Ibriko 12:25 - সান্তালী বাইবেল

²⁵ Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Santali Common Language New Testament

²⁵ Men sontorokʼpe, okoe kathae roroṛkan uniakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniakʼ kathako phesṛaoletʼtaea ar rukhiyạ bako ńamleda, unre serma khon okoeye sontorakatʼ bon uniakʼ babon bataole khan cetʼtehõ rukhiyạ oho bon ńamlea.

Ibriko 12:25 Referans Kwoze

Ibriko 8:5

Naeke lekate onkoakʼ noa kạmi do serma kạmi reakʼ mitʼṭecʼ nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru cetanre okako nạmunań udukʼatʼme ṭhik onka lekage jotowakʼem benao.”

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Sakariạ 7:11

“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.

Kạhtukko 13:18

Okoe hoṛ ḍanṭao bae bạsutakʼkan uni do okulan ar lajaoreye paṛaokʼa, menkhan nisṛạue hetawakʼkan hoṛ doe manot ocokʼa.

Dosar Biboron 30:17

“Menkhan apeakʼ ontor uni khon ocogokʼtape ar uniyakʼ bape bataotae ar eṭakʼ debotako ṭhenpe ḍobog arpe sewawako,

Exodus 20:22

Probhu Isor do Moseye metadea, “Am do Israelko noa katham lạiyakoa, ‘iń Probhu Isor do serma khon ape sãote okań roṛketʼ ona do apnarakʼ mẽtʼtegepe ńelkeda.

Mathae 8:4

Ar Jisu do uniye metadea, “Men, okoe hõ alom lại baṛawakoa; bickom senkate naeke ṭhen ńel ocokʼme, ar Moseye hukum akatʼ leka dan samaṅme. Onate hoṛko ṭhenem sạbudokʼa am dom boge akana.”

Kạhtukko 8:33

Ińakʼ hukumko moneyakʼme, ar ạkilan hoyokʼme, ar alom posṛaya.

Kạhtukko 1:32

Lelha hoṛ do muhinteko calakʼge onkoakʼ gujukʼ reakʼ karon do hoyokʼa, bebujko do akoakʼ nicindokʼgeye ḍahao maraokoa;

Kạhtukko 1:24

Apeń hohowatʼpere ape do bape hetawatʼtińạ, ar tiyiń ạwilletʼre okoe hõ bape moneyada.

2 Bõsbudạ 7:19

“Menkhan ińakʼ hor khonpe pharakokʼ ar okako niạm ar hukumkoń emakawatʼpe onape bạgiyakʼte debotakope sewawako arpe ḍobokʼako,

1 Rapajko 12:16

Israelkoko ńelkeda raj do onkoakʼ katha bae ańjomeda unre onko do rajko metadea, “Dạud cetanre jãhãn dạbiteakʼ do bạnukʼtalea. Jisạiren hopon cetanre aleakʼ ạidạri hõ bạnukʼanaṅ. E Israelko Do apan ạpin oṛakʼte ruạṛ calakʼpe. E Dạud, ńitokʼ amakʼ gusṭi do amtege ńel joṅme.” Onate Israelko do apan ạpin oṛakʼteko ruạṛ calaoena.

Josuạ 22:16

“Probhu Isorakʼ manḍerren jotogeko meneda, ‘Israelren Isor upạrte cedakʼ nonka dope kạmikana? Cedakʼ teheń do Probhu Isorakʼ hor khonpe ghańjeṛ akana ar uni upạrte hulkate ape lạgitʼ pinḍpe benao akada?

Numeri 32:15

Ar uniyakʼ katha leka jodi bape calakʼ, enḍekhan niạ dhao hõ hahaṅkarre uni do noko hoṛkoe doho giḍikakoa, ar ape iạtege onkoakʼ maraokʼ do hoyokʼtakoa.”

Exodus 16:29

Ńelpe, ape lạgitʼ jirạukʼ mãhã reakʼ noa bondobos do Probhu Isorgeye dohoakada. Onate turui mãhã hilokʼ uni do bar din reakʼ jomakʼe jogao ape kana. Ar eae mãhã hilokʼ do okoe hõ oṛakʼ bahrete alope oḍokokʼa, bhitrirege tahenpe.”

