Ibriko 11:36 - সান্তালী বাইবেল

³⁶ Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

Santali Common Language New Testament

³⁶ Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

Ibriko 11:36 Referans Kwoze

Jirimiạ 20:2

Uni do Jirimiạ nạbiye dalkedete Probhu Isorakʼ oṛakʼ sor reakʼ cetan ṭhạ̃ire Benjamin phaṭok duạr ṭhen haṛi paṭakateye dohokadea.

Genesis 39:20

Unre Poṭiphor do hajotre Josephe bhoraokadea one oka ṭhạ̃ire raj bondiko dohoyetʼko tahẽkan. Menkhan Probhu Isor do hajotre hõ Joseph sãoteye tahẽkana. Uni do Probhu Isorre pạtiạugeye tahẽyena ar Probhu Isor do uniye dayawadete hajot khanaren sordarakʼ nońjorreye paṛao ocokedea.

2 Bõsbudạ 30:10

Khobor akʼsenko do Ephrayim ar Manase reakʼ sanam ato ar nagrahako ar Sebulon hạbicʼko senena, menkhan onḍenko hoṛ do onkoko landa-dhutʼatʼkoa.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Mathae 23:34

Ona iạte iń do nạbiko, ạkilanko, ar sostor baḍaeko ape ṭheniń koletʼkoa. Ar ape do onko modren adomko dope gocʼkoa ar adomko dope kuruskoa. Ar adomko do apeakʼ sunạgogkorepe cạbuktepe dalkoa ar mitʼ nagraha khon eṭakʼ nagrahatepe laga baṛakoa.

Jirimiạ 20:7

E Probhu Isor, am dom bulạu kedeńte ińakʼ nonka dosa do hoyakantińạ; ar iń khonem daṛegete am dom jitạu akana. Iń do goṭa dinge landa-dhutʼạń kan hoṛgeń hoyakana; ar sanam hoṛge ińko siṛogạń kana.

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

2Timothi 1:16

Onesiphoros gharońjrenko Probhu Isore mãyãwakoma; uni do ạḍi dhaogeye cerṭha ocoakadińa, ar ińakʼ hajot iạte bae lajaolena.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Aposkạmi 24:27

Ado bar bochor paromen khan Pheliks bodol Porkius Phestuse bahalena. Ar Pheliks do Jihudiko kusi ocoko lạgitʼ Pạul do hajotregeye doho oṭokadea.

Aposkạmi 21:33

Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

Aposkạmi 8:3

Menkhan Sạul do onako manḍer marao lạgitʼ oṛakʼ oṛakʼ bolokate manḍerren herel ar maejiuko or totʼkate hajotre bhoraokoe ehopʼena.

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

Aposkạmi 5:18

Onko do apostolko sapʼkate hajotreko bhoraoketʼkoa.

Aposkạmi 4:3

Onko do Patras ar Johanko sapʼketʼkinạ ar ạyupʼ akan tahẽkante dosar hilokʼ hạbicʼ hajotreko dohokatʼkinạ.

Luk 23:36

Ar Palṭonko hõ uni siṛogaeko ehopʼena. Onko do Jisu sirkạ ńũ ocoye lạgitʼko idiyadea arko metadea,

Luk 23:11

Unre Herod do Jisui henostakedea are siṛogadea, ar uniren sipạhiko hõko onkawadea. Ona tayom uni do ṭhosok kicricʼe horokʼadete Pilạt ṭhene kol ruạṛkadea.

Luk 18:32

Uni do boṅgan hoṛkoakʼ tireko soprotea. Ar hoṛko do uniko siṛogaea arko bemanotea arko thoaea.

Mark 10:34

Ar boṅgan hoṛ jạtrenko do uniko nisṛạuea ar hoṛmoreko thoaea ar cạbuk baṛakateko gojea. Ar pe mãhã hilokʼre uni do arhõe jiwetʼ beredokʼa.”

Mathae 27:26

Unre Pilạt do Barabbageye aṛakʼatʼkoa, menkhan Jisu do cạbuk baṛakate kuruskae lạgitʼe soprotkedea.

Mathae 21:35

Ar onko cacasko do uniren gutikoko sapʼketʼkote mitʼ doko dal urkedea, mitʼ doko gocʼkedea ar mitʼ do dhiriteko tińkedea.

Mathae 20:19

onko doko bicạrea ar gujukʼ lek kanae menteko dusi ṭarhaoea. Arko siṛogaea, arko cạbukea ar kuruskae lạgitʼ boṅgan hoṛ jạtrenkoakʼ tireko soprotea; ar pe mãhã hilokʼre uni do gocʼko khone jiwetʼ beredokʼa.”

Jirimiạ 38:28

Babelrenko do tinạkʼ din Jerusalemko dokholakatʼ tahẽkan unạkʼ din Jirimiạ do pahradarkoakʼ ona racaregeye tahẽyena.

Jirimiạ 36:6

Onate am do mitʼṭecʼ upạs dinre Probhu Isorakʼ oṛakʼte bolokate noa puthire olakʼ Probhu Isorakʼ katha hoṛkom paṛhao ańjomakoa one oka do ińakʼ moca khonem ańjomakatʼ. Ar Jihudạren hoṛko okoe do akoakʼ nagraha khonko hijukʼ onko sanamko hõ onam paṛhao ańjomakoa.

Jirimiạ 29:26

Am do Sephaniạm ol akawadea, ‘Probhu Isor do Jehoyada naeke bodolte amge naeke menteye ojokʼ bahal akatʼmea jemon Probhu Isorakʼ oṛakʼ reakʼ bhar am cetanre tahen. Jãhãe lelha hoṛ nạbi lekae kạmi khan uni dom hạṛi paṭayea ar hoṭokʼre mẽṛhẽtʼ sikṛitem tolea.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

2 Rapajko 2:23

Elisae do onḍe khon Bethelteye senena. Ar horte calakʼ jokhecʼ ạḍi utạr huḍiń koṛako do nagraha khonko oḍokʼ hecʼente uni siṛogadeteko metadea, “E ceḍe, ceḍe bohokʼ, ma rakapʼ calakʼme.”

1 Rapajko 22:27

Arpe metakinạ raje men akada nui hoṛ do jemon hajotreye doho ocokʼ ar nirạite raj ạuriye ruạṛ hijukʼ hạbicʼ thoṛa dakʼ ar thoṛa piṭhạ chaḍa ar cetʼge jemon alo kin emae.”

1 Rapajko 22:24

Unre Kenanren hopon Sedekiạ do sen sorente johare Mikại thapakedeteye metadea, “Probhu Isorren jiu am tulucʼ katha roṛ lạgitʼ iń ṭhen khon oḍok kate oka horteye senlena?”

Bikʼcạrko 16:25

Ona tayom onko do rạskạkʼko ehopʼena ar ãṭ aṛaṅteko menkeda, “Samson doe oḍok ocokʼma; ale do uniyakʼ kheloḍle ńeltaea.” Onate onko do hajot khana khon Samsonko oḍok ạgukedea ar Samson do kheloḍ udukʼakoe ehopʼena. Onko do barea khunṭi talare Samsonko teṅgokedea.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

Jirimiạ 32:8

Unre Probhu Isorakʼ katha leka iń kakaren hopon Hanamel do pahradarkoakʼ racare iń ṭhen hecʼkateye metadińạ, ‘Benjamin ṭoṭhako reakʼ Anathotre ińakʼ oka jumi menakʼ ona do amge hataome. Ona chaḍao ar dokhol reakʼ hok ạidạri do amakʼ kangea onate amge ona do kirińme.’ “Ińiń baḍaekan tahẽkana noa do Probhu Isorakʼ katha kana:

Jirimiạ 39:15

Jirimiạ do pahradarkoakʼ racare tinre bondi akane tahẽkana unre Probhu Isorakʼ katha do uni ṭhen hecʼena,

2 Bõsbudạ 18:26

Unkinpe metakinạ raje men akada nui do jemon hajotreye doho ocokʼ ar nirạite raj ạuriye ruạṛ hijukʼ hạbicʼ uni do thoṛa dakʼ ar thoṛa piṭhạ chaḍa ar cetʼge alope emaya.”

Daniel 11:33

“Onko hoṛko modre okoekoakʼ bujhạu reakʼ daṛe menakʼtako onko do ḍher hoṛko cetʼakoa, enhõ thoṛa okte hạbicʼ onko talare ḍherkoge tarwaṛe ar seṅgel lepʼ, kạidạu ocokʼ ar luṭ ocokʼteko gurokʼa.