Ibriko 10:30 - সান্তালী বাইবেল

³⁰ Ale do unile baḍae akadea one okoeye menetʼkan, “Hala hạli do ińakʼge, ińgeń hala ruạṛa; okoe okaṭakʼ ńam lek kane uni do onageń emaea.” Uni do arhõ mitʼ jaegareye meneda, “Probhu Isorge acʼren hoṛko lạgitʼ hok reakʼe bicạra.”

Santali Common Language New Testament

³⁰ Ale do unile baḍae akadea one okoeye menetʼkan, “Hala hạli do ińakʼge, ińgeń hala ruạṛa; okoe okaṭakʼ ńam lek kane uni do onageń emaea.” Uni do arhõ mitʼ jaegareye meneda, “Probhuge acʼren hoṛko lạgitʼ hok reakʼe bicạrtakoa.”

Ibriko 10:30 Referans Kwoze

Romiko lạgitʼ Pạul Apostolakʼ ciṭhi 12:19

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Sereńko 50:4

Acʼren hoṛkoakʼ bicạr reakʼ hĩs hatao lạgitʼ uni do coṭ reakʼ rimile hohowae kana, ar dhạrti hõe hohoae kana;

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Sereńko 135:14

ente Probhu Isor do acʼren hoṛko dhorom reakʼe bicạrtakoa, ar acʼren golam doe mãyã akoa.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.

Romiko lạgitʼ Pạul Apostolakʼ ciṭhi 13:4

Apeakʼ bhage lạgitʼge uni do Isorren sapʼdapʼicʼ lekae kạmiya. Ar bạṛicʼakʼpe kạmikan khan botorokʼpe, ente bạṛicʼakʼ kạmikanko sạjạiko reakʼ ektiạri do uniyakʼ menakʼtaea. Uni doe Isorren sapʼdapʼicʼ kana; ar okoe bạṛicʼakʼko kạmikan onko do Isor lekateye sạjạikoa.

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Jeheskel 18:30

“Ona iạte E Israelko, iń do ape mimitʼko apeakʼ colon lekateń bicạrpea. Ape do ruạṛpe, ar sanam behokakʼ kạmi khon mon ạcurtape; enḍekhan apeakʼ kại iạte ohope maraolena.

Jeheskel 34:17

“ ‘E ińakʼ palrenko, ańjomtińpe. Iń do bhage bhiḍi ar bạṛicʼ bhiḍiko talareń bicạra. Ar bhiḍi ar meromko talare hõń bicạra.

Jesaea 63:4

Ńitokʼ do chakʼḍao reakʼ okte hecʼakana; ar hala hạli reakʼ oka okteń ṭhik dohoakatʼ ona hõ hecʼ seṭerena.

Jesaea 59:17

Uni do koṛam aḍtae lạgitʼ dhoromgeye horokʼana ar bohokʼre do babańcaoge. Uni do hala hạli reakʼ kicricʼe horokʼkeda ar edre do kicricʼ leka hoṛmoreye oyowana.

Sereńko 94:1

E Probhu Isor, am do hala ruạṛicʼ Isor kanam, E hala ruạṛicʼ Isor, amakʼ marsal baṛe sodorokʼma.

Levitikus 19:18

Alom hala hạliya, se okoe cetanre hõ monre khĩs alom dohoya. Ar am aḍepaseren hoṛ do apnar lekam dulạṛea. Iń kangeạń aperen Probhu Isor do.

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.

1 Samuel 26:10

Jiwetʼ Isor ńutumteń meneda, Probhu Isorge uni do sạjạiye emaea. Uni do acʼtegeye gujukʼa, ar baṅ khan lạṛhạire senkateye marao utạrokʼa.