Ibriko 12:9 - সান্তালী বাইবেল

⁹ Ona chaḍa bon ńelakada, dhạrtiren babako do aboko ḍanṭaoetʼbon tahẽkana ar abo do onko bon manotetʼko tahẽkana. Enḍekhan okoe do sanam jiukoren Baba kane unire gobol tahen do cetʼ artetʼge lek baṅkan tabona, jemon jion bon ńam?

Santali Common Language New Testament

⁹ Ona chaḍa bon ńelakada, dhạrtiren babako do aboko ḍanṭaoetʼbon tahẽkana ar abo do onko bon manotetʼkokan tahẽkana. Enḍekhan okoe do sanam jiukoren Baba kane unire gobol tahen do cetʼ artetʼge lek baṅkan tabona, jemon jion bon ńam?

Ibriko 12:9 Referans Kwoze

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

Johan 3:6

Manwa khon janam akanicʼ do manwage ar Jiu khon janam akanicʼ do Jiuge.

Jobakʼ 12:10

Uniyakʼ tirege sanam jiwiyankoakʼ jiwi do menakʼa; sanam manwakoakʼ sãhetʼ hõ uniyakʼ tirege menakʼa.

Sakariạ 12:1

Noa kangea Israel babotre Probhu Isorakʼ katha do. Probhu Isor, one okoe do sermae aṭetʼ akatʼ, okoe do dhạrti reakʼ rehetʼe bạisạu akatʼ, okoe do manwa bhitrire Jiue sirjạuakawade, uniye meneda,

Exodus 20:12

“Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.

Jesaea 38:16

E Probhu Isor, amakʼ katha ar kạmitege manwa do jiwetʼko tahenkana; niạko talarege ińakʼ jiu do jiwetʼ tahena. Ar ińakʼ hoṛmom ruạṛ kạtińte jiwetʼ iń tahena.

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

Jakob 4:7

Onate Isorakʼ gobolre tahenpe. Ar Soetan teṅgo daramepe, enḍekhan uni do ape ṭhen khone ńir pharakokʼa.

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Levitikus 19:3

Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Romiko lạgitʼ Pạul Apostolakʼ ciṭhi 9:5

Isorren maraṅ sekʼwako do onkoren hapṛamgeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼko cetanre menae; jaejug hạbicʼ uniyakʼge sarhao hoyokʼtae ma. Amen.

Kạhtukko 30:17

Okaṭakʼ mẽtʼ do apate ṭiṭkạriyede kan ar eṅgatakʼ katha bataore hirkhạ salakʼe baṅetʼ, ona mẽtʼ do gaḍa kạhuko ṭhoṭrao oḍoka, ar gidiren hopon do onako joma.

Dosar Biboron 27:16

‘Sarapangeae uni hoṛ do, okoe do eṅgat ar apate bemanotetʼkin.’ Unre sanam hoṛko mena, ‘Amen.’

Sosolhayic̕ 12:7

Hasa do hasarege ruạṛ calakʼa. Isor okoe jiue emakade uni jiu do acʼ ṭhengeye ruạṛ calakʼa.

Jakob 4:10

Probhu Isor samaṅre nindhạnokʼpe, enḍekhan unigeye tul rakapʼpea.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.

Romiko lạgitʼ Pạul Apostolakʼ ciṭhi 1:3

Ona bhage sombat do hoyokʼ kana acʼren Hopon reaṅge. Ar uni Hopon kangeae Jisu Mạsi, ar aboren Probhu Isor do. Hoṛmo secʼ lekate uni do Dạud bõsrene tahẽkana,

Aposkạmi 2:30

Uni do mitʼṭen nạbiye tahẽkana, are baḍaekan tahẽkana Isor do kiriạkate noae gokʼade tahẽkana je, uniyakʼ siṅghạsonre uni bõsrenge mitʼṭen hoṛe duṛubea.

Luk 18:2

Uni do Isor bae botoraekan tahẽkana ar hoṛko hõ bae moneyako kan tahẽkana.

Luk 18:4

Menkhan hạkim do thoṛa din hạbicʼ cetʼge bae cekawadea. Ado mucạtʼre mone moneteye menkeda, ‘iń do Isor bạń botoraekanre hõ ar manwako bạń moneyakokanre hõ,

Johan sodor 22:6

Tayomte uni serma goḍet doe metadińạ, “Noako katha do pạtiạr ar sạrigea. Probhu Isor, one okoe do nạbiko hoteteye roṛletʼ tahẽkan, uni do acʼren goḍete kol akadea, jemon thoṛa ghạṛicʼ khange okaṭakʼ hoy lạgidokʼkan, ona do acʼren golamkoe udukʼ daṛeako.”

Jesaea 45:10

Hae uni hoṛ, okoe do acʼren apate metae, ‘am do cele jonomen em akadea?’ Se acʼren eṅgate metae, ‘am do cetʼ iạtem bedonokʼ kana?’