Ibriko 11:34 - সান্তালী বাইবেল

³⁴ ar jolokʼ seṅgel reakʼ daṛeko nimbhạuleda, tarwaṛe khonko rukhiyạlena, nijor khonko daṛe ocolena, lạṛhạire daṛeko udukʼleda ar bidisiạ palṭonkoko laga ńirletʼkoa.

Santali Common Language New Testament

³⁴ ar jolokʼ seṅgel reakʼ daṛeko nimbhạuleda, tarwaṛe khonko rukhiyạlena, nijor khonko daṛe ocolena, lạṛhạire daṛeko udukʼleda ar bidisiạ palṭonkoko laga ńirletʼkoa.

Ibriko 11:34 Referans Kwoze

Bikʼcạrko 15:8

Niạ menkate ạḍi bạṛicʼe hạnketʼkoa ar ḍher hoṛgeye gocʼketʼkoa. Ona tayom uni do senkate Etam reakʼ huṭupʼ dhiri ciritʼreye tahẽyena.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Sereńko 144:10

Am do rapajkom jitạu ocoyetʼkoa; amren golam Dạud hõ tarwaṛe reakʼ ti khonem rukhiyạedekana.

2 Rapajko 6:32

Elisae do unre acʼakʼ oṛakʼreye duṛupʼ akan tahẽkana ar uni sãote murubbikoko tahẽkana. Raj do mitʼṭen hoṛ Elisae ṭhene kolkadea, menkhan uni hoṛ onḍe ạuriye seṭerokʼrege Elisae do murubbikoe metatʼkoa, “Ape do cetʼ uni khuniạhi do bape ńele kana okoe do ińakʼ bohokʼ makʼ ńur tiń lạgitʼ mitʼ hoṛe kolekana? Ńelpe, uni hoṛe hecʼlen khan duạrpe sińa ar alogepe jhicʼaea. Ar uni tayomte do uniren mạlikakʼ sabadge cetʼ baṅ ańjomokʼ kana?”

1 Rapajko 19:3

Noa iạte Eliạ do botor caṛhaoadete jiwi bańcaotae lạgitʼe dạṛkeda. Uni do Jihudạ ṭoṭha reakʼ Ber-sebate seṭerkate acʼren guti do onḍegeye bạgi oṭowadea,

1 Patras 4:12

E gateko, ńitokʼ do biḍạu seṅgel talate calakʼ hoyokʼ kantapete hahaṛakʼ tulucʼ alope hudisa je, apere ạnạṛi jãhãnakʼ hoyokʼkana mente.

Jirimiạ 26:24

Menkhan Saphanren hopon Ahikam do Jirimiại goṛowadea, onate Jirimiạ goje lạgitʼ hoṛkoakʼ tire bae soprotledea.

Sereńko 66:12

Am do aleakʼ bohokʼ cetante sadomre decʼkate hoṛkom sen ocoakatʼkoa. Seṅgel ar dakʼ talate ale dole hecʼakana, menkhan am do ạsirbad hotetege.

Sereńko 6:8

E bạṛicʼ kạmiyetʼkan hoṛko, ape sanamkoge iń ṭhen khon men ńirjoṅpe, ente Probhu Isor do ińakʼ rakʼe ańjom akatʼtińạ.

Jobakʼ 42:10

Job do acʼren gateko lạgitʼe koeketʼ khan Probhu Isor do Jobakʼ dhon dhuribe ruạṛkatʼtaea ar lahateakʼ khon bar dobṛae emadea.

Jobakʼ 5:20

Akalre uni do gujukʼ khone rukhiyạmea, ar lạṛhạire tarwaṛe reakʼ ghạl khone bańcaomea.

1 Samuel 20:1

Ona tayom Dạud do Rama reakʼ Nayot khone dạṛketʼte Jonathan ṭhene senena ar uniye kulikedea, “Ạliń do cetʼ liń ceka akada? Ar ạlińakʼ dos baṅ cetʼkan? Abenren baba upạrte cetʼ liń kại akatʼte, uni do gocʼ liń lạgitʼe kurumuṭu kana?”

Exodus 18:4

Ar eṭakʼicʼ hopon do Eliasere ńutumledea (metakʼme “Isorge ińren gokʼṛoyicʼ ”) ente uniye menleda, “Iń babaren Isorgeye goṛo akawạdińạ. Ar unige lạṛhạire Pharaoakʼ ti khone bańcao akadińạ.”

1 Samuel 18:11

Uni do mone moneteye menkeda, “Dạud do bhitreń sobokʼ jaladea.” Ar niạ menkate borlome sohoradea, menkhan Dạud do bar dom uni samaṅ khone aḍena.

1 Samuel 19:10

Unre uni do borlomte Dạud bhitre sobokʼ jalade reakʼe kurumuṭukeda, menkhan Dạud do uni samaṅ khone ocokʼente borlom do bhitre bitʼena. Ar enhilokʼ ńindạ Dạud doe dạṛketʼte rukhiyại ńamkeda.

1 Rapajko 19:1

Eliạ okakoe cekaketʼ ar cetʼleka nạbikoe gocʼketʼko Ahab do ona sanamakʼ Isebele lạiyadea.

2 Rapajko 6:1

Mitʼdin cela-nạbiko do Elisaeko metadea, “Ńelme, oka jaegare am sãote duṛupʼkatele galmarao ona jaega abo lạgitʼ do huḍińgea.

Sereńko 124:7

Aboakʼ jiwi do cẽṛe leka paskaoena jhạkʼlikoakʼ pạsi khon; pạsi topakʼena ar abo do rukhiyạ bon ńamkeda.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.