2Timothi 4:4

Onko do Isorakʼ sạriyakʼtetʼ reaṅ ańjom baṅkate kạhniko kusiyakʼa.

1 Thessalonikikko 5:15

Ńelpe, okoe hõ bạṛicʼ bodol bạṛicʼ do jãhãe aloe halawae ma. Ape do jaoge eṭakʼ sanamko lạgitʼ bhạlại reakʼ kurumuṭuipe.

Aposkạmi 7:35

“Nui doe uni Mose kana one okoe do Israelkoko baṅlede, oneko menletʼ ‘okoe baṅ ạliń talare mukhiyạ ar bicạricʼe dohoakatʼme?’ Ar okoeṭakʼ serma goḍet ona jhạuạ talare Mose ṭhene ńel ocolen uni hotete Isor acʼge Israelkoren Mukhiyạ ar chaḍaoicʼ menkate Misorte Moseye kolledea.

Jeheskel 5:6

Menkhan onakoren do ińakʼ ạnko upạrte bebạṛicʼko ṭhok akada, boṅgan hoṛ jạtrenko khon bạ̃ṛtige dusṭạmiko kạmi akatʼte, ar ińakʼ ạriko upạrte beṛhaeteakʼ disạmkorenko khon bạ̃ṛtige; ente ińakʼ ạnkoko phesṛao giḍi akada ar ińakʼ ạrikore hõ bako taṛamakada.

Jirimiạ 11:10

Onko do onkoren hapṛamkoakʼ kại secʼgeko ruạṛ akana one okoe do ińakʼ katha ańjom bako rebenlen. Onko do debotako sewawako lạgitʼ onkoko pańjaketʼkoa. Onkoren hapṛamko lạgitʼ oka bondobosiń doholetʼ ona do Israel ar Jihudạren hoṛko bako manaoleda.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.

Jesaea 48:6

Ape do niạkope ańjomakada; ar noa sanamakʼ secʼpe koyokʼ horakada. Ape do cetʼ ona bape aṅgoca? Ńitokʼ khon iń do nãwã nãwãnakʼkoń ańjom ocopea oka do danaṅ reakʼakʼko kan.

Kạhtukko 15:32

Okoe hoṛ ḍanṭao bae bạsutakʼ kan uni do apnargeye nihạ̃tokʼa. Menkhan nisṛạu ańjomicʼ do bae hameṭ joṅa.

Ibriko 3:17

Okoe upạrte Isor do pongel bochor hạbicʼe ạṛislena? Onko do cetʼ noko hoṛ doko baṅkana one okoe doko kại akatʼ tahẽkan, ar okoe do hahaṅkarre mạ̃ṛĩ tahẽkantako?

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Johan sodor 22:9

Menkhan uni doe metadińạ, “Men, alo; iń do am ar amren biswạsi boehako, metakʼme nạbiko ar okoe do noa puthi reakʼ sanamakʼ kathako manaoetʼkan onkoren são golam kạnạń. Isorge baṛe sewawae me.”

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Dosar Biboron 4:36

Uni do acʼakʼ ḍanṭao tabere ạgupe lạgitʼ serma khon acʼakʼ aṛaṅe ańjom ocoletʼpea ar ape do dhạrtire uniyakʼ ṭhonok reakʼ seṅgel, ar ona seṅgel tala khon uniyakʼ aṛaṅpe ańjomleda.

Dosar Biboron 18:19

Uni nạbi do ińakʼ ńutumte oka kathae lại ar jãhãege ona katha bae ańjom, enḍekhan ińge uni hoṛ do dạyireń paṛao ocoyea.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Ibriko 12:19

Okoe ona kathako ańjomletʼ tahẽkan onko do nehõrkateko menleda jemon onko ṭhen ar cetʼge alo roṛogokʼ,

Josuạ 22:15

Onko do Gileadre Ruben ar Gad gusṭiren hoṛko ar Manase gusṭiren adha hoṛko ṭhen senkateko menkeda,