Ibriko 10:33 - সান্তালী বাইবেল

³³ Oka oka okte do sanamko samaṅre tamasakope hoyocolente opoman ar santao sahaokate dukpe jomleda; ar okoeko cetanre onkan beohar hoylen onko tulucʼ hõ ape do dukpe sahaokeda;

Santali Common Language New Testament

³³ Oka oka okte do sanamko samaṅre tamasakope hoeocolente opoman ar santao sahaokate dukpe jomleda; ar okoeko cetanre onkan beohar hoelen onko tulucʼ hõ ape do dukpe sahaokeda;

Ibriko 10:33 Referans Kwoze

1 Korinthiko 4:9

Ińakʼ bujre Isor do ale apostolko ses utạrko menkateye udukʼ akatʼlea, gocʼ ocokʼ lạgitʼ ṭarhao akanko lekage. Ale do goṭa dhạrtirenko ṭhen, metakʼme sermaren goḍetko ar manwako ṭhen tamasa lekale hoyakana.

Philipiko lạgitʼ Pạul apostolakʼ ciṭhi 4:14

Enhõ ape do ińakʼ duk sasetre bhạgiyạdarpe hoyakante ạḍipe bhage akada.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiyạdarkope hoyokʼ kana.

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

1 Thessalonikikko 2:14

E boehako, Jihudạ Prodesre Mạsi Jisure kolom mitʼakan Isorakʼ oka manḍerko menakʼ, onkage ape hõpe hoyakana. Jihudikoakʼ tite onko do oka duk ar kosṭoko jomakatʼ, onkage ape hõ apnar disạmren hoṛkoakʼ tite duk ar kosṭope jomakada.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

Sereńko 74:22

E Isor, am do ma beretʼdokʼte bicạr lạgitʼ amakʼ mambla hạjirme; alom hiṛińa bebuj hoṛko do goṭa din amko landa dhutʼam kana.

Ibriko 13:13

Onate dela bon, uniyakʼ henosta bon gogte nagraha bahre uni ṭhen bon calakʼma,

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.

2Timothi 1:8

Onate aboren Probhu Isor reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniyakʼ bhage sombat porcar lạgitʼ iń tulucʼ duk jomme.

2 Korinthiko 12:10

Onate Mạsi iạte nijorakʼkore, bemanot ocokʼre, kucit ocokʼre, santao ar khed ocokʼre ar joṅjalkore iń doń rạskạkʼ kana, ente tinreń nijorokʼa, unrege daṛeanakʼiń hoyokʼa.

Sakariạ 3:8

E Maraṅ naeke Josuạ, am do ańjomme ar am samaṅre duṛupʼakan amren sãoten naeke hõko ańjomma. Iń okaṭakʼ kahle metakʼme ińren gutiń ạguiye unigeye hoyokʼa naekeko reakʼ cinhạ do.

Nạhum 3:6

Iń do am cetanre jońjalkoń capatʼ lạthiạuama, ar hirkhạ mẽtʼteń ńelmea ar landha dhutʼicʼ hoṛiń hoyocomea.

Sereńko 89:51

E Probhu Isor, amren bạirikoge ona doko henosta akada; ar amren ojokʼicʼ hoṛ hõ uniyakʼ sanam taṛam pańjare.

Sereńko 79:12

E Probhu Isor, ale aḍepase jạtrenko do oka leka aleko henostawale kana, ona reakʼ eae doboṛ sạjại baṛe hala ruạṛakome.

Sereńko 71:7

Iń ńelte ḍher hoṛge cahapʼkateko koyokʼ kakʼa, menkhan am do ińren aotan gaṛ kanam.

Sereńko 69:9

Amakʼ oṛakʼ lạgitʼ ińakʼ oka dulạṛ menakʼ, ona dulạṛge ińakʼ ontor doe jaljalao ocoyeda. Ar okoe amko bemanotetʼme onkoakʼ sanam opomange ińre paṛaokʼkana.

Ibriko 12:4

Kại upạrte lạṛhại lạṛhạite mãyãm jorokʼ hạbicʼ ńitokʼ hõ okte do apere baṅ hoyakana.