Ibriko 12:27 - সান্তালী বাইবেল

²⁷ “Ar mitʼ dhao,” Noa banar kathate bujhạukʼ kana je, oka jinisko dal dalaokʼa, metakʼme oka sirjạu akan ona do pheraokʼa, jemon oka jinisko baṅ dal dalaokʼ onako do ṭarhao tahena.

Santali Common Language New Testament

²⁷ “Ar mitʼ dhao,” Noa banar kathate bujhạukʼ kana je, oka jinisko dal dalaokʼa, metakʼme oka sirjạu akan ona do pheraokʼa, jemon oka jinisko baṅ dal dalaokʼ onako do ṭarhao tahena.

Ibriko 12:27 Referans Kwoze

1 Korinthiko 7:31

okoe dhạrti reakʼakʼko laṛcaṛetʼkan, onko do purạpuri aloko laṛcaṛma; ente noa dhạrti reakʼ rup do pheraokʼ kana.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Johan sodor 21:1

Ona tayom iń do mitʼṭen nãwã serma ar mitʼṭen nãwã dhạrtiń ńelkeda. Pạhilakʼ serma ar pạhilakʼ dhạrti do parom calaoena ar jalapuri hõ ar baṅ tahẽlena.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Jeheskel 21:27

Dhaṅdhaser, dhaṅdhaser! Iń do noa jotogeń dhaṅdhasera! Ar sạriyakʼ reakʼ ạidạri okoeyakʼ menakʼtae uni ạuriye ruạṛ hijukʼ hạbicʼ noako do ar baṅ tahena. Iń do unige noakoń emaea.

Jesaea 34:4

Sermaren siń cando, ńindạ cando ar ipilko doko marao utạrokʼa ar serma do kagoc leka lạṭumokʼa. Cetʼleka darkha nạ̃ṛĩ ar loa jo dare khon rohoṛ sakamko ńurokʼ onkage sanam ipilkoko ńurokʼa.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jesaea 65:17

“Ńelpe, iń do nãwã serma ar nãwã dhạrtiń sirjạua. Lahateakʼ do baṅ disạkʼa. Ar monre hõ baṅ rakapʼa.

Jesaea 66:22

Probhu Isore meneda, “Oka nãwã serma ar nãwã dhạrtiń sirjạu ar cetʼleka iń samaṅre ona ṭikạu tahen onkage apeakʼ ńutum ar aperen bõsko hõko ṭikạu tahena.

Hagae 2:21

“Am do Jihudạren disạm cakʼlaoicʼ Serubabel metaeme, ‘iń do serma ar ot iń daldalao ocoya.

Romiko lạgitʼ Pạul Apostolakʼ ciṭhi 8:19

Isorren hoponko tinre ona ṭhonokteko sodorokʼa ona lạgitʼ sanam sirjon do gagocokʼ tulucʼe ńel horeda.

Romiko lạgitʼ Pạul Apostolakʼ ciṭhi 8:21

sirjon do acʼ hõ nosṭokʼ reakʼ tonol khone chaḍao ocokʼte Isorren hoponkoakʼ ṭhonok reakʼ sạdhintetʼ lạgitʼ bhạgiyạdare hoedaṛeakʼa.

Ibriko 1:10

Isor do arhõe menakada, “E Probhu Isor, am do etohopʼrege dhạrti reakʼ rehetʼem bạisạu akada; ar serma hõ amakʼ titegem benao akada.

Ibriko 9:11

Menkhan Mạsi do darakan joto bhageakʼren maraṅ naeke lekategeye hecʼlena. Uni do artetʼ bhage ar artetʼ mońj sewa tạmbure Isorakʼ sewa lạgitʼgeye hecʼlena. Noa tạmbu do manwa tite benaowakʼ do baṅkana, metakʼme ona do dhạrti reakʼ jãhãn jinis hõ baṅkana.

Ibriko 13:14

ente nonḍe do jaejug hạbicʼ jãhãn nagraha bạnukʼ tabona; menkhan okaṭakʼ nagraha daraekan ona lạgitʼ bon koyokʼ horakada.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Johan sodor 21:5

Okoe ona siṅghạsonre duṛupʼ akane tahẽkan uni doe menkeda, “Ńelme, iń do jotowakʼge nãwãteń benao aroyeda.” Uni do arhõe menkeda, “Noa katha olme, ente noa kathako do pạtiạr ar sạrigea.”