Ibriko 10:31 - সান্তালী বাইবেল

³¹ Jiwetʼ Isorakʼ tire paṛaokʼ do ạḍi botoranakʼ kangea.

Santali Common Language New Testament

³¹ Jiwetʼ Isorakʼ tire paṛaokʼ do ạḍi botoranakʼ kangea.

Ibriko 10:31 Referans Kwoze

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Luk 12:5

Menkhan ińiń udukʼapea okoeṭakʼpe botoraea mente. Ape gocʼpe tayom okoe do norokre khadlepe reakʼ ektiạri menakʼtae unige botoraepe. Hẽ ińiń metapekana, ape do unige botoraepe.

Ibriko 12:29

Ente aboren Isor do ḍahao maraoakʼ seṅgel lekanae.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Sereńko 76:7

Am, hẽ amge ạḍi botoranicʼ kanam; amakʼ edre rakapʼlenre okoe hale am samaṅre doe teṅgo daṛeakʼa?

Sereńko 90:11

Amakʼ edre reakʼ daṛe do okoeye bujhạu daṛeakʼa? Tinạkʼ hoṛakʼ ontorre bhoti menakʼte, amakʼ raṅgaoko bujhạu daṛeakʼa?

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Ibriko 10:27

bickom eken bicạr reakʼ botoranakʼ ghuṛi ar Isorren bạiriko lo torocʼko leka jolokʼkan edrege ńelhor akae tahen hoyokʼa.

Sereńko 50:22

“Okoe Isorpe hiṛiń akade ape do hudisokʼpe; ar baṅkhan iń doń or cirạpea, ar ape bańcaope lạgitʼ do cele hõ bako tahena.

Luk 21:11

Ạḍi ãṭ dhạrti laṛao hoyokʼa ar jaega jaegakore akal ar mahamạriko hoyokʼa. Ona chaḍa sermare nonkan ghoṭnako hoyokʼa ar cinhạko ńelokʼa, oka do ạḍi botorge.

Jesaea 19:16

Enhilokʼ Misorren hoṛko do maejiu lekako hoyokʼa. Onko upạrte phạdkoren Probhu Isor do tiye rakabtaea ar ona ńelte onko do botorteko thar tharaokʼa.

Aposkạmi 13:11

Ńelme, Probhu Isorakʼ ti do am upạrte rakapʼ akana. Am dom kãṛãkʼa ar thoṛa din hạbicʼ siń cando reakʼ marsal bam ńelńama.” Ar unrege uni do dhund ar ńut paṛaoadete hoṛe ńamkoa mente onte note ṭạmḍạu baṛaye ehopʼena.

2 Korinthiko 5:11

Probhu Isor bon botoraekante abo do apnar reaṅ manwakoakʼ monre biswạs janam ocoy lạgitʼ bon kurumuṭuyeda. Ar abo bon oka lekanko kan, ona do Probhu Isor ṭhen sodorgea ar asiń dohoya apeakʼ bibek ṭhen hõ ona do pusṭạugea.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.