Ibriko 13:21 - সান্তালী বাইবেল

²¹ Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Santali Common Language New Testament

²¹ Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Ibriko 13:21 Referans Kwoze

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

2 Thessalonikiko 2:17

Unigeye dulạṛketʼ bona are dayawatʼbonte asambheṛ udgạu ar purạ rạskạ reakʼ ase dan akatʼ bona.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

2Timothi 4:18

Probhu Isor do sanam bạṛicʼakʼ kạmi khone rukhiyạyińạ ar acʼakʼ serma rajreye idi seṭerińạ. Uniyakʼge ṭhonok hoyokʼtaema jug cetan jug. Amen.

2 Korinthiko 9:8

Isor do joto secʼte dayawape reakʼ daṛe menakʼtaea, jemon apeakʼ oka jạruṛokʼ ona do jaoge tahentape; ar onate jemon joto lekan bhage kạmi lạgitʼ khulạsatepe dan daṛeakʼ.

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.

Ibriko 10:36

Ape do sombhuri reakʼ jạruṛ menakʼtapea, jemon Isorakʼ sana leka kạmi purạukate okae gokʼ akawatʼpe ona jemonpe ńam;

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu do purạ puri bin dusạn baṛe dohoytape.

1 Johan 2:17

Dhạrti ar dhạrti reakʼ rij roṅ do caba hijukʼkana, menkhan Isorakʼ sana leka okoeye senokʼkan uni do jaejug hạbicʼe tahena.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

1 Johan 3:22

Onate okaṭakʼ bon khojokʼ uni ṭhen khon ona dobon ńamgea, ente uni okakoe hukum akatʼ onako bon manao ar okako kạmiye kusiyakʼ onako bon kạmi.

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

1 Thessalonikikko 3:13

Enḍekhan uni do apeakʼ ontore kajak ocoytapea, jemon aboren Probhu Jisu do acʼren sanam hoṛko soṅgekateye hijukʼre ape do Isor Baba samaṅre niphuṭ ar sonotkope hoyokʼ.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Sereńko 138:8

Probhu Isor do iń lạgitʼ okaṭakʼe ṭhik dohoakatʼ onae purạua. E Probhu Isor, amakʼ khạndri dulạṛ do jaejug hạbicʼ tahenma; ar okaṭakʼ apnar titem kạmikan ona do alom aṛakʼ giḍiya.

Johan sodor 5:13

Ona tayom sermare, dhạrtire, ot latarre ar jalapurire tinạkʼ jiwiyanko menakʼko, ar onare jãhãnakʼge menakʼ jotokoge noa katha roroṛkaniń ańjomketʼkoa: “Singhạsonre okoeye duṛupʼ akan Uniyakʼ ar uni Bheḍa Hoponakʼ sarhao man ar ṭhonok ar daṛe do jaejug hạbicʼ tahenma.”

Johan sodor 4:6

Ona siṅghạson samaṅre dhiri hisir leka kãc reakʼ jalapuri tahẽkana. Ona siṅghạsonko reakʼ talare menakʼ siṅghạson reakʼ beṛhaete ponea jiwiyanko tahẽkana. Onkoakʼ do samaṅ secʼ ar tayom secʼ mẽtʼkote perecʼ tahẽkantakoa.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

1 Thessalonikikko 4:3

Isorakʼ monejoṅakʼ do noage, jemon sonotkope hoyokʼ, metakʼme sanam lekan loṭghuṭi khon sahaṛ akae tahenpe,

Kolossiko lạgitʼ Pạul Apostolakʼ ciṭhi 3:20

E gidrạko, sanamakʼre aperen gogo-babawakʼ bataotakope, ente noa do Probhu Isore kusiyakʼa.

Philipiko lạgitʼ Pạul apostolakʼ ciṭhi 2:11

ar mitʼke mitʼ alaṅko aṅgocma, Isor Babawakʼ ṭhonok lạgitʼ do Jisu Mạsigeye Probhu Isor kana mente.

Galathiko lạgitʼ Pạul Apostolakʼ ciṭhi 1:5

Jaejug hạbicʼ Isorakʼ ṭhonok baṛe hoyokʼtaema. Amen.

Romiko lạgitʼ Pạul Apostolakʼ ciṭhi 11:36

Ente jotowakʼge coṅ uni khon ar uni hotetege hijukʼkan ar sanamakʼ do uni lạgitʼ kangea. Uniyakʼge jaejug ṭhonok hoyokʼtae ma. Amen.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

Romiko lạgitʼ Pạul Apostolakʼ ciṭhi 16:27

Eken uni eskargeae Isor do, ar unige akelanicʼ do. Jisu Mạsi hotete jaejug hạbicʼ uniyakʼge ṭhonok hoyokʼtaema. Amen.

Johan 17:23

Metakʼme iń do onkore, ar am do ińre, jemon nonkate onko do mitʼko hoyokʼ. Onate dhạrtiren hoṛko baḍae daṛeakʼa, amge ińem kol akadińa ar cetʼleka ińem dulạṛedeń kan onkage onko hõm dulạṛetʼkoa.

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Mathae 21:31

Ado nukin bar hoṛ modre okoeṭakʼ do apatakʼ sana lekakin kạmikeda?” Unre sostor baḍaekoko roṛ ruạṛadea, “Pạhilicʼge,” Jisui metatʼkoa, “Sạrigeń metapekana, mạsul uṭhạuko ar kusmbikoge ape khon lahare Isorakʼ rajreko bolokʼkana,

Mathae 7:21

“Okoe ‘Probhu Isor, Probhu Isorko’ mitạńkan onko joto do serma rajre ohoko bolo daṛelena, menkhan okoe ińren serma Babawakʼ sana leka senokʼe monejoṅ, unigeye bolo daṛeakʼa.

Mathae 12:50

ente okoe sermare menae Babawakʼ mone lekako senokʼ, onkoge ińren boehań, miserań ar eṅgạń kanako.”

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

2Timothi 3:17

jemon Isorren hoṛ purạte lek leka hoykate bhage kạmi lạgitʼ sajakanicʼe hoydaṛeakʼ.

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.