Ibriko 13:16 - সান্তালী বাইবেল

¹⁶ Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Santali Common Language New Testament

¹⁶ Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Ibriko 13:16 Referans Kwoze

2 Thessalonikiko 3:13

E boehako, bhageakʼ kạmi kạmite alope bhagaokʼa.

Romiko lạgitʼ Pạul Apostolakʼ ciṭhi 12:13

Isorren hoṛko reṅgejokʼ oktere goṛowakope. Ar peṛakʼ gun dohojoṅpe.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

1Timothi 6:18

Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

Ephesiko lạgitʼ Pạul Apostolakʼ ciṭhi 4:28

Kombṛoyicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

1 Thessalonikikko 5:15

Ńelpe, okoe hõ bạṛicʼ bodol bạṛicʼ do jãhãe aloe halawae ma. Ape do jaoge eṭakʼ sanamko lạgitʼ bhạlại reakʼ kurumuṭuipe.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Luk 18:22

Noa katha ańjomkate Jisu do uniye metadea, “Ńitokʼ hõ mitʼṭen kạmi dom sarecʼ akada. Amakʼ okaṭakʼ menakʼtam onako ạkhrińme ar reṅgecʼ orecʼko hạṭińakome, enḍekhan am do sermare dhonem ńama. Ar ona tayom do hecʼkate ińren cela hoyokʼme.”

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

3 Johan 1:11

Dulạṛiạ gateko, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńelakadea.

Galathiko lạgitʼ Pạul Apostolakʼ ciṭhi 6:6

Okoe Isorakʼ kathae cetʼ ocokʼkan uni do acʼren cecetʼicʼ do acʼakʼ sanam bhageakʼ reakʼe hạṭińae ma.

Philimon 1:6

Iń do noań koejoṅ kana, amakʼ biswạs khạtirte ar amakʼ dan hotete Mạsi jemone sarhaokʼ. Ona chaḍa Mạsi tulucʼ bon kolom mitʼ akante oka bhor bon ńam akatʼ ona purạtem bujhạu daṛeakʼte dan lạgitʼ kạmi jemon arhõ ḍherokʼtam.

Philipiko lạgitʼ Pạul apostolakʼ ciṭhi 4:14

Enhõ ape do ińakʼ duk sasetre bhạgiyạdarpe hoyakante ạḍipe bhage akada.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

Sereńko 51:19

Enḍekhan dhorom reakʼ dãṛẽkom bạsutakʼa, ar jeredokʼ samaṅakʼ ar goṭa jeredokʼ samaṅakʼkote; am dom rạskạkʼa, ar amakʼ pinḍ cetanre hoṛko do sanḍ ḍaṅgrako samaṅkoa.