Ibriko 10:38 - সান্তালী বাইবেল

³⁸ Okoe hoṛ dhorom menteń ataṅ akade uni do pạtiạu hotetege jione ńama; menkhan jãhãegeye ruạṛ calakʼ enḍekhan unire do kusi bạń tahena.”

Santali Common Language New Testament

³⁸ Okoe hoṛ dhorom menteń ataṅ akade uni do pạtiạu hotetege jione ńama; menkhan jãhãegeye ruạṛ calakʼ khan unire do bạń kusikʼa.”

Ibriko 10:38 Referans Kwoze

Galathiko lạgitʼ Pạul Apostolakʼ ciṭhi 3:11

Ona chaḍa noa hõ pusṭạugea je, ạn-ạri manaote Isor do okoe hõ dhorom mente bae ataṅkoa, ente sonot sostor reakʼ katha leka, “Okoe dhorom menteye ataṅ ocokʼ uni do biswạs hotetege jione ńama.” Ente pạtiạu tulucʼ ạn-ạri reakʼ jãhãn jopoṛao do bạnukʼ anaṅ.

Romiko lạgitʼ Pạul Apostolakʼ ciṭhi 1:17

Isor manwako cetʼlekate dhorom menteye ataṅko ona do bhage sombat hotete sodor akana. Etohopʼ khon mucạtʼ hạbicʼ pạtiạu hotetege manwa do eken dhorom menteye ataṅ ocokʼa. Sonot sostorre olakana; “Dhoromicʼ do pạtiạu hotetege jione ńama.”

Habakkuk 2:4

“Bạḍạite perecʼ Babel do dhoromicʼ doe baṅkana, menkhan okoe miridos menteye ataṅ ocokʼkan uni do acʼakʼ biswạs khạtirtege jiwetʼe tahena.

Sereńko 85:8

Probhu Isor okaṭakʼe mitạń iń do onageń ańjoma; uniren hoṛko ṭhen, uni botoraeko ṭhen uni do suluk reakʼ kathae roṛa; menkhan onko do lelha secʼ ar aloko ruạṛma.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

Mathae 13:21

menkhan onkore mońjte baṅ rehedokʼkante thoṛa ghuṛi lạgitʼko ṭarhao tahen kana. Ar ona katha khạtirte tinre santao ar khedreko paṛaokʼkana unre onko doko pạcokʼkana.

Mathae 12:18

Ńelpe, ińren guti one uniń bachao akade, unige ińren dulạṛiạ, one unireń kusi akan. Ińren Jiu do unireń dohoyea, uni do boṅgan hoṛ jạtrenko ṭhen hok reakʼ bicạre lại jạhira.

Jeheskel 3:20

“Arhõ, jãhãe dhorom hoṛ jodi acʼakʼ hor khon ruạṛkate bạṛicʼakʼe kạmi ar uni samaṅre mitʼṭecʼ muhin iń dohoy, enḍekhan uni doe gujukʼa. Ar uni bam sontorlede iạte uni do acʼakʼ kại iạteye gujukʼa. Ar okako dhorom reakʼ uniye kạmi akatʼ ona do ar baṅ disạkʼtaea; ar uniyakʼ gujukʼ lạgitʼ am do bạń dạyimea.

1 Thessalonikikko 2:15

Onko Jihudikoge Probhu Jisu ar nạbikoko gocʼ letʼkoa, ar ale hõko khedletʼlea. Onko do Isorko monduk ocoakadea, ar sanam manwako cetanre bạiri mon menakʼtakoa.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Sephaniạ 1:6

Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”

Jeheskel 18:24

“Menkhan mitʼṭen hoṛ do acʼakʼ dhorom khon ruạṛkateye kại ar dusṭạmi hoṛko leka bạṛicʼakʼe kạmi enḍekhan uni do cetʼ jiwetʼe tahena? Unre uniyakʼ dhorom kạmi do ar bạń disạitaea. Uni do acʼakʼ bepạtiạr ar kại iạtege khạṭigeye gujukʼa.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Sereńko 5:4

E Isor, am do bedhoromakʼre rạskạkʼ icʼ dom baṅkana; ente bạṛicʼ hoṛ do am samaṅre bako tahẽ daṛeakʼa.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

Jeheskel 33:13

Mitʼṭen dhorom hoṛiń metae, am do khạṭige jiwetʼem tahena, menkhan uni do dhoromre bhorsakate bạṛicʼakʼe kạmi enḍekhan lahate okako dhoromakʼe kạmi akatʼ ona reakʼ okaṭakʼge baṅ disạkʼtaea; ar oka bạṛicʼakʼe kạmi akatʼ ona iạtege uni doe gujukʼa.

Ibriko 10:39

Okoe ruạṛ senkateko maraokʼkan onko dolren dobon baṅkana; menkhan pạtiạukʼte okoe bańcaoko ńam onko dolren kangea bon.

Jakob 5:6

Ape do dhorom hoṛkope dusi akatʼkoa arpe gocʼ akatʼkoa, ar onko do bako tạkicʼ daramletʼpea.

2 Samuel 22:22

Ente Probhu Isorakʼ horrege iń doń dãṛãn kana; ar bạṛicʼakʼ kạmikate ińren Isor khon bạń ocokʼ akana.