Ibriko 11:4 - সান্তালী বাইবেল

⁴ Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniyakʼ dãṛẽ aṅgockate uni reaṅ noa gohae emleda je, uni doe dhoromgea mente. Habele gocʼ akanre hõ enhõ uniyakʼ biswạs hotetege uni do ńit hõ kathae roṛeda.

Santali Common Language New Testament

⁴ Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniakʼ dãṛẽ aṅgockate uni reaṅ noa gohae emleda je, uni doe dhoromgea mente. Abele gocʼakanre hõ enhõ uniakʼ biswạs hotetege uni do ńit hõ kathae roṛeda.

Ibriko 11:4 Referans Kwoze

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

Mathae 23:35

Onate Habel reakʼ mãyãm khon Borkhiạren hopon Sakariạ reakʼ mãyãm hạbicʼ one sonot jaega ar pinḍ talarepe khũnlede, uni Sakariạ khũn hạbicʼ dhạrtiren tinạkʼ bin dusạnkoko khũn ocoakan onko sanamkoakʼ mãyãm reakʼ dạyikpe hoyokʼa.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Ibriko 9:22

Moseyakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.

Genesis 4:15

Unre Probhu Isor do uniye metadea, “Enḍekhan, okoe ame khũnme uni cetanre iń do eae doboṛiń hala ruạṛa.” Noa menkate Probhu Isor do Kain lạgitʼ nonkan mitʼṭecʼ cinhại bondoboskeda jemon jãhãege samaṅre ńamkate hõ aloko goje.

Genesis 4:8

Mitʼ din ṭạnḍirekin tahẽkanre Kain do Habel sãote kathae roroṛkan tahẽkanre uni do acʼren boeha Habel cetanre tiye tulketʼte uniye gocʼkedea.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

Luk 11:51

Hẽ, sạrigeń metapekana, Habel reakʼ mãyãm khon ehopʼkate Sakariạ hạbicʼ, one okoe do pinḍ ar sonot jaegareye gocʼ ocolen uni Sakariạ khũn hạbicʼ sanamkoakʼ mãyãm reakʼ dạyi do niạ piṛhiren hoṛgeko hoyokʼa.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

1 Rapajko 18:38

Unre coṭ khon Probhu Isorakʼ seṅgel do pheḍ hecʼente samaṅakʼ jelko, sahanko, dhiriko ar hasakoe jomkeda ar nala reakʼ dakʼ hõe jal ańjetʼkeda.

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

Genesis 4:25

Tayomte Adam do arhõ acʼren bạhu tulucʼe giticʼmitʼena ar Hawa do ar mitʼṭen koṛa hopone janamkedea. Ar uniyakʼ ńutum do Sethe dohoketʼtaea. Hawae menkeda, “Kain do Habele khũnkedete Isor do Habel bodolte armitʼṭen hopone emadińa.”

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Ibriko 5:1

Hoṛko secʼ khon Isorakʼ dewa sewae lạgitʼ mimitʼ maraṅ naekeko do manwako tala khon bachaokateye bahalokʼ kana, jemon manwakoakʼ kại iạte janware dãṛẽye ar eṭakʼ danko hõe samaṅ daṛeakʼ.

Ibriko 11:2

Biswạs iạtege aboren hapṛamko do Isorakʼ sarhaoko ńamleda.

2 Patras 2:8

Uni Isor bhokti hoṛ do onko talare tahẽkate dinke din onkoakʼ kạmiye ńeletʼkan tahẽkana ar onkoakʼ kathae ańjometʼ tahẽkana, ar ạn-ạri upạrte onkoakʼ kạmi ńelte acʼakʼ dhorom jiwire ạḍi duke ńametʼ tahẽkana.

Jobakʼ 8:10

Onko ṭhen khon am do cecetʼakʼ ar solham ńama; ar onko okako baḍae onageko lạiyama.