Ibriko 11:27 - সান্তালী বাইবেল

²⁷ Isor cetanre biswạs iạtege uni do raj begor botoraete Misor disạme bạgiyatʼ tahẽkana, ente uni do baṅ ńelokʼicʼ ńelekan lekae sumbhrạukeda.

Santali Common Language New Testament

²⁷ Isor cetanre biswạs iạtege uni do raj begor botoraete Misor disạme bạgiatʼ tahẽkana, ente baṅ ńelokʼicʼ ńelekan lekae sumbhrạukeda.

Ibriko 11:27 Referans Kwoze

Ibriko 11:13

Noko hoṛko do pạtiạu talate jion khemaokateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

2 Korinthiko 4:18

Oka ńelokʼkan ona secʼ do bale beṅgetʼeda, bickom oka baṅ ńelokʼkan ona secʼgele beṅgetʼeda. Ar oka ńelokʼkan ona do eken thoṛa din lạgitʼkana, menkhan oka baṅ ńelogokʼkan ona do jaejug hạbicʼ reakʼ kana.

Ibriko 11:1

Okaṭakʼ ńama mentebon as akan ona dobon ńamgea ar ona reakʼ khạṭitetʼ do hoyokʼ kana pạtiạu. Ar ona pạtiạu hotete purạpuri bon bujhạu daṛeakʼa je, okaṭakʼ babon ńel ńametʼ kan ona do sạrige menakʼgea mente.

Jakob 5:11

Okoe sombhurikateko sahao akatʼ onko do bhạgankole metakokana. Ape do Jobe sumbrạuletʼ reakʼ kathape ańjomakada ar Probhu Isorakʼ kạmi reakʼ mucạtʼ jo do bhagegea mente ona hõpe ńelakada. Probhu Isorakʼ daya ar mãyã reakʼ mucạtʼtetʼ do bạnukʼa.

Exodus 11:8

Amren kạmiyạko hecʼkate iń samaṅre ikhṛumkateko mena, ‘amren sanam hoṛkoante oḍok calakʼme!’ Ar ona tayom doń oḍok calakʼa.” Noa katha menkate Mose do Pharao ṭhen khon raṅgaokateye oḍok hecʼena.

Exodus 4:19

Midiạn disạmre tahenrege Probhu Isor do Moseye metade tahẽkana, “Am do ńitokʼ Misorte ruạṛ calakʼme. Ente okoeko hoṛ am gocʼmeko menetʼ tahẽkan onko do celege ar jiwetʼ bạnukʼkoa.”

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

Ibriko 10:32

Laha dinko reakʼ katha disạipe. Unre marsal ńamkate ape do duk jom talate hõ teṅgo ṭak akaepe tahẽkana.

1Timothi 1:17

Okoe doe jaejugren rajkan, okoe doe bin maraokʼicʼkan ar one okoe do bae ńelokʼkan, uni mitʼ Isorakʼ man ar ṭhonokge jug cetan jug hoyokʼtae ma. Amen.

1 Korinthiko 13:7

Dulạṛ do sanamakʼgeye sahaoa, sanamkogeye pạtiạuakoa; sanamakʼrege ase dohoya; ar sanamakʼgeye sumbhrạua.

Mathae 10:22

Iń khạtirte sanam hoṛko hirkhạwapea, menkhan okoe mucạtʼ hạbicʼ ṭarhaoe tahen unigeye bańcaokʼa.

Exodus 12:11

Ona do nonka tahẽkatepe joma; apeakʼ kicricʼ do ḍanḍare paṭhe akae tahenma, jaṅgare panahi ar tire hõ ṭheṅga tahentape ma. Ona do usạrate onape joma. Ar noage Probhu Isor ńutumte bańcaokʼ porob reakʼ bhoj do hoyokʼa.

Ibriko 6:15

Noa iạte Abraham doe sombhuriketʼ khan Isor oka emae lạgitʼe gokʼade tahẽkan onae ńamkeda.

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

Aposkạmi 2:25

Dạud do uni reaṅe menakada, ‘Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Mark 13:13

Iń iạte sanamkogeko hirkhạwapea, menkhan mucạtʼ hạbicʼ okoeye ṭarhao tahen uni do bańcaoe ńama.

Mark 4:17

menkhan onkore mońjte rehetʼ baṅ bạisạukʼkante eken thoṛa din lạgitʼko ṭarhao tahenkana. Ente ona katha khạtirte tinre santao ar khedreko paṛaokʼkana unre onko doko pạcokʼkana.

Mathae 24:13

Menkhan mucạtʼ hạbicʼ okoeye ṭarhao tahen uni do bańcaoe ńama.

Sereńko 16:8

Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Exodus 12:50

Probhu Isor do Mose ar Aron okaṭakʼe hukumatʼkin onkage Israelko doko kạmikeda.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.