Biblia Todo Logo
Bib sou entènèt

- Piblisite -




Ibriko 11:32 - সান্তালী বাইবেল

32 Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

Gade chapit la Kopi

Santali Common Language New Testament

32 Noa khon bạ̃ṛti do ar cetʼ iń lạiya? Gideon, Barak, Samson, Jeptha, Dạud, Sạmuel ar nạbikoakʼ katha galmarao lạgitʼ ińakʼ somoe do bạnukʼa.

Gade chapit la Kopi




Ibriko 11:32
38 Referans Kwoze  

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”


Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.


Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.


Jisu do arhõ ạḍi utạrakʼkoe kạmileda. Onako mitʼ mitʼte ollen khan nunạkʼ puthiko hoykokʼa je, ińakʼ bujre noa dhạrtire ohoge sahopʼlena.


ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.


Enḍekhan cetʼbon mena, ạn do bạṛicʼgea? Khạṭige baṅa; bickom noa katha do ṭhikgea je, ạnko baṅ tahẽlen khan kại do cetʼkana mente ohoń baḍae daṛelea. “Alom lalocakʼa,” Ạn-ạrire noa katha baṅ lạilen khan laloc do cetʼkana mente ona hõ ohogeń baḍae daṛelea.


Enḍekhan aboren hapṛam Abraham reaṅ do cetʼ bon menkea? Noa babotre uni do cetʼe ńelleda?


Menkhan aboakʼ behokakʼ kạmiko khon arhõ pusṭạute bujhạukʼ kana, Isor do jaoge hok reakʼe kạmikana. Enḍekhan cetʼ bon menkea, aboe sạjạiyetʼ bonre uni doe behokeda? Iń do manwa lekateń roṛeda, sạrige uni do tishõ bae behoka.


Noako sanamakʼ hoy purạukʼte pon sae mõṛẽgel bochor lagaolena. “Noa tayom Sạmuel nạbi hạbicʼ Isor do bicạricʼe ematʼko tahẽkana.


Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniyakʼ ńutumte kại reakʼ ikạko ńama.”


“Ona chaḍa Sạmuel khon ehopʼkate tinạkʼ nạbikoko roṛakatʼ, onko hõ niạ okte reakʼ kathage lahareko lại oṭo akada,


Unre Probhu Isor do Jerubakʼal, ar Barak, Jephtoha ar Samuel tekoe kolletʼkote ape beṛhaeten bạirikoakʼ ti khone rukhiyạketʼpea. Ar ona tayom ape nirạite girobasokʼpe ehopʼena.


Sonot nạbiko okako katha lahateko menakatʼ onako ar aperen apostolko hotete aboren Probhu Isor ar babańcaoicʼ okaṭakʼ hukume emakatʼ, ińakʼ monejonakʼ do jemon onape disạ dohoy.


E boehako, okoe nạbiko Probhu Isor secʼ khon kathako roṛakatʼ, ar kosṭo oktere cetʼlekako sombhuri akatʼ tahẽkana ona katha do hudiskate ńelpe.


Enḍekhan cetʼ noa bon mena, Isorakʼ daya jemon bạ̃ṛtikʼ, onate kại iditege bon tahena?


“Unre Abrahame menkeda, ‘Mose ar nạbikoakʼ katha jãhãe bako ańjom khan enḍekhan gocʼko mod khon jãhãegeye beretʼlenre hõ onko do ohoko pạtiạulena.’ ”


“Tinre Abraham, Isạhak, Jakob ar nạbiko do Isorakʼ rajosṭirepe ńelkoa ar ape do bahrerepe giḍi ocoakana, unre ape dope rakʼ homora ar hasotepe togocʼ ḍaṭaea.


Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.


Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.


Mose ar Aron hõ uniren naekeko modren kin tahẽkana; okoe uni ṭhenko koejoṅkan tahẽkan onko modre Samuel hõe tahẽkana. Mose, Aron ar Samuel do Probhu Isorko hohowae kan tahẽkana ar uni do onkoe roṛ ruạṛako kan tahẽkana.


Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.


Inạ tayom Elkana do Ramate acʼakʼ oṛakʼteye ruạṛ calaoena, menkhan Samuel do naeke Eli ṭhen tahẽkate Probhu Isore sewawae kan tahẽkana.


Tayomte maejiuren do mitʼṭen koṛa hopone hoyena ar uniyakʼ ńutum do Samsone dohoketʼtaea. Samson doe hara idiyena ar Isor do uniye bhoradea.


Mitʼdin Probhu Isorren goḍet do hecʼkate Ophra ato reakʼ Elon dare buṭạreye duṛupʼena. Ona jaega do Abieser bõsren Joasakʼ ạidạrire tahẽkana. Onḍe uniren hopon Gideon do Midiạnrenko ṭhen khon guhum okoe lạgitʼ darkha lelen kunḍre onae enokʼkan tahẽkana.


Ehude gocʼen tayom Israelko do arhõ Probhu Isorakʼ mẽtʼre oka bạṛicʼakʼ kan onage kạmiko dhurạuena.


Israelko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onate uni do Midiạnrenkoakʼ tireye jimạkatʼkoa ar eae bochor hạbicʼ onko gobolreye dohoketʼkoa.


Probhu Isor do uni secʼ ạcurenteye menkeda, “Amakʼ niạ daṛetege Do calakʼme ar Midiạnrenkoakʼ ti khon Israelko bańcaokom, ente ińgeń koletʼmea.”


Philisṭiko oktere Samson do bargel bochor Israelkoakʼe bicạrketʼtakoa.


Daṛeankoakʼ akʼ do rạputʼ akana, menkhan bhindạṛ akanko do daṛeanteko beretʼena.


Unre Dạud do uni Philisṭiye metadea, “Am do tarwaṛe, borlom ar chorawante iń ṭhenem hijukʼkana, menkhan iń do phạdkoren Probhu Isor ńutumte am ṭheniń hijukʼ kana, one okoe dom henosta akawade.


Swiv nou:

Piblisite


Piblisite