Ibriko 11:37 - সান্তালী বাইবেল

³⁷ Dhiriteko tiń ocoyena, ạriteko getʼ paṛakʼ ocoyena ar tarwaṛeteko gocʼ ocoyena. Onko doko santao ocolena ar bạṛicʼko beohar ocolena, ar akoṭreko paṛaoen khan bhiḍi ar meromakʼ harta horokʼkateko ạcur baṛaekan tahẽkana.

Santali Common Language New Testament

³⁷ Dhiriteko tiń ocoyena, ạriteko getʼ paṛakʼ ocoyena ar tarwaṛeteko gocʼ ocoyena. Onko doko santao ocolena ar bạṛicʼko beohar ocolena, ar akoṭreko paṛaoen khan bhiḍi ar meromakʼ harta horokʼkateko ạcur baṛaekan tahẽkana.

Ibriko 11:37 Referans Kwoze

2 Bõsbudạ 24:21

Menkhan hoṛko do Sakariạ upạrteko soṛojontrokeda ar rajakʼ hukumte Probhu Isorakʼ baker racare dhiriteko tiń gocʼkedea.

Jirimiạ 26:23

Onko do Misor khon Uriạko hoho ạgukedete Jehoyakim raj ṭhenko idikedea; ar raj do tarwaṛete uniye gocʼkedea ar hoṛkoakʼ topa ṭhen uniyakʼ mạ̃ṛĩye giḍikatʼtaea.

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

2 Rapajko 1:8

Onkoko roṛ ruạṛadea, “Uniyakʼ hoṛmo do upʼte perecʼ ar ḍanḍare do harta reakʼ totolakʼ menakʼtaea.” Raje menkeda, “Uni do Tisberen Eliạ kanae.”

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

2 Korinthiko 12:10

Onate Mạsi iạte nijorakʼkore, bemanot ocokʼre, kucit ocokʼre, santao ar khed ocokʼre ar joṅjalkore iń doń rạskạkʼ kana, ente tinreń nijorokʼa, unrege daṛeanakʼiń hoyokʼa.

Aposkạmi 14:19

Ado Antiokiạ ar Ikonium khon adom Jihudiko hecʼkate Pạul ar Barnabas upạrte hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Mathae 21:35

Ar onko cacasko do uniren gutikoko sapʼketʼkote mitʼ doko dal urkedea, mitʼ doko gocʼkedea ar mitʼ do dhiriteko tińkedea.

Mathae 8:20

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hopon do bohokʼ dohoytae lạgitʼ jaega hõ bạnukʼtaea.”

Mathae 3:4

Johan do ũṭ upʼ reakʼ aṅgrop ar ḍanḍare harta reakʼ paṭheakʼ tahẽkantaea. Uni do pohoko ar bir dumur rasae jometʼkan tahẽkana.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

1 Rapajko 21:10

Ar uni samaṅ reakʼ duṛupʼakʼ ṭhạ̃ire do barea bạṛicʼ hoṛpe duṛupʼkinạ. Unkin do niạ mente uni upạrte gohakin emma, uni do Isor ar raj upạrte bemanotakʼ kathae roṛ akada mente. Ar ona tayom onḍe khonpe or oḍokea ar dhiritepe tiń gojeya.”

1 Rapajko 19:14

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhoktiye ńam onate iń do ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Eken iń eskarge sarecʼ minạńa ar ńitokʼ do iń hõ gojeń reakʼko kurumuṭu kana.”

1 Rapajko 19:1

Eliạ okakoe cekaketʼ ar cetʼleka nạbikoe gocʼketʼko Ahab do ona sanamakʼ Isebele lạiyadea.

1 Rapajko 18:13

Isebel do tinre Probhu Isorren nạbikoe gocʼ giḍiyetʼko tahẽkana unre ińiń ceka akatʼ reakʼ do cetʼ ińren mạlik bae ańjomakada? Probhu Isorren nạbiko modren mitʼsae hoṛ do mõṛẽgel mõṛẽgelkate barea danderreń oko doholetʼkoa ar onkoakʼ jomakʼ ar dakʼ hõń bebosta akokan tahẽkan.

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

2 Samuel 12:31

Uni do nagraharen hoṛkoe oḍok idiketʼkoa ar ạri, mẽṛhẽtʼ, kuḍi ar ṭeṅgocʼkoteye kạmi ocoketʼkoa. Uni do iṭạ bhaṭare kạmireye lagaoketʼkoa. Amonrenkoakʼ sanam nagrahare uni do onkageye kạmi ocokeda. Inạ tayom Dạud do acʼren lạṛhại phạdkoante Jerusalemteye ruạṛ hecʼena.

1 Rapajko 19:13

Ar Eliạ do ona ańjomkate acʼakʼ oyonakʼte mẽtʼãhãe betʼketʼtaea ar bahrete senkate dander reakʼ moca ṭhene teṅgoyena. Ona tayom uni do niạ kathae ańjomkeda, “E Eliạ, nonḍe do cetʼem ceka kana?”

1 Rapajko 19:19

Tayomte Eliạ do onḍe khone oḍok calaoente Saphatren hopon Elisa sãoteye ńapamena. Uni do gelbar joṛa ḍaṅgrawante jumiye cacas kan tahẽkana ar uni do siyokʼ jokhecʼ tayom utạrakʼ nahelreye tahẽkana. Ar Eliạ do uni ṭhen senkate acʼakʼ oyonakʼ bocʼkate uniye lade oṭoadea.

2 Rapajko 2:8

Eliạ do acʼakʼ hoṛmo reakʼ oyonakʼe lạṭumkeda ar onate jordan gaḍa dakʼe dalkeda. Onate dakʼ do bar hạṭińena ar unkin do rukhạṛge kin paromena.

2 Rapajko 2:13

Ona tayom Eliạwakʼ hoṛmo khon ńurakʼ oyonakʼe halaṅketʼte jordan gaḍa aṛereye teṅgoyena.

1 Bõsbudạ 20:3

Uni do nagraharen hoṛkoe oḍok ạguketʼkoa ar koratte, khontate ar ṭeṅgocʼteye makʼ paṛakʼketʼkoa. Uni do Amonrenkoakʼ joto nagrahako hõe onkakeda. Inạ tayom Dạud do acʼren sanam lạṛhại phạdante Jerusalemteye ruạṛ calaoena.

Sakariạ 13:4

“Enhilokʼ mimitʼ nạbiko do uniyakʼ dorson reaṅko lajao ocokʼa. Ekʼṛe nạbiko leka upʼ reakʼ kicricʼ uni do bae horoga.

Ibriko 11:25

Uni do thoṛa din lạgitʼ kại reakʼ rạskạ bạgikate Isorren hoṛko sãote duk jojomgeye bachaoana.

Ibriko 13:3

Okoe hajotre menakʼko onko sãote ape hõpe kạidi oco akana, ar khed ocokʼkanko sãote ape hõpe khed ocokʼkana mente hudiskate onkoakʼ katha disạipe.