Ibriko 11:38 - সান্তালী বাইবেল

³⁸ Onko do hahaṅkarkore, burukore, danderkore ar khorloṅkoreko ńir oko baṛaekan tahẽkana. Noko hoṛko jaega emako reakʼ lek noa dhạrti reakʼ do baṅ tahẽkana.

Santali Common Language New Testament

³⁸ Onko do hahaṅkarkore, burukore, danderkore ar khorloṅkoreko ńir oko baṛaekan tahẽkana. Noko hoṛko jaega emako reakʼ lek noa dhạrti reakʼ do baṅ tahẽkana.

Ibriko 11:38 Referans Kwoze

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

1 Rapajko 19:9

Ar onḍe mitʼṭecʼ danderreye giticʼ aṅgayena. Onḍe Probhu Isor do Eliạ ṭhen seṭerenteye kulikedea, “E Eliạ, nonḍe do cetʼem ceka kana?”

1 Samuel 22:1

Dạud do Gat khone dạṛketʼte Adulam ṭhenakʼ mitʼṭecʼ danderreye okoyena. Ona katha ańjomkate uniren dadattetʼtako ar uni apatakʼ bõsren hoṛ do uni ṭhenko calaoena.

Jesaea 57:1

Dhorom hoṛko maraokʼkan ona secʼ do okoehõ bako moneyakʼ kana. Isor bhokto hoṛ doko idi ocokʼ kana, menkhan okoege bako bujhạu daṛeakʼ kana, bạṛicʼ hoṛkoakʼ ti khon rukhiyạ ńam lạgitʼge onko doko idi ocokʼ kana mente.

1 Rapajko 18:13

Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

1 Rapajko 17:3

“Niạ jaega bạgikate am do purub secʼ calakʼme ar jordan purub reakʼ Kirit soḍokʼ ṭhen oko hataṛkokʼme.

1 Samuel 26:1

Siphren hoṛ do Gibeate Sạul ṭhen senkateko metadea, “Jesimon purub secʼre menakʼ Hakila burure Dạud doe oko akana.”

1 Samuel 23:23

Uniyakʼ joto okokʼ reakʼ ṭhạ̃i ciyạ ạguiytaepe. Ar ona tayom khạṭi khoborantepe ruạṛ hecʼlenre iń do ape sãoteń senokʼa. Ar disạm talareye tahen enḍekhan uni do Jihudạren sanam bõsko tala khoniń sendra oḍokea.”

1 Samuel 23:19

Siph atoren hoṛ do Gibeate Sạul ṭhen senkateko menkeda, “Dạud do ale talaregeye okoakana. Uni do Hores ṭhenakʼ Jesimonakʼ dạkhinre Hakila buru reakʼ gaṛ lekan ṭhạ̃ikoreye tahenkana.

1 Samuel 23:15

Siph hahaṅkar reakʼ Horesre tahen jokhecʼ Dạud doe ańjomkeda, Sạul do Dạud goje lạgitʼe oḍok hecʼakana.

Bikʼcạrko 6:2

Israelko cetanre Midiạnrenkoakʼ santao do nunạkʼ ḍher idiyena je, Israelko do buru reakʼ paṛakʼre, danderre ar buru cetan reakʼ gaṛkore asrayokʼko ehopʼena.

Jirimiạ 41:9

Gedaliạ ar eṭakʼko gocʼkate okaṭakʼ kuńre onkoakʼ mạ̃ṛĩye giḍiletʼtako ona do Israelren raj Bakʼasawakʼ ti khon rukhiyạ ńam lạgitʼ Asa raj do onae benaoan tahẽkana. Ar Ismael do mạ̃ṛĩkote onae giḍi dhapaokada.