Ibriko 10:5 - সান্তালী বাইবেল

⁵ Onate Mạsi noa dhạrtiteye hijukʼ jokhecʼ Isore metade tahẽkana, “Janwar ar eṭakʼ dãṛẽ do bam khojlakʼa, menkhan iń lạgitʼ mitʼṭen hoṛmogem tearkeda.

Santali Common Language New Testament

⁵ Onate Mạsi noa dhạrtiteye hijukʼ jokhecʼ Isore metade tahẽkana, “Janwar ar eṭakʼ dãṛẽ do bam khojlakʼa, menkhan iń lạgitʼ mitʼṭen hoṛmom tearkeda.

Ibriko 10:5 Referans Kwoze

Jesaea 1:11

Probhu Isore meneda, “Aperen jãhãn teṅgenokʼko do baṅ jạruṛạńạ. Bheḍa ar lodgopʼ posao janwarkoakʼ itil reakʼ jeredokʼ samaṅokʼakʼ iń do bạń hạ̃sakʼ kana; ḍaṅgra, bheḍa ar meromakʼ mãyãm hõ bạń kusiyakʼ kana.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Ibriko 1:6

Baṅ, ona do bae menakada. Isor do acʼren dulạṛiạ Hopon noa dhạrtite kole jokhecʼe men akada, “Isorren sanam goḍetko do uniko sewawae ma.”

Ibriko 10:7

Tayomte ińiń menkeda, ‘nõkʼõe, iń hecʼakana; sostorre ińakʼ hijukʼ reaṅ olakana. E Isor, iń do amakʼ sana purạutam lạgitʼgeń hecʼakana.’ ”

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

Ibriko 10:10

Isorakʼ sana lekage Jisu Mạsiyakʼ hoṛmo mitʼ dhao samaṅente abo dobon begar ocoakana.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

2 Johan 1:7

Dhạrtire nonkan aema hoṛko oḍok akana okoe doko bukʼlạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

Ibriko 8:3

Mimitʼ maraṅ naekeko do janwar dãṛẽ ar eṭakʼ eṭakʼ jinisko samaṅ lạgitʼko bahal ocokʼkana, onate nui maraṅ naekeakʼ hõ jãhãn dãṛẽ samaṅ reakʼ jạruṛ menakʼtaea.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Mathae 11:3

“Okoeyakʼ hijukʼ reakʼ katha menakʼtae uni dom am kangea, se eṭakʼgicʼ lạgitʼle koyokʼ hora?”

Jirimiạ 31:22

E bạṛicʼ horte senakan kuṛi, ar tinạkʼ din am dom dãṛãbaṛaea? Iń Probhu Isor do dhạrtire mitʼṭecʼ nãwãnakʼ iń hoyocoakada, ona do hoyokʼ kana, maejiu do herel hoṛe aḍ bańcaoea.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Luk 7:19

Unre Johan do acʼren barea cela hohoatʼkinte Jisu ṭhen noa katha kuliye lạgitʼe kolketʼkina, “Okoeyakʼ hijukʼ reakʼ katha menakʼtae uni dom am kangea, se eṭagicʼ lạgitʼle koyokʼ hora?”

Jesaea 40:16

Lebanon reakʼ kaṭ do sahan lạgitʼ baṅ kulạukʼa ar onaren janwarko hõ jeredokʼ samaṅokʼakʼ lạgitʼ bako kulạukʼa.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Ibriko 10:8

Cetan reakʼ kathakore pạhilte Mạsiye meneda, “Janwarko ar eṭakʼ dãṛẽko, jeredokʼakʼ dãṛẽko ar kại ńutumte dãṛẽko, am do bam khojlakʼa ar onare kusi hõ bam kusilena.” Noa dãṛẽko do ạn-ạri reakʼ hukum lekage hoyokʼkan tahẽkanre hõ uni do noa kathae roṛleda.