Ibriko 13:20 - সান্তালী বাইবেল

²⁰ Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Santali Common Language New Testament

²⁰ Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Ibriko 13:20 Referans Kwoze

Johan 10:11

“Boge gupiyicʼ do ińge. Boge gupiyicʼ do acʼren bhiḍiko lạgitʼ acʼakʼ jiwiye alaetaea.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Sereńko 23:1

Probhu Isor kangeae ińren gukʼpiyicʼ, iń do ohogeń ṭonṭalena.

Romiko lạgitʼ Pạul Apostolakʼ ciṭhi 15:33

Sulukren Isor do ape sanamko sãoteye tahenma. Amen.

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

2 Thessalonikiko 3:16

Sulukren Probhu Isor do acʼge sanam okte jotowakʼre suluke dan ape ma. Probhu Isor do ape sanamko tulucʼe tahenma.

Johan 10:14

“Ińge boge gupiyicʼ. Baba do cetʼleka ińe baḍaeyediń onkage iń hõ Babań baḍaeyedea ar ińren bhiḍiko hõń baḍaeyetʼkoa ar onko hõ ińko baḍaeyediń kana. Iń do ińren bhiḍiko lạgitʼ ińakʼ jiwiyiń alayetʼtińạ.

Sakariạ 9:11

E Jerusalem, am lạgitʼ ińakʼ bondobos bạisạu reakʼ mãyãm iạte amren bondi akanko do ona rohoṛ khorloṅ khoniń chaḍaokoa.

Aposkạmi 2:24

Menkhan Isor do gujukʼ reakʼ bedon khon khalaskate uniye jiwetʼ beretʼkedea, ente uni sapʼ dohoye reakʼ ektiạri gujukʼakʼ do bạnukʼtaea.

Exodus 24:8

Noa katha ańjomkate Mose do hoṛko cetanre mãyãm chiṭiạukateye menkeda, “Noa do ona bondobos reakʼ mãyãm kana, one oka do Probhu Isor ape lạgitʼ noako katha lekageye niṭ dohoakatʼ.”

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Jesaea 63:11

Unre uniren hoṛ do mare din reakʼ katha, metakʼme Mose ar uniren hoṛko okte reakʼ kathako disạkeda. Onkoko menkeda, “Okoe do acʼren hoṛko ar onkoren mukhiyạko jalapuri talateye ạyur ạguletʼko, okoe do onko talare tahen lạgitʼ iạte acʼren sonot Jiue ematʼko tahẽkan uni do okare menaea?

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

1 Thessalonikikko 1:10

serma khon uniren Hoponakʼ hijukʼpe ńel hor akae tahen. Uni Hopongeye hoyokʼ kana Jisu Mạsi, one okoe do gocʼko khone jiwetʼ beretʼkede. Ar Isorakʼ oka sạjại pheḍ hijukʼkan ona sạjại khon uni Jisuge abo doe rukhiyạ bona.

Kolossiko lạgitʼ Pạul Apostolakʼ ciṭhi 2:12

Bạptisma hotete Mạsi tulucʼpe topa ocoakana; ona do baṅ, menkhan okoe gocʼko khon Mạsiye jiwetʼ beretʼkede uni Isorakʼ daṛere pạtiạu hotete ape hõ Mạsi tulucʼpe jiwetʼ beretʼ ocoakana.

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

1 Bõsbudạ 16:17

Uni do acʼakʼ bondobos Jakob ṭhen niạm lekate ar Israelko ṭhen do jaejug bondobos lekateye lại sodor akada.

1 Patras 5:4

Enḍekhan maraṅ gupiyicʼe ńel ocokʼre ape do jit reakʼ mala lekate uniyakʼ ṭhonokren bhạgiyạdarkope hoyokʼa, ar ona do tis hõ baṅ mosodokʼtapea.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạiyokʼ lek kanae!

Ibriko 9:20

Uni do ona onkae jokhecʼe menleda, “Noa do ona bondobos reakʼ mãyãm kana, one okaṭakʼ bondobos lekate kạmi lạgitʼ Isore hukumakawatʼpe.”

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu do purạ puri bin dusạn baṛe dohoytape.

Philipiko lạgitʼ Pạul apostolakʼ ciṭhi 4:9

Ape do iń ṭhen khon okaṭakʼpe cetʼakatʼ ar bhage mentepe ataṅ akatʼ ar ińre okaṭakʼpe ńelakatʼ, ar ińakʼ mocate okaṭakʼpe ańjomakatʼ, onkage kạmipe. Enḍekhan sulukren Isor do ape tulucʼe tahena.

Romiko lạgitʼ Pạul Apostolakʼ ciṭhi 8:11

Okoe do Jisu gocʼko khone jiwetʼ beretʼakade uni Isorren Jiu apeakʼ ontorreye girobas akan khan, enḍekhan Isor do acʼren uni Jiu hotete apeakʼ gujukʼakʼ hoṛmo hõe jiwetʼ ocoytapea.

Aposkạmi 5:30

Ape do okoeṭakʼ kaṭre akakatepe gocʼlede aboren hapṛamkoren Isor do uni Jisuge gocʼko khone jiwetʼ beretʼakadea.

Mathae 26:28

ente noa do bondobos reakʼ ińakʼ mãyãm kana, oka do ạḍi hoṛko ńutumte jorokʼkan kại ikạkʼ lạgitʼ.

Jeheskel 34:23

Onko cetanre mitʼṭen gukʼpiyicʼ, metakʼme ińren guti Dạudiń ojokʼ bahalea; uni acʼge onkoe ńel todarotkoa ar onkoren gukʼpiyicʼe hoyokʼa.

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

2 Samuel 23:5

Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

Ephesiko lạgitʼ Pạul Apostolakʼ ciṭhi 1:20

one okoe hotete uni do gocʼko khon Mạsiye jiwetʼ beretʼkede ar sermare acʼakʼ jojomsa aṛereye duṛupʼ akade.

Galathiko lạgitʼ Pạul Apostolakʼ ciṭhi 1:1

Iń Pạul do Mạsiren mitʼṭen apostol kạnạń. Noa apostol hudạ jãhãe manwa ṭhen khon se jãhãe manwa hotete do bạń ńamakada, bickom Jisu Mạsi ar Isor Baba, one okoe do Mạsi gocʼko khone jiwetʼ beretʼkede, uni hotetegeń ńamakada.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

2 Korinthiko 4:14

ente alele baḍaea, Probhu Jisu okoeye jiwetʼkede uni do Jisu sãote ale hõe jiwetʼ beretʼlea ar ape sãote ale hõ acʼ samaṅreye teṅgolea.

1 Korinthiko 15:15

Ona chaḍa noa kathage sạbudokʼ kana je, Isor reaṅ abo do eṛe goha bon emeda, ente aboakʼ goha do noage je, Isor do Mạsi gocʼko khone jiwetʼ beretʼ akadea. Menkhan gocʼkoakʼ jiwetʼ beredokʼ bạnukʼ khan uni do Mạsi hõ bae jiwetʼ beretʼ akadea,

1 Korinthiko 14:33

Isor do gulmalren Isor doe baṅkana, menkhan sulukren Isorge. Isorren hoṛko sanam manḍerkore cetʼ lekako tahenkan,

1 Korinthiko 6:14

Isor do acʼakʼ daṛete gocʼko khon Probhu Isore jiwetʼkedea ar abo hõe jiwetʼ beretʼ bona.

Aposkạmi 17:31

ente uni do nonkan mitʼṭecʼ dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Aposkạmi 13:30

Menkhan Isor do gocʼko khon uniye jiwetʼ beretʼkedea.

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Luk 22:20

Ado jom tayom onkage bạṭi hõ ataṅkateye metatʼkoa, “Ińakʼ mãyãm hotete Isorakʼ oka nãwã bondobos bahalokʼkan, ona bondobos reakʼ cinhạ do noa bạṭi kana. Ińakʼ noa mãyãm do apeko lạgitʼ emogokʼa.

Mark 14:24

Unre Jisui metatʼkoa, “Noa do ińakʼ mãyãm kana, one okaṭakʼ do ạḍi hoṛko lạgitʼ emogokʼkan. Manwako lạgitʼ Isorakʼ nãwã bondobos do ińakʼ mãyãm hotetege bahal tahena.

Jeheskel 37:24

“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.

Jesaea 61:8

Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

Romiko lạgitʼ Pạul Apostolakʼ ciṭhi 1:4

ar acʼren sonot Jiute uni do maraṅ daṛe salakʼ gocʼko khone jiwetʼ beretʼente Isorren Hopon menteye sodorlena.

Aposkạmi 4:10

Enḍekhan ape ar sanam Israelko noa katha baḍae dohokakʼpe je, Nasaretren Jisu Mạsi, okoe dope kuruslede ar okoe do gocʼko khon Isore jiwetʼ beretʼkede, uniyakʼ daṛetege nui hoṛ doe bogeyente ape samaṅreye teṅgo akana.

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

Romiko lạgitʼ Pạul Apostolakʼ ciṭhi 10:7

“Se alom mena, ‘patalte gocʼko ṭhen do okoeye pheḍokʼa?’ ” Metakʼme gocʼko khon Mạsi rakapʼ ạguiye lạgitʼ patalte do okoeye pheḍokʼa?