Ibriko 11:12 - সান্তালী বাইবেল

¹² Onate umer secʼte gocʼ barag hoṛmo hoekatere hõ Abraham do sermaren ipil leka ar jalapuri aṛe reakʼ gitil leka ạḍi utạr gidrạkoren apate hoylena.

Santali Common Language New Testament

¹² Onate umer secʼte gocʼ barag hoṛmo hoekatere hõ Abraham do sermaren ipil leka ar jalapuri aṛe reakʼ gitil leka ạḍi utạr gidrạkoren apate hoelena.

Ibriko 11:12 Referans Kwoze

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Genesis 32:12

Menkhan am dom metadiń tahẽkana, ‘khạṭige amiń bhạlạiymea ar am bõsren hoṛ do jalapuri reakʼ gitil lekań saṅge ocokoa ar onko do okoehõ bako lekha caba daṛeakoa.’ ”

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Jirimiạ 33:22

Ińren guti Dạudren hoponko ar okoe Liwiko do iń samaṅre teṅgokate sekʼwa reakʼko kạmikan onko do sermaren ipil lekako saṅgekʼa, ar ohogeko lekha caba daṛelena.”

Genesis 15:5

Tayomte Probhu Isor do Abram bahrete idikedeteye metadea, “Serma secʼ beṅged me arem daṛeakʼ khan ipilko lekhakom. Am bõsren hoṛ do onko ipil leka alekhako hoyokʼa.”

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Johan sodor 20:8

Unre uni do goṭa dhạrtire senkate jạt jạtrenko, metakʼme Gog ar Magoge bulạukinạ ar onkin do lạṛhại lạgitʼe jarwakinạ. Ar onko do lekhare jalapuri reakʼ gitil lekako hoyokʼa.

Jesaea 10:22

E Israel, amren hoṛkoakʼ lekha do jalapuri reakʼ gitil unạkʼlenre hõ enhõ thoṛa hoṛgeko ruạṛ hijukʼa. Israelko lạgitʼ maraokʼ do ṭhik doho akana ar hok reakʼ sạjại do onkore paṛaokʼgea.

Exodus 32:13

Amren guti Abraham, Isạhak ar Israelakʼ katha hudisme. Amakʼ ńutumte kiriạkatem metatʼko tahẽkana, onkoren bõs do sermaren ipilko lekam saṅgekoa ar amakʼ gokʼakʼ disạm do jaejug reakʼ ạidạri lekate onkoren hoponkom danakoa.”

Jesaea 48:19

Ona chaḍa aperen bõsko do gitil lekako hoyokʼa ar aperen gidrạko do lemeń gitil leka alekhako hoyokʼa. Onkoakʼ ńutum do iń samaṅ khon tishõ baṅ getʼ giḍikʼtakoa se tis hõ baṅ mohor meṭaokʼa.”

Nehemiạ 9:23

Sermaren ipilko leka onko do alekha hoponkom ematʼkoa ar okaṭakʼ disạmte bolokate ona ạidạri reakʼ katha onkoren hapṛamkom metatʼko tahẽkan ona disạmtem aderketʼkoa.

1 Bõsbudạ 27:23

Dạud do bargel se ona khon kom umerren hoṛ do bae lekhaletʼkoa, ente Probhu Isor do Israelkoakʼ lekha sermaren ipil lekae hoyocokoa menteye gokʼletʼ tahẽkana.

1 Rapajko 4:20

Jihudạ ar Israelkoakʼ lekha do jalapuri aṛe reakʼ gitil leka tahẽkana. Ar ạḍi sukre tahẽkate onko do dinko khemaoetʼ tahẽkana.

2 Samuel 17:11

“Onate noa sopolhań emam kana: Dan khon Ber-seba hạbicʼ doreão aṛe reakʼ alekha gitil leka Israelren sanam hoṛ am ṭhenko jarwakʼma ar am hõ onko tulucʼ lạṛhại oḍok calakʼme.

1 Samuel 12:5

Sạmuel do onkoe metatʼkoa, “Teheń do Probhu Isor kangeae goha do, ar uniren ojokʼ bahal akan hoṛko hõ goha kanako, ape do iń ṭhen khon jãhãn jinisge bape ńamleda.” Unre hoṛkoko menkeda, “Uni kangeae goha do.”

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

Josuạ 11:4

Onko rajko do akoren sanam lạṛhại phạdko sãoteko oḍok hecʼena. Onko do doreão reakʼ gitil leka ạḍi utạrko hoyena. Onko sãote do sadom ar rãt-gạḍiko hõ tahẽkana.

Dosar Biboron 28:62

Aperen hoṛ do sermaren ipil lekako saṅgelenre hõ aperen Probhu Isorakʼpe bebataoetʼtae iạte thoṛa hoṛge unre jiwetʼpe tahena.

Dosar Biboron 1:10

Aperen Probhu Isor do nunạkʼe saṅge ocoakatʼpea je, teheń ape do sermaren ipil lekape saṅge akana.

Romiko lạgitʼ Pạul Apostolakʼ ciṭhi 9:27

Jesaea nạbi hõ Israelko reaṅe roṛleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.

Habakkuk 1:9

Onko do santao lạgitʼgeko hijukʼkana. Onkoren maraṅ phạdko doko laha hijukʼkana ar gitil leka alekha hoṛko bondi idikoa.