Ibriko 13:17 - সান্তালী বাইবেল

¹⁷ Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Santali Common Language New Testament

¹⁷ Aperen ạyurkoakʼ katha bataope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Ibriko 13:17 Referans Kwoze

1Timothi 5:17

Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

Ibriko 13:7

Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoype.

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

1 Korinthiko 16:16

Onate ape hõ nonkan hoṛko ṭhen gobolokʼ lạgitʼ iń nehõrape kana. Ar tinạkʼ do kạmireko gokʼṛokan, arko khaṭaokʼkan onko ṭhen hõ gobolokʼpe.

Philipiko lạgitʼ Pạul apostolakʼ ciṭhi 2:12

E ińren dulạṛiạ boehako, ape do jaogepe batao ạguakatʼa. Ar eken sãoreń tahẽkan oktere do baṅ, menkhan biseskaete ńit bạnuńre hõ botor ar thar tharaokʼ salakʼ apeakʼ kạmiko talate udugpe, kại khon bańcaope ńamakada mente.

Exodus 32:31

Mose do Probhu Isor ṭhen ruạṛ senkateye menkeda, “Hae, hae Probhu Isor! Noko hoṛ do ḍhergeko ghạṭ akada. Onko do ako lạgitʼ sonaren debotako benao akawana.

Philipiko lạgitʼ Pạul apostolakʼ ciṭhi 2:29

Ona iạte Probhu Isorren hoṛ lekate ạḍi rạskạ salakʼ ataṅ daramepe, ar nonkan hoṛ do manotkope.

Romiko lạgitʼ Pạul Apostolakʼ ciṭhi 14:12

Enḍekhan ńelokʼ kana, abo mimitʼ hoṛ do apnar reaṅ lekha jokha Isor emae hoyokʼ tabona.

2 Thessalonikiko 3:14

Noa ciṭhire olakʼ aleakʼ katha jãhãe bae batao khan, enḍekhan uni do ńel oromkaepe. Ar uni tulucʼ ape do gate hõ alope gatekʼa jemone lajaokʼ.

Ibriko 13:24

Aperen sanam ạyurko ar Isorren sanam hoṛko aboakʼ johar emakope. Itạliạ disạmren Isorren hoṛko do apeko joharape kana.

Jesaea 62:6

E Jerusalem, iń do amakʼ pạcri bhit cetanre pahradarkoń bahal akatʼkoa; onko do siń ar ńindạ hape akan do bako tahena. E pahradarko, tis hạbicʼ Probhu Isor do Jerusalem bae bạisạue ar dhạrtire sarhaoanicʼ mente bae teṅgo rakabe unhạbicʼ Probhu Isor do acʼakʼ gokʼakʼ reakʼ katha disạwaepe; alope jirạukʼa ar uni hõ alope jirạu ocoaea.

Philipiko lạgitʼ Pạul apostolakʼ ciṭhi 4:1

E boehako, iń do apeń dulạṛetʼpea ariń uihạretʼpea. Apege ińakʼ rạskạ do, ar apege ińakʼ jitạukʼ reakʼ mala do. E dulạṛiạko ape do Probhu Isorre teṅgo ṭak akae tahenpe.

Philipiko lạgitʼ Pạul apostolakʼ ciṭhi 3:18

Iń do aema dhaoiń lại akawatʼpea ar ńitokʼ hõ mẽtʼdakʼ joro joroteń lạiyape kana, nonkan aema hoṛ menakʼkoa one okoe do Mạsiyakʼ kurusren bạiri lekako colonetʼkan.

Jakob 4:7

Onate Isorakʼ gobolre tahenpe. Ar Soetan teṅgo daramepe, enḍekhan uni do ape ṭhen khone ńir pharakokʼa.

Philipiko lạgitʼ Pạul apostolakʼ ciṭhi 1:4

Ape lạgitʼ iń koejoṅre jao ghuṛi rạskạ salakʼ iń koejoṅ kana,

Luk 16:2

Unre kisạ̃ṛ do uni hoṛ hohowadeteye kulikedea, ‘am upạrte cetʼkoń ańjomeda? Onate kạmi reakʼ hisạb imạńme, ente maraṅ lonbonicʼ do ar bam tahẽdaṛeakʼa.’

Kạhtukko 5:13

Ińren gurukoakʼ katha bạń ańjomleda, ar ińko cetʼạdiń tahẽkankoakʼ katha bạń luturatʼ tahẽkana.

1 Samuel 8:19

Menkhan hoṛko do Samuelakʼ niạ katha bako moneyatʼtaea. Onkoko menkeda, “Baṅa, ale do mitʼṭen rajgele khojkana.

Genesis 16:9

Unre Probhu Isorren goḍete menkeda, “Amren kisạ̃ṛ era ṭhen ruạṛ calakʼme ar uni tabere tahenme.”

Philipiko lạgitʼ Pạul apostolakʼ ciṭhi 2:16

Ape do onko hoṛko jion reakʼ kathape neakokante noa dhạrtire ipil lekape jolokʼkana. Onate Mạsiyakʼ dinreń sarhao daṛeakʼa je, ińakʼ kurumuṭu ar mehnot do baṅ ạuṛiyakʼ akana.

Ephesiko lạgitʼ Pạul Apostolakʼ ciṭhi 5:21

Mạsiyakʼ dewa sewakore menakʼpete ape apere tabe akan tahenpe.

Jeheskel 33:2

“E manwa hopon, am jạtren hoṛko metakom, Probhu Isore meneda, ‘jãhã mitʼṭecʼ disạmre lạṛhạiyiń ạgui, ar ona disạmren hoṛko do akoren mitʼṭecʼ hoṛ bachaokate horhoyicʼko dohoye,