʼ iạtegeye daṛeakʼa.

1 Bõsbudạ 22:13

Probhu Isor do Mose hotete Israelko lạgitʼ okaṭakʼ ạn-ạri ar hukumkoe emakan onako jodi sontortem pańjae enḍekhan am dom khạṭigem jo-bahakʼa. Am do daṛeanicʼ hoyokʼme ar monre dil dohoyme. Alom botorokʼa se alom torasokʼa.

Ibriko 12:5

Isor do acʼren gidrạko lekae udgạu akatʼpete okae galmarao akatʼpe ona dope hiṛiń akada. Uni doe menakada, E beṭa, Probhu Isorakʼ ḍanṭao do alom neṅghaoa, ar uniye egerlemre alom ạtruńokʼa;

Mark 8:18

Mẽtʼ menakʼ tulucʼ cetʼ bape ńeńelkana? Lutur tahen tulucʼ cetʼ bape ańjomeda? Disạ hõ cetʼ bape disạyeda,

Mathae 16:9

Ape do cetʼ ńit hõ bape bujhạueda se bape disạyeda, onko mõṛẽ hajar hoṛ lạgitʼ mõṛẽ goṭecʼ piṭhạ reakʼ katha, ar ona tayom do tinạkʼ khạclạkʼpe halaṅ jarwaleda?

Dosar Biboron 4:23

Aperen Isor ape lạgitʼ okae bondobos akatʼ, ona reakʼ sontorokʼpe, ona do alope hiṛińa. Ar aperen Probhu Isore mana akatʼ jãhãn muṭhạnko alope benaojoṅa,

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Luk 9:44

“Ińakʼ noako katha monre rebetʼ dohoype, ente Manwa Hopon do hoṛkoakʼ tireko soprotea.”

Habakkuk 1:6

Iń do Babelrenkoń sapṛaoetʼkoa; onko do kurmutạha jạtren kanako, onko do eṭakʼkoakʼ disạm hatjoṅ lạgitʼ dhạrti reakʼ sanam ṭhạ̃iteko calakʼkana.