Ibriko 12:7 - সান্তালী বাইবেল

⁷ Ape do noako kosṭo ḍanṭao lekatepe jomakada. Isor do ape tulucʼ apat lekageye beohareda. Nonkan hopon jãhãe menakʼkoa one okoe do acʼren apat bae ḍanṭaoedekan?

Santali Common Language New Testament

⁷ Ape do noako kosṭo ḍanṭao lekatepe jomakada. Isor do ape tulucʼ apat lekageye beohareda. Nonkan hopon jãhãe menakʼkoa one okoe do acʼren apat bae ḍanṭaoedekan?

Ibriko 12:7 Referans Kwoze

Kạhtukko 19:18

Amren gidrạ ḍanṭaoem, ente onare do as menakʼa; uniyakʼ gujukʼ do alogem khoja.

Dosar Biboron 8:5

Ar niạ katha apeakʼ ontorre baḍae dohokakʼpe, baba cetʼleka hopone ḍanṭaoe onkage aperen Probhu Isor hõ apeye ḍanṭaopea.

Kạhtukko 29:15

Pãeṛã ar nisṛạu do ạkile dana, menkhan okoeṭakʼ hopon do ḍanṭaore bạnui uni do eṅgattetʼe lajao ocoyea.

Kạhtukko 13:24

Okoe acʼren hopon bae ḍanṭaoede uni do acʼren hopon bae dulạṛ edekana, menkhan okoe uniye dulạṛ edekan uni do ḍanṭaoe secʼ hõe moneyakʼ kana.

Kạhtukko 29:17

Amren hopon ḍanṭaoeme, uni do sulukreye dohokama ar amakʼ jiwireye rạskạ ocomea.

2 Samuel 7:14

Iń do uniren apatiń hoyokʼa ar uni do ińren hopone hoyokʼa. Ar uniye behok lekhan eṭakʼ hoṛ cetʼleka sạjạiko ńam uni hõ onkageń sạjạiyea.

Kạhtukko 22:15

Gidrạ do sobhabtegeko bebujgea, menkhan ḍanṭao ṭheṅga do uni khon onae laga pharaka.

1 Rapajko 1:6

Uniren apattetʼ do tishõ uniyakʼ kạmire bae tạkicʼ daram akadea, se bae men akadea, “Cedakʼ nonka dom kạmikana?” Uni do Absalom leka ńelokʼte mońjgeye tahẽkana; ar Absalom bokottetʼe tahẽkana.

1 Samuel 3:13

Iń do uniń menakadea, bedhorom iạte uniren bõsko do jaejug hạbicʼ iń sạjạikoa. Eli doe baḍaekan tahẽkana, acʼren hoponkin do apnartege bohokʼre sạjạikin ạgu akawana, menkhan uni do sontorkin reakʼ bae kurumuṭuleda.

1 Samuel 2:34

“ ‘Amren banar hopon Hopni ar Pinehas do mitʼ dintege kin gujukʼa, ar onage hoyokʼa am lạgitʼ mitʼṭecʼ cinhạ.

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’

1 Korinthiko 11:32

Menkhan Probhu Isore bicạrbonre uni doe ḍanṭaoetʼ bona, jemon dhạrtiren sanamko sãote dusi mente alo bon ṭarhaokʼ